Rev. Pa Hrang Hmung

                                                                                    A THIKHO LOMI PATHUM 1.Pathian bia Van le vawlei cu an rawk lai; sihmanhsehlaw ka bia cu zeitikhmanh ah a rawk lai lo.(Matt 24:35)Kan Biakinn tual pangpardum kan cin pangparphun khat cu tikantoih ruang ah an tilsual ah khin an tlaknak hmunhma poh ah an nung.Pathian bia hi a tlak nak hmun poah ah a nung ve.Pangpar te cu a thahri vawlei ah a bunh ca ah a nung i an hungthang ve .Cu bantuk in Pathian bia zong a tlak nak hmun hmunhma nih a cohlan poh ah cun a nung i a thang ve.Pangpar kung cu a hung thang i an par. Pathian bia cu a hungthang ve a um nak minung hmang in mit hmuh khawh tiang an hung lang. “Cu bantuk cu ka kaa in a chuakmi bia cu a si ve lai ka sinah a lawngin a ra kir than lai lo,tuah seh tiah ka fialmi kha a tlolh lai lo i ka thlahhnawh chanmi thil ah khan a tlam a tling lai.(Isaih 55:11)A si na in pangpar kung cu rikhiah piak mi tiang lawng a nung.Pathian bia tu cu ri khiah piak cia kan nun

Nawlngaih nun(obedient life)                               27/03.2022(sermon) Rev.Pa Hrang Hmung Jesuh minungsinak Bible study ah kan cawnmi cu Jesuhminung nih Pathian nawl ngaih nun in khamh nak rian a thawk i  nawlngaih nak in khamh nak rian cu vailam cung thih nak in a dongh ter.Jesuh nih a chim leng mang mi cu kei ka riancu ka pa duh nak tuah hi a si ti.Cu ca ah Jesuh nih“Nan ka dawt ahcun ka nawlbia kha nan zulh hna lai.(Johan 14:15) Ni hinkhrih zultu kan nun ah kan hmuh mi cu Pathian nih kan cung ah a tuah ding mi le kan hmuh hnga ding a thluachuah kan ruah nak ah a biapi bik mi a nawlngaih kan                            philh.Nawlngaih nak hi Pathian nih zeitluk in dah biapi in a                        chiah kan zohhmanh lai. Pathian  nih khamh nak rian Jesuhkhrih hmang in a tlin ter mi progamme umtu ning kan zoh hna hmanh lai.Eden dum i Adam le Eve minung nawlngaih lo ruang ah Pathian sin in mi vilate kan thih nak kha nawlngaih nak in a ta si than ding ah a kan timh piak mi h

A RAWK KHO LO MI Thantlang khua rawh le Ukraine  ram rawh hi a man tuak ah cun a thlau tuk lai na in lungfah ngaihchiat kan tuar nak a khat.Thantlang khuami zei tik ah dah an kir than lai ti mi ruah ah lung a fak khun.Ukraine ngakchia pa khat vawlei ah alawnglen mi pa authawng cu “ka inn ka pek than u” ti a si.Ruah ah a fak tuk. Jesuh nih can donghlai hmelchunh nak kong a chim mi ah“Van le vawlei cu an rawk lai; sihmanhsehlaw ka bia cu zeitikhmanh ah a rawk lai lo.”(Mathai 24:35)A chimban tuk in vawlei ah a rawkkho lo mi a hmun mi a um lo ti hi a fiang chin leng mang.A si na in a rawk kho lo thil pakhat te lawng a um.Zei ca ah tiah Pathian nih vawlei hi  a dawt hringhran ca ah  a fa pa ngeihchunh kha a pek.Cu ca ah a mah a zum mi paoh cu an rawk lai lo,si hmanh seh law zungzal nunnak an ngei lai.(Halaluiah)(John 3:26)Cu ca ah Jesuh thawng in a rawk kho lo mi nun kan ngeih mi tu ah hin i lawm zungzal ko hna u sih.

                          Bawipa he kal(Walk with God) Pathian he kan i petlaihnak ah ka nun nih a fianchuak mi hna cu, 1.Pathian bia hi a rumhringhran dah 2.Pathian cu zeizong vialte ka phit a si.(The Lord Is my answer) 3.Ka hngalh lo mi lam hna le a tu hrawng ah ka fian chap mi cu 4.Pathian lawng lawng hi zeibantuk can paoh ah ka nun fianter tu a si ti mi hna hi an si. A tu lio vawlei a hrum ai i thawngpang vaivuan le thingphang thlarau zawtfah tlangrai phun kip ah kan um lio ah Thlaraupumsa in tlau a fawi lio te a si.A si na in hi bantuk can lio ah hin Bawipa he a kal mi hna lawng lawng nih hin an nun can sining ding an i fiang . Kan Baibal thiang chung ah Bawipa he kal in a nun a fiang mi hna lak ah,Enok hi a tel ve.Enok cu Adam le Eve hrinthlak hmasa pawl lak ah a tel mi a si i Pathian nih a nun bu in van ah a lak mi a si.Kum 300 chung Bawipa he an tlongleng ti.(Enock walk with God)a hrin thlak hna hi Mathusehlah,Lamack le Noah an si hna.Kum 300 chung ah hin mi dangtawn mi vawlei

                              FARO A LUNG THUMH A HAU Pathian nih Moses cu Pathian bantuk ah kan ser lai i Na u Aron nih Na profet bantuk a sin ah bia a chim lai.(Exodus 7:1)Pathian nih Faro a lung a thawn ter.Pathian tei tu a si nak a langh nak hnga ca ah a si.Zei tluk hmanh in Faro thawng ko hmanh Seh law Pathian cu a tei lo ca ah a lung a thumh i Israel a luat.Mint Aung Hlaing a lung a thawn ter tu Pathian a si.Pathian nih zumtu nang lei kei hmang in Myint Aung Hlaing a lung a thumh khawh hrim hrim.A thih nak ding thlacam si lo in Pathian thawn nak a mit in a hmuh i a lung a thumh i kawlram mi vialte(ralkap telh)in luat nak kan hmuh ding hi Pathian nih a duh deuh.Cu ca ah Myint Aung Hlaing a lung a fim i a lung a thumh nak hnga Pathian sin thlacam hi a biapi bik in kan tuah ding mi a si ti hi ka fian ning a si.Pathian nih zumtu hna hmang in kawlram a rauh hlan ah kuat nak kan pek hram ko seh.Amen.

TIVA NUNG(Living Water) Tuzing khuadei lei ka mang canghlan in Nunnak ti Jesuh,Nunak rawl Jesuh voikhat zumhah zungzal hnangam le diriam nak a kan ngeih ter tu a si kha ka hung fiang chin chin i ka lawm tuk.Zei ca ah tiah cathiang nih “Keimah a ka zummi paoh cu an lung chung in tiva nung an put lai”(Johan 7:18)cun Jesuh nih hi ti hin a fehter than.”Sihmanhsehlaw keimah nih ka pekmi ti a ding mi paoh cu zeitik hmanh ah an ti a hal than ti lai lo.Ka pek mi  ti cu a chungah zungzal nunnak petu cerhti put ah a cang lai”(Johan 4:14)Amen.Zei ca ah ti ah cun”Rawltak tak cu ka sa hi a si i din awk tak tak cu ka thi hi a si.Ka sa a ei i ka thi a ding mi paoh cu ka chungah an nung i kei zong an chung ah ka nung ve (Johan6:55-56)Zei tik hmanh ah a kaang ti lo mi tiva nung Jesuh hna ngam nak tling Kan ngeih cio khawh nak hnga Thiangthlarau nih kan bawmh hram seh.Amen

                                                              DINHNAK   Jesuh nih “Ka sin ah ra tuah u dinh nak kan pek hna lai(Mathai 11:28)A tu lio vawlei boruak ruang ah lungsivang in na um maw.Taksa thinlung reithei tuk in na um sual maw.Dinh nak hmun Jesuh he can tlawmpal te in lak tuah hmanh Na theih lai.”Nabiakinnchung(Bawipa umnak hmun)ah ni khat um cu hmun dang i ni thawngkhat umnak in a tha deuh”(salm 84:10)Bawipa sin ah ni khat Na um ah cun nithawngkhat chung lungsivang in na um nak vial te an lo dih lai.Khrih him nak le daih nak chung ah na um ve khawh nak hnga Bawipa nih lam i hruai hram seh.

                            ZEIHMANH NIH A HRAWH KHAWH LOMI “A si ram cu a car i pangpar cu a uai.Si hmanh seh law kan Pathian bia cu a hmun.”(Isaiah 40:8)Vawlei cung ah a rawk kho lo mi a hmun Zungzal mi cu Pathian bia a si.Amen.Cu ca ah a mah a zum mi poh cu an rawk lai lo.(Johan 3:16)A si na in Siangpahrang Sennakherisb cu bia chawkvai a theih mi ruang ah a nun nak a dih.(Isaiah 36:7)Bia chawkvai a tam tuk mi chan kan phan kan nun hrawk tu ral tih nung a si.A si na in Hezekiah cu Pathian bia kha a tlaih peng ca ah a nun nak a rawh lo lawng si lo in a nun nak chap a si.A tu lio ah hin Pathian bia kha mihrut bantuk in thlah lo in a tlaih mi lawng an him lai.kan him nak lung Jesuh a min thangthat in um ko seh.Amen

CINKEN Mary nih hi thilvialte hi a cinken hna i thukpi in a ruat hna.(Luke 2:19)Tuzingcu hi bia nih hin thil a ka fian ter mi a um ca ah ka lawm tuk.Nang mah zong lawmhnak Na hmuh ve nak hnga Thiangthlarau bawmh ka hal.Mary hi a nu hawi nih theih an duh na in an theih lo mi Pathian bia a sin ah a ra leng mang.Philhkhawh ding khi a si lo.A tu zong ah tukhal hna nih vancung mi sin in an theih mi thil kha a hung theih tik ah a fiang chin chin.A pehtawnh khawh.Thuk pi in ruah i i cinken lo awk a tha lo.Peter bia hi ruat hmanh  biaceihtu hna nih an tlerh i an deh cawh lio ah a chim mi cu “zei ti a si hmanh ah kan nih nih cun kan mah hrim hrim nih kan hmuh ko miLe kan theih ko mi cu chim lo cun kan um kho bal lai lo”(Lamkal 4:20) A fiangtuk mi bia ral tha ngai in chim lo awk le dir pi lo awk a tha lo mi bia a theih ti a fiang ti u.”A tu cu nang mah na chim mi ruang ah khan si lo in kan mah te nih kan theih mi le a mah cu vawlei khamh tu a si hrim hrim ti kha kan hngalh ca ah kan Zumh”(Johan

  NUNNAK LE THIH NAK Tuzing cu Pathian bia hmang in ka fian mi kan hromh hna.Arfi thiam hna  sin ah bia pahnih an mah te biachah nak tuah ding a phan.Pakhat nak cu Herod sin in “vakal u law ngakchia kong kha tha te in va hlat u cun nan hmuh tik ah rak ka chim than u law kei zong a mah cu ka biak ve lai”(Matthai 2:8) Upa bia ciamam Sia herh nak tak tak bia a si tiah a ho poh nih theih khawh a si.A pahnih nak cu Pathian sin in a si i Herod sin i kir ti lo ding khan a chimh hna i cu ca ah lam dang in an ram ah khan an kir.(Mathai 2:12)Herod bia cah kha an zumh deuh i an hmaizah deuh ah cun Jesuh kha a thi colh hnga.Pathian bia tu kha an Zumh deuh ca ah tih lo te in Herod an hlawt i Pathian bia kha an ngaih deuh ca ah Jesuh a luat.(a nung)U nau hna i thim ding pahnih kan ngei hna.Taksa maw Thiangthlarau dah.Pathian bia maw minung bia dah.Minung fimnak mawPathian fimnak dah.taksa hruai nak maw Thiangthlarau hruai nak dah.Na thim ding na fian deuh nak ding ah Paul nih fiante in a chim ve mi

                                                                          HAWIKOM THA Mivialte hi kan chambau dih.Zumhawk tlak taktak hawikom tha ti hi a um Kho lo.A can a phak tik ah kan tlamtling lo  nak a chuak cio ko.Paul nih raltam pi lak ah zeitik hmanh ah a kal tak bal lo tu Jesuh hawikom tha nih a ka um pi i ka lei ah atang Zungzal  a ti.(2kor 4:9) Jesuh nih ka hawikom nan si.(johan 15:14)ka lawm tuk ee zeitik can poah ah keimah lawng a ka kal tak bal lo tu ka ngeih hi  ka hna ngam nak ngan bik a si.Pathian nih Abaraham cu ka hawikom tiah a auh.(Isaiah 41:8)Aw a va thlum dah.A kan deuh ballo tu ka hawikom Pathian.Haleluiah.Hawi kom dawt mi hna Jesuh hi na hawi tha ah na lak cang maw.Zei tindah na hmuh .Zei tin dah na biak.Zei bantuk lungput in dah a rian na tuan.Bethlehem ah Jesuh    Hmunhma (room) a um lo.(Luke 2:7)A poituk .Jesuh  kha a tu hrim hrim ah hin hawikom tha ah i lak law na nun nak a thuk bik nak ah khan hmun hma rak pek ve ko tiah Jesuh min in kan sawm.

  LUNGLOMHNAK Tuzing kaa lawmhnak kanhrawmhhna.Haleluiah.Elizabeth nih Mary sin ah Bawipa bia Na sin ah a ra mi kha a tling tak tak lai ti zumh cu na ca ah lung lawmh awk a va si hrinhran dah(Luke 1:45) a ti bang khan.Mary nih A sal nu hi hi tluk mi nauta ka si na in a ka philh lo.(Luke 1:48)A ti bang khan.Zekhariah nih Kan nih cu daihnak lam ah a kan hruai cang lai  tiah Thiangthlarau nih a nun ram ah aw he fian nak a pek hna i an i lawmh bantuk khan(Luke 1:79)Tukhalpawl cu an hmuh mi le an theih mi ruang ah khan Pathian cu an thangthat (Luke 2:20)Taksa thil chung in si lo in Thiangthlarau nih chunglei nun ah a fianter hna bangtuk khan ka lung ah lawmhnak khuaceu kan Pathian nih a ka hrawmh ca ah ka lawm tuk ee.Cu ca ah cun pei Paul zong nih Efesa khrifabu hna kha Hladawh in pakhat le pakhat i chawn u.Bawipa cu hla le aw dawh in nan lung taksa in thangthat u.(Efesa 5:19) tiah a  forh hna hi a si lai.Jesuh Chuak lai chuah hnu Can chung ah thiangthlarau thawng in lawmh nak a hmuh mi hna

                                                                         RAWL INN Bethlehem sullam cu RAWL INN(bread) ti nak a si.Elimelek le Naomi hi Bethlehem ah Mangttam a tlun ca ah Moah ram ah an pem.Rawinn tiah ti ding tlak tiang a si mi khua mangttam a tlun ca ah pemtak ding tiang a si hi taksa rawl chuah nak si lo in Thlaraurawl tu a si deuh dawh a si.Taksa rawl ruang ah an zam ca ah bochan mi chungkhar an thih dih pin ah an nun nak cu mi hmai ah a kha.Zumhthawn nak rawl tu kha rak ei hna seh law an him deuh hnga.Jesee chungkhar zong Bethlehem ah taksa in a thawng mi a fa le kha Pathian hmai ah a der mi an si leh lam i taksa ah a der tiah an ruah i Pathian Thlarau rawl a ei tu David tu Pathian hmai le Mi hmai ah mi thawng tak tak a si kha.Jesuh nih Nunak Changreu(bread) cu kei mah hi ka si.(Johan 6:35)Rawl tak tak cu ka si a ti mi nih hin kan ca ah Rawlinn cu Jesuh kha a si ti a fianter.Ei tung i a rawl a ttam peng mi si hna lo in voikhat ei ah zungzal ca ah a si mi Jesuh cu ka

  THAWNGTHA Thawngtha a man ngeihnak hi thawngchia ruang ah a si.Thawngchia nih ngaihchiat nak a hrin i thawngtha nih lunglawmhnak a hrin ve.Pathian hi zei tik hman ah kan ca ah thawngchia khua a khang bal lo.Vawlei nih cun Thawngchia a kan pek Zungzal.Pathian cu thawngchia kha thawngtha in a kan thlen piak.Tikha kha tithlum ah a thlen. Mei nih a kangh cang hna lai ti mi thawng chia kha a kanghna lo ti mi thawngtha in a thlen.Chaindaih Nih attam dih cang lai ti mi thawng chia kha Chaindaih nih ankaa an cip ti mi thawngtha in a thlen.Tukhal hna an chan chung tih nak cu Lunglomh nak in a thlen piak hna.Pathian nih  hin a mah a  dawmi hna ca ah le a mah nih a tinh ning in a kawh mi hna ca ah cun zei zong vialte hi a tha lei ah a ser piak ko hna.(Rom8:28)Haleluiah Amen   

  BAWMTU Arfi an hmuh than ca ah cun an i lawm tuk hringhran.(Mathai 2:10)Zei ca ah tiah hi arfi hi Pathian nih Jesuh sin phak khawh nak hnga BAWMTU ding ah a pek mi hna a si.Tlawmpal arfi an hmuh lo can ah khan lam an tlau colh i an si avang kha mu.Pathian hi bawmtu tel lo in kan mah lawng in hmuh tawn khawh a si hrim hrim lo.Zeibantuk thiamnak fimnak hmuhtawnmi tampi kan ngeih zong ah BAWMTU ngei lo in tawn khawh a si lo.Cu ca ah Jesuh nih”ka pa nih ka min in a run thlah lai mi BAWMTU thiangthlarau”(Johan 14:15) a ti kha a si.Dawtmi u le nau hna kan ca ah a chuak mi Jesuh tawn ding ah hin Arfi le Vancungmi hmang in bawmtu pek an si ca ah an tawn tak tak bang in Thiangthlarau bawmh nak thawng in JESUH a tawn tak tak mi na si nak hnga Thiangthlarau nih i bawmh hram ko seh.Amen

MANGTTAM Si hmanhsehlaw nan nih Filistin mi cung ah cun mangttam a tlunter lai i pakhat hmanh cu mangttam nih cun aNung in an zuah mi hna nan Lai lo.(Isaiah 14:30)Mangtam nih pumsa thih nak a chuah pi.A pumsa a thih zong ah a Thlarau Pathian um nak ram vancung a phak ah cun a rel.A si na in taksa rawl le  ti ca ah thih si lo in Pathian bia MANGTAM ruang ah a thi mi na si sual lai cu phan a um tuk.Zei ca ah tiah Na Thlarau Hell a phan lai.Cu ca ah Pathian bia lawng lawng hi nun nak ca ah rawl tak tak cu a si i din awk ti tak tak cu a si.Pathian bia nih nan nun MANGTTAM cu a hninghno ter than lai.Bawipa nihthluachuah pek ko seh.Amen

  RAMCAR Cu lio ah cun Zekhariah fapa Johan sin ah RAMCAR chung ah khan Pathian bia cu a phan.(Luke 3:3) Hi Pathianbia nih hin tuzing cu cu ka lung a hung ka hlau ngai.Ti a um lo ca ah ram vialte cu an car i a hninghno mi pakhat hmanh hmuh khawh a si lo.Cubantuk in Pathian bia cerhti zei tik hmanh ah a kaang lo mi kan nun ah a um lo ah cun nuncar nun ti hal nun a si.Cu bantuk nuncar cu a tu lio ah na nun a si sual maw.A rak hninghno tawn mi a car ti mi sullam cu a chambau mi a umti nak a si.Cerhti luan a si mi Pathian bia kha na nun nak chung ah luan ter than law  thlacam nak in can lak na thawk than ah cun chickkhat te ah na hninghno than lai.Pathian Thiangthlarau nih hninghno nun in pek ve ko seh.Amen.

  KAN DIN DINGMI HRAI “kapa na hna a tlak ah cun hi hrai hi ka thial piak ko.Si hmanh seh law keimah nawl si lo in nangmah nawl si ko seh”(Luke 22:42)Jesuh nih cun HRAI kha a din.Pathian nih dinding in a kan pek mi HRAI hiKan ding tawn maw ,Kan hrial tawn dah.“Nan ca i ka tinhmi cu keimah lawng lawng nih ka hngalh tiah Bawipa nih a ti.Cu cu Vanchiat nak si lo in thluachuah a si lai.”(Jeremiah 29:11)