NUNNAK LE THIH NAK
Tuzing cu Pathian bia hmang in ka fian mi kan hromh hna.Arfi thiam hna sin ah bia pahnih an mah te biachah nak tuah ding a phan.Pakhat nak cu Herod sin in “vakal u law ngakchia kong kha tha te in va hlat u cun nan hmuh tik ah rak ka chim than u law kei zong a mah cu ka biak ve lai”(Matthai 2:8) Upa bia ciamam Sia herh nak tak tak bia a si tiah a ho poh nih theih khawh a si.A pahnih nak cu Pathian sin in a si i Herod sin i kir ti lo ding khan a chimh hna i cu ca ah lam dang in an ram ah khan an kir.(Mathai 2:12)Herod bia cah kha an zumh deuh i an hmaizah deuh ah cun Jesuh kha a thi colh hnga.Pathian bia tu kha an Zumh deuh ca ah tih lo te in Herod an hlawt i Pathian bia kha an ngaih deuh ca ah Jesuh a luat.(a nung)U nau hna i thim ding pahnih kan ngei hna.Taksa maw Thiangthlarau dah.Pathian bia maw minung bia dah.Minung fimnak mawPathian fimnak dah.taksa hruai nak maw Thiangthlarau hruai nak dah.Na thim ding na fian deuh nak ding ah Paul nih fiante in a chim ve mi cu “Na lung thincu minung si ning nih a uk ah cun a phichuak cu thih nak a si.nan lungthin cu Thlarau nih a Uk ah cun aphi chuak cu nunak le daih nak a si.(Rom 8:6)Pathian nih na ca ah a tha deuh mi thimkhawh nak i pek hram seh.Amen
Comments
Post a Comment