Rev. Pa Hrang Hmung

                                                                  Mathai 9:13 Jesuh bia chung ah kan sining i zoh cio ding ah kan sawm hna. Jesuh nih Ngunkhuai khawltu Mathai  a zultu  ah aauh.Judah mi nih misual cazin ah an chiah mi a si.A inn ah rawl a ei rih. Mi sual tam pi he an si.Farasi mi(mi tha mi ding ah a ruat mi)hna he cun an um ti kho lo.Zei ca ah tiah an nih cu kan dam ko an ti Jesuh nih cun a Zaw mi ca ah ka ra a ti. An mah nih cun mi ding kan si an ti Jesuh nih misual mi hna kawh awk ah pei ka rat cu a ti.A tu tiang Jesuh he an i tawng lo.Khamh nak chung minung an si kho lo. U le nau hna Khrihfa kan si cio cio na in Jesuh khamh nak i hrawm rih lo khawh a si ti hi a fian ter ca ah nang mah na si ning zei dah na lawh ve.Na dirhmun na zoh ah cun na fiang kho lai lo.Na dir hmun kha Pathianbia in na tah lawng ah na dir hmun na fiang lai.Can tha cu a tu hi a si. Thiangthlarau Lila nih fian nak in pek hram seh.Amen  

                                                         PATHIAN AW Christmas ah Pathian aw a thei mi hna, Zechariah  na thin phang hlah Pathian nih na thlacam nak kha a theih i Na nu Pi Elizabeth nih fapa an hrin piak lai. Mary  Na cung ah daih nak um ko seh Bawipa cu na sin ah a um i thluachuah nak tam pi an pek. David fapa Josef  Mary hi na nu pi ca i lak awk ah tih hlah.Zei ca ah tiah fa a pawi mi hi Thiangthlarau thawng in a si. Tukhal hna kha  Nan thinphang hlah u Zei ca ah tiah nan sin ah ka rat nak cu nan ca i thawng tha he a si. Hi hna vialte hi lawmh nak in an khat dih.Cu lawmh nak cu Chung lei Pathian aw theih nak in a si ca ah an lawmh nak cu zungzal ca ah a si.   Tukum Christmas cu Pathian aw a thei  i chung lei in lawmh nak a co mi na si ding cu Pathian duh nak a si. Thiangthlarau nih bia i ruah ve hram seh.Amen

                                                            RAK CHUAK LAW LUT TUAH                                                                                                                   Pa Hrang Hmung                                  Rak chuak   Hi hmun hin chuak uh zei ca tiah hi hmun hi kan hrawh canglai.(Genesis19:13) Faro siangpahrang nih Israel mi chuah ter a Siang hna lo i a thawn nak phun phun hmang in a hren hna.Seitan sal tan nak chung chuah khawh lo ding in hrentu na ngei ve sual  maw.Vancung Pathian bia nih cun na chuah lo ah cun na rawk cang lai.Faro nih Zeitluk in thlah duh lo hmanh seh.Pathian nih a chuahpihna i sal in an luat.                                                                                                             lut Tuah Na inn chung khar dih lak he lawng chung ah cun lut tuah u(Genesis7:1)A rak chim cia bantuk in buanchuk cho a tlung cang lai.Lawng chung lawng ah him nak a um.Rawh nak cu na inn ka pawng ah an dir hnawh ko na luat lai lo.K