Rev. Pa Hrang Hmung

                                                                       MIT  Mit hi pum caah meiinn a si. Nan mit a ṭhat ahcun nan pum cu a dihlak in ceunak in a khat lai; 23sihmanhsehlaw nan mit kha a ṭhat lo ahcun, nan pum cu muihnak chungah a um lai. Cucaah nan chung i a ummi ceunak cu muihnak a si sual ahcun, cu muihnak cu a fak ngaingaimi muihnak a si lai.(Matthai 6:22-23) Pathian sermi kan pumchung ah hin kan mit hi a biapi tuk tiah Jesuh nih a kan chimh.Mit a that ah cun pumdihlak ceunak a si Mit a that lo ah cun pum cu muihnak chung ah a um.Pathian bia chungah ah kan hmuhbantuk in mit ceunak ti mi cu  zumhnak mit in a zoh tu, phungdang in kan chim ah cun Thlarau mit in khua a zoh tu cu Ceu nak ah khua a sa mi a si bantuk in Taksamit in  a si lo le zumhlo nak mit cu Muihnak lak ah khua a sa mi bantuk an si.  A hme 26 lila ah Jesuh nih a chim mi cu a zuanglengmang mi vate khi zohtuah hna u, a ti.Pathian cu mivialte dawttu a si ca ah kan herh mi vilate hal hau lo in a kan petu a si

                                                Jesuh hrinsor  Hlawhhlang RAHAB                               Ka sin ah nan kir ah cun ,nan sin ah ka kir ve lai.(Malakhi 3:7) Mathai nih Jesuh hrinsor a telh mi nu pa(5) lak ah RAHAB zong a tel ve.Salmon cu Boaz pa   a si.(a nu cu RAHAB a si)(Mathai 1:5)Rahab cu Kanan mi nu a si.Hlawhhlang a si.(Joshua 2:1)Jeriko khua mi a si.Jeriko cu Pathian chiatserh mi khua a si.Pathian sin ah a hungkir i Pathian mi phunlak ah khua a sak hnu ah Judah phun hruaitu Salmon he an i um.Rahab le Salmon nih Boaz an hrin.Boaz cu Pathian a tihzah ngai ngai mi a si.Boaz cu Jesuh hrinsor tu a hung si.Hlawhhlawng nu,Chiarserhmi khua ah khuasa  si hmanh seh law RAHAB  cu Pathian nih miphunthiang ah a ser hlei ah Jesuh hrinsor tu lak ah mintial a si ve.  Zeibantuk dirhmun chia kan si zong ah Pathian sin ah kan kir i Pathian mi hna he kan umti hna i,pehtlaih nak kan ngeih ah cun kan nun theitlai a tha lai i khrih hrinsor roco hawi kan si lai.                      

CAUK RAK KA KUA. (Send me the Book) W.P Mackay  College kai ding a thawh .A nu nih Baibal pakhat a pek.Baibal phaw ah a nu min,a mah min le baibal cacaang pakhat a tial piak.Na ca ah thla kan cam piak zungzal lai tiah a cah . W.Mackay cu ca thiam a si ca ah Sii lei cawnnak sianginn in minthat nak he a awnlawng si lo in Edinburgh Scotland   sii zung ngan bik ah uktu tiang rian an pek colh.Rian sang a tuanbantuk in a nunning cu Pathian duh lo mi sualnun chung ah a lut thluamah.Cu lawng hmanh si lo in Pathian a um lo tiah a ti mi bu(atheistic) ah hruaitu President a tuan. Ni khat cu hliam sual ruang ah hliamhma faktuk in a tuarmi  pakhat siizung a hungphan.Cu tlukin hliamhma tuarin thihbawh in a um mi pa hnangamnaktling a ngeih mithmai  nih Dr.Mackay cu khuaruah har in a tuah. Thih bawhin a um cuahmahmi panih biahalnak a tuah mi cu ka sining tak tak ka chim u.Zei ca ah tiah thih hi ka tih lo.Jesuh khrih cu ka khamh tu le ka Bawipa a si ti hi ka zumh.Ka sualnak man vialte vailam tahnak ah