MIT
Mit hi pum caah meiinn a si. Nan mit a ṭhat ahcun nan pum cu a dihlak in ceunak in a khat lai; 23sihmanhsehlaw nan mit kha a ṭhat lo ahcun, nan pum cu muihnak chungah a um lai. Cucaah nan chung i a ummi ceunak cu muihnak a si sual ahcun, cu muihnak cu a fak ngaingaimi muihnak a si lai.(Matthai 6:22-23)
Pathian sermi kan pumchung ah hin kan mit hi a biapi tuk tiah Jesuh nih a kan chimh.Mit a that ah cun pumdihlak ceunak a si Mit a that lo ah cun pum cu muihnak chung ah a um.Pathian bia chungah ah kan hmuhbantuk in mit ceunak ti mi cu zumhnak mit in a zoh tu, phungdang in kan chim ah cun Thlarau mit in khua a zoh tu cu Ceu nak ah khua a sa mi a si bantuk in Taksamit in a si lo le zumhlo nak mit cu Muihnak lak ah khua a sa mi bantuk an si.
A hme 26 lila ah Jesuh nih a chim mi cu a zuanglengmang mi vate khi zohtuah hna u, a ti.Pathian cu mivialte dawttu a si ca ah kan herh mi vilate hal hau lo in a kan petu a si ti mi mit in vate kha zoh i hmuh ter a kan duh.
Akhan nih Joshua sin a chimmi bia cu “hranchaw lakah khan Shinar puan aa dawh ngaimi le ngun shekel za hnih le sui tlang khat, shekel sawm nga a ritmi ka hmuh hna tikah ka mit an thi i ka lak hna”(Joshua 7:21)Akhan a mit a thit nak nih a nun a mit a cawtter i Isreal ral an sung i tam tak tak an thi,A mah le a chungkhar vialte lungcheh an tawng,cun Pathian a cung ah a thin hung tuk.
Cun David kong ah ni khat cu zanlei sang ah khin David cu a ihkhun in a tho i siangpahrang inncung i aa chawh tikah, inncung cun minu pakhat aa kholh lio kha a hei hmuh,cun cu nu cu aa dawh ngaingai.(Joshua 11:5)David mit nih Bathsheba kha a dawh ngai ngai in a hmuh i nupi ah ser colh duh nak mit in a zoh colh nak nih a chuah pi mi cu,Uriah a thi,A fa pa a thi,minupi a chut,Nathan nih a sik,Pathian dantatnak a cung ah a tlung.
Cu ca ah Jesuh nih mit kong hi biapi ngai in a kan cawn piaknak hi a si,Salm 119:18 ah “Na nawlbia chung i a um mi khuarauh har biatak kha ka hmuh khawhnak hnga ka mit au ter ko.a tibantuk in Pathian nih kan mit hi khuaruah har a tuah mi kha hmuh ter i kan nun nak le kan pum dih lak in a mah thangthat le a sunpar nak langhter kha a kan duh.
Jesuh nih annih cu a thawh ṭhan hna i, “Kei cu vawlei ceunak ka si. Keimah a ka zummi paoh cu nunnak ceunak kha an ngei lai i mui lakah an vai lai lo,” tiah a ti. (johan 8:12)
Thiangthlarau nih fiannak kan peko seh.Amen
Comments
Post a Comment