NUN CU KHRIH A SI

 

 

                                    Zei hmanh nih kanthen hlah  seh.

                                                                           Pa Hrang Hmung

                                                                                        

Khrih chung i nan nunnak nih khan an thawnter hna maw? A dawtnak nih khan nan hna an ngamter hna maw? Thlarau he hawikomhnak nan ngei maw?(Filipi 2:1) Thawnnak a ka petu Khrih thawngin thil zeipaoh ka tuah khawh ko hna.Filipi 4:13)

Zeihmanh nih an kan then kho lai lo, hi thil vialte hna chung hin a kan dawtu thawngin kannih cu teitu hna nakin teitu kan si deuh.                                                       

 Zeicahtiah a kan dawtnak he cun zeihmanh nih a kan then kho lo ti kha fiang tein ka hngalh: thihnak nih siseh, nunnak nih siseh, vancung i a ummi vanmi nih si hna seh, uktu le thawnnak nih si hna seh, atu caan nih siseh, hmailei caan nih siseh, cunglei vawlei nih siseh, tanglei vawlei nih hin siseh, an kan then kho lai lo  kan Bawipa Khrih Jesuh thawngin kan ta a simi Pathian dawtnak he a kan then khotu ding cu sermi thil dihlak ah hin zeihmanh a um lo.(Rom 8:37-39)

Pathian dawt nak nih zei tik hmanh ah a kan then bal lo bantuk in khrih dawt nak he zei tik hmanh ah zei tik can poh ah i then lo in kan um  ding hi a biapi tuk mi asi.Khrih dawtnak chung  ah fekte in kan dir peng a hau.Mathai 7:24-27 ah Jesuh nih kan zumh nak cu lungcung ah inn  a sa mi bantuk in   fek te kan um a hau.Vawilei cung ah kan tawn mi thil hna nih hin a kan pur ter zung zal i kan fek khawh lo nak hi a si.Kan pur sual ah cun sakthan a hau.Sak than hi a fawi mi thil a si lo.Cu karlak chung ah can a rau tuk.A si nain na pur lo ah cun  na nunnak  inn cu tha chin tha chin ah na ser leng mang a si lai ca ah a dawh chin leng mang nun a ngei tu kan si hnga.

Kan Bawipa Jesuh hi zei tluk in dah har nak a tawn ni sawmli le zan sawmli har nak chung ah a um.A si na in a pa dawt nak cu khuaisen bantuk in a senh chih zei hmanh nih a hrawh kho lo ti a fian nak cu a bia a thleng bal lo.A rawl a tam tuk lio ah neh sawh a tawn bu zong ah Pathian dawt nak nih a thawn ter zungzal  i a chung ah a lut kho lo.

A si nain Judah Sacha riot cu Jesuh dawt nak kha phaisa 30 te lawng hmanh nih a hrawh colh tik ah vawlei cung hnangam in um nak a sung pin ah zung zal nun nak zong a sung chih.Can tam pi ah cun Jesuh dawt nak ka ngei kan ti tawn  na in chimtlak lo har nak kan tawn mi ah hin kan thlautak  tawn.Zawtnak cu chimhlah thih nak zong nih Pathian dawt he then khawh ti lo ding in Jesuh nih a tuah dih cang.

1.Thihnak nih Pathian dawtnak he a then kho hna lo.David cu a dawt tuk a fa pa thih nak nih a nun aa teiter lo .ca ah a rawl ei a rawk lo.Biak inn ah a kal a tlolh lo.

.2.Nganfahtaksa fah nak in tuar nak nih Pathian dawt he a then kho lo.

Stephen a thi cuah mah  lio hmanh ah Ka pa thlarau cu cohlang ko a ti mai.An sual nak hi an cung ah khin hlah a ti khawh.Pathian dawt nak nih  lunglawm te in thlanmual a panh te.

3.Vancung  mi hna hi Pathian changtu an si .Pathian duh nak a tuah tu ding an si.A si na in vancung mihmanh nih Pathian dawt nak he cun a kan then kho lai lo.Khrih thawng in kan nih cu Pathian dawt nak he senh chih kan sih cang.Cu ca ah zei hmanh nih Pathian dawt nak he a kan then lo ding hi a bia pi tuk.A dawt nak hrawk kho tu a um ti lo.Kan sualnak zong nih a hrawh kho  lo.Vawlei cung har nak hi kham khawh a si lo.A si na in zei bantuk har nak hmanh nih Pathian dawtnak he a kan then kho tu an um lo.

4.Uktu le thawnnak nak zong nih Pathian dawtnak he a kan then kho lo. Paul chan ah Rome cozah an thawn nawlngaih nak chung ah har nak an tawng  zung zal . taksa temh in nak nih khan a ngei mi Pathian dawt nak  cu a hrawh kho lo..

5.Cunglei vawlei nih a chuahpi mi thawngpang biatak nak in biatak lo a tam deuh.Media thawng pang, kan mah kong, mi kong, ram kong, nih kan lung a kan bawi ter tak tak.Thawngpang a um tik poh an kan nun a thleng kan aw cuai ai thleng.Zei bantuk ai thleng mi can zong ah Pathian dawtnak chung in kan i thleng lo ding a biapi tuk.

6.Moses hi Pathian dawt nak hngah fian in a fiang mi a Israel mi lila a cung ah zei tluk in dah an vuival ,A nau  le a far nu nih an nah chuah I  an doh .A rian tuan pi hawi nih zei tluk ah an doh.Moses hmang in Pathian nih voi 42 khuaruah a ser.Cun voi 16 hi Pathian nih a cung ah khuaruah har nak a tuah.Cu bantuk mi hmanh harnak, huatnak ,rem lo nak, tamtuk a tuar. A si na in Pathian nih a dawt bantuk in Pathian dawt nak he zei tik hmanh ah a then lo i vanchung khua zong a phan.

7.Harnak le rawltam nak nan tuar maw.Theipi kung cu par loin,Mitsur ruang zongah a thei umhmanh hlah seh,Oliv thing cu tlai loinLo zongah tirawl zeihmanh chuakloin um hmanh seh,Kawm chung saòil run kha um loinSaòil inn ah satil kha um hmanh hnahlah seh law, Bawipa ah cun kaa lawm thiamòhiamko lai iA ka khamhtu Pathian cu ka lawmhthiamthiam ko lai. Bawipa Pathian cu ka thawnnak hrama si,(Habakuk 3:17-19)

Cun Bawipa nih Jeremiah cu a thawh i,Mi he tlik nan i zuam hmanh ina bat a si ahcun,

Zeitindah rangtum cu na zuam khawh hna lai?A fawinak ram ah na rilh ahcun,Zeitindah Jordan kuam ramhnok lakah cun naa tuah kun lai?(Jerimiah 12:5)

 Joel Osteen nih a chim mi cu mi nih an i ti mi bantuk in na um leng mang na thleng leng mang ah cun an mah bantuk na si lai.A si na in Pathian dawtnak chung ah na um i a mah na zulh ah cun a mah bantuk na si lai tiah a ti.

 Joseph hi Mang a manh lio a u le an nahchuah , khur chung ah an thlak. Potiphar inn ah a phan.Thawnginn a phan pathian dawt nak he zei tik ahmanh a then lo.Tha zangtu a lak chin leng mang.Har nak chung ah hin Pathian nih a kan cawn piak tawn.

.Cu ca ah zei bantuk thil a um zong ah Pathian dawtnak chung ah hin him te in um peng  um sih.Pathian nih kan ca ah  thilthar a rauh hlan ah an pek lai.