Jesuh hrinsor Hlawhhlang RAHAB
Ka sin ah nan kir ah cun ,nan sin ah ka kir ve lai.(Malakhi 3:7)
Mathai nih Jesuh hrinsor a telh mi nu pa(5) lak ah RAHAB zong a tel ve.Salmon cu Boaz pa a si.(a nu cu RAHAB a si)(Mathai 1:5)Rahab cu Kanan mi nu a si.Hlawhhlang a si.(Joshua 2:1)Jeriko khua mi a si.Jeriko cu Pathian chiatserh mi khua a si.Pathian sin ah a hungkir i Pathian mi phunlak ah khua a sak hnu ah Judah phun hruaitu Salmon he an i um.Rahab le Salmon nih Boaz an hrin.Boaz cu Pathian a tihzah ngai ngai mi a si.Boaz cu Jesuh hrinsor tu a hung si.Hlawhhlawng nu,Chiarserhmi khua ah khuasa si hmanh seh law RAHAB cu Pathian nih miphunthiang ah a ser hlei ah Jesuh hrinsor tu lak ah mintial a si ve. Zeibantuk dirhmun chia kan si zong ah Pathian sin ah kan kir i Pathian mi hna he kan umti hna i,pehtlaih nak kan ngeih ah cun kan nun theitlai a tha lai i khrih hrinsor roco hawi kan si lai.
Jesuh hrinsor Hlawhhlang RUTH
Ka sin ah nan kir ah cun ,nan sin ah ka kir ve lai.(Malakhi 3:7)Judah mi phun nih miphun thianlo ah an hmuh mi RUTH cu Mathai nih Jesuh hrinsor nu(5) lak ah a telh ve.Boaz cu Obeh pa a si i(a nu cu RUTH a si.) Zei ca ah tiah Pathian mi Boaz nih Nuhmei Ruth cu a thit.Ruth cu nuhmei a si.Ruth hi Moabites a si.(Ruth 1:4-17)Lot le a fanu an it ti nak chung in hrin chuakmi hrinsor an si.An nih cu Jehovah mi hna lak ah chanhra tiang um an sianh lo mi hna an si.(Gen 19:30-38,Deutro 23:3)si hmanh seh law Ruth cu a nung mi Pathian kha a biak i Pathian miphun lak ah a fonh ca ah khrih hrinsor tu a si ko.Pathian nih a thiangmi miphun ah ser.A ho hmanh a thianlonak hmuh khawh lo tiang in Pathian nih a thian ter..Ruth bantuk in zeibantuk dirhmun kan si zong ah Pathian kha kan zumh i Pathian mihna he pehtlaih nak kan tuah ah cun Jesuh roco hawi kan si ve lai.
JESUH HRINSOR BATHSHEBA
David cu Solomon pa a si. ( a nu cu Uriah nupi kha a si.)(Mathai 1:6)Uriah cu Hittite mi a si lawki mi,pathian bialo mi an si.A nu pi cu Bathsheba a si.(2 Samuel 11:3)David nih a thah i Bathsheba cu nupi ah a lak.David nih nupa sualnak a tuahpi, a pasal Uriah a thah piakhnu ah David he a um mi a si.(2 sam 11:26-27)David hi Pathian bantuk lugput a ngeitu a si. Uriah nupi a thit nak kong pakhat lawng hi sualnak a tuah mi a si.(1 king 15:5)Mathai nih midang nu hna bantuk in Bathsheba min tial lo in a um nak chan cu David sualnak kha langhter a duh ca ah a si. Jesuh khrih cu Pathian bialo le sualnak a tuah tu hna an si zong ah an ngaichih i a sin ah an kir ah cun an sual nak kha a ngaih thiam hna ti kha a langhter.David cu Nathan nih a sik tik ah a ngaih chih.Salm 51 hi David ngaih thiam thlacam nak a si.A ngaichih nak kha Pathian nih a theih i a ngaih thiam.(2 sam 12:13)Pathian sin ah ngaihthiam a hal i Pathian nih David cu a cohlan. Pathian nih an nu pa a sersiam colh hna.David Nupi tampi a ngeih mi lak le fa tampi a ngeih mi hna lak ah Bathsheba he an ngeih mi Solomon cu Jesuh hrinsor a hung si ko.Pathhian nih Ka sin ah nan kir ah cun ,nan sin ah ka kir ve lai.(Malakhi 3:7)Pathian min thangthat in um ko seh.Ka sualnak vialte a ka ngaih thiam i a mah bantuk nun lei ah a a ka sersiam.Amen
Comments
Post a Comment