Skip to main content


CINKEN


Mary nih hi thilvialte hi a cinken hna i thukpi in a ruat hna.(Luke 2:19)Tuzingcu hi bia nih hin thil a ka fian ter mi a um ca ah ka lawm tuk.Nang mah zong lawmhnak Na hmuh ve nak hnga Thiangthlarau bawmh ka hal.Mary hi a nu hawi nih theih an duh na in an theih lo mi Pathian bia a sin ah a ra leng mang.Philhkhawh ding khi a si lo.A tu zong ah tukhal hna nih vancung mi sin in an theih mi thil kha a hung theih tik ah a fiang chin chin.A pehtawnh khawh.Thuk pi in ruah i i cinken lo awk a tha lo.Peter bia hi ruat hmanh  biaceihtu hna nih an tlerh i an deh cawh lio ah a chim mi cu “zei ti a si hmanh ah kan nih nih cun kan mah hrim hrim nih kan hmuh ko miLe kan theih ko mi cu chim lo cun kan um kho bal lai lo”(Lamkal 4:20) A fiangtuk mi bia ral tha ngai in chim lo awk le dir pi lo awk a tha lo mi bia a theih ti a fiang ti u.”A tu cu nang mah na chim mi ruang ah khan si lo in kan mah te nih kan theih mi le a mah cu vawlei khamh tu a si hrim hrim ti kha kan hngalh ca ah kan Zumh”(Johan 4:41)Amak tuk ee an i fiang cikcek .Pathian he nan i pehtlaih nak chung ah philhkhawh lo mi cinken zungzal ding hna cu Pathian nih i theih ter seh law i fianter cikcek in i lawmh ter Zungzal ko seh.Amen

Comments

Post a Comment

Popular posts from this blog

                                           KORNELIAS (Lamkaltu 10:1-2) Sisaria khua ah hin mipa pakhat a rak um i a min cu Kornelias a si; amah cu Rom ralkapbu pakhat, "Itali Ralkap Bu ‘ timi a haotu kha a si. 2 Amah cu biaknak leiah aa zuam ngaingaimipa a si i amah le a innchungkhar nih khan an dihlak in Pathian kha an biak. Amah nih khan Judah mi hna lak i misifak hna kha siang ngaiin a bawmh hna i Pathian sinah thla zong a cam zungzal.(Lamkaltu 10:1-2) 1. A mah le a inn chungkhar an dih lak in Pathian kha an biak. Kornelias hi Jesuh a zummi a si lo.A theilo.A si na in Pathian kha lunghin dih lak in a kawl .Sisaria khua hi Kalali peng ah a um i khuapi ngai a si.Judah mi ram ah Rom cohzah zungnganpi um nak a si.Rom mi cu biaknak  phuntampi an ngei mi n si.An hmuh mi poah an biak .Cu bantuk Biak nak a tam pi a ngeimi,miphun lak ah a um ve mi Kornelias cu Judah mi  Pathian Pakhat (0ne God) kha athim. Biak sawh hmanh si lo in Pathian kha a rianh.Kan laibaibal ah Biak(worship)in in
Post a Comment
Read more

NA CHUNGKHAR AH KIR

Inn chungkhar ah kir uh sih law thawngtha chim hna u sih (Lamkaltu 20:20).   Hi kong hi   Tahnak pathum in chim ka duh. 1.        Jesuh a tap. Khuapi cu a hei naih chin lengmang i a hei hmuh tikah a tah i, “Nihin ah hin daihnak caah zeidah a herh ti kha hei hngal law cu mu! Sihmanhsehlaw cucu na hmu kho tung lo. Zeicahtiah na ral nih raltuknak chuntlung in an in kulh i an in hren i a kenkip in an in luhhnawh caan kha a phan lai. Nangmah le na vampang kulh chung i a ummi minung hna cu an in hrawh dih cikcek hna lai: Pathian cu nangmah khamh awkah a rat caan kha na hngalh lo caah cuka hmun ah cun aa chonhmi lung pakhat hmanh leh loin an kaltakmi a um lai lo (Luke 19:41-44). Ngaihmanh u! Pathian zaangfahnak hmuh caan cu atu hi a si i khamhnak hmuh ni cu nihin hi a si! (2kor 6:2)  2.        Rachel a tap Rachel cu afa le ruang ah a tap leng mang i ngam khawh a si ti lo. “Ramah khua chungah thawng a thang, Cu thawng cu tahnak le ainak thawng a si. Rachel nih a fale cu a tah hna, An
Post a Comment
Read more
                                                                        Tho law Kaltuah                                                                             Pa Hrang Hmung                                                                                    5/11/2023 Profet Isaiah cazual kha an pek. Cazual cu a vun samh i, 18 "Bawipa Thlarau cu ka cungah a um. Sifakmi hna sin i Thawngṭha chim awkah chiti a ka thuh i Saltangmi hna sin i luatnak thanh awkah a ka thlah. Mitcaw mi hna sin i khuahmuh ṭhannak pek awk le Hremmi hna luatter dingah a ka thlah(Luke 4:18) Cuka ah cun mipa pakhat, a zawtnak kum sawm thum le kum riat a si cangmi a um. 6 Cuka i a rilh ko cu Jesuh nih khan a hmuh i kha can riamruam a zawtnak a si cang kha a hngalh caah amah cu, "Dam na duh maw?" tiah a hal. 7 Mizaw pa nih cun, "Bawipa, ti a hung cangh tikah kei cu tili chungah paihtu ka ngei lo i vung luh kaa timh paoh ah khan pakhat khat nih an ka chawhkanh zungzal," tiah a leh. 8 Jesuh
Post a Comment
Read more