Bawipa he kal(Walk with God)
Pathian he kan i petlaihnak ah ka nun nih a fianchuak mi hna cu,
1.Pathian bia hi a rumhringhran dah
2.Pathian cu zeizong vialte ka phit a si.(The Lord Is my answer)
3.Ka hngalh lo mi lam hna le a tu hrawng ah ka fian chap mi cu
4.Pathian lawng lawng hi zeibantuk can paoh ah ka nun fianter tu a si ti mi hna hi an si.
A tu lio vawlei a hrum ai i thawngpang vaivuan le thingphang thlarau zawtfah tlangrai phun kip ah kan um lio ah Thlaraupumsa in tlau a fawi lio te a si.A si na in hi bantuk can lio ah hin Bawipa he a kal mi hna lawng lawng nih hin an nun can sining ding an i fiang .
Kan Baibal thiang chung ah Bawipa he kal in a nun a fiang mi hna lak ah,Enok hi a tel ve.Enok cu Adam le Eve hrinthlak hmasa pawl lak ah a tel mi a si i Pathian nih a nun bu in van ah a lak mi a si.Kum 300 chung Bawipa he an tlongleng ti.(Enock walk with God)a hrin thlak hna hi Mathusehlah,Lamack le Noah an si hna.Kum 300 chung ah hin mi dangtawn mi vawlei cung a tlungmi harnak,ngeigchiatnak le lawmhnak a tawn dih ve ko lai.A si na in Bawipa he a kal ca ah an i pehlaihnak tu a tluang chin leng mang.Harnak chung ah a nun a fiang,lawmhnak chung ah a nun a fiang,Bawipa he hmun khat an kal ca ah Bawipa lam a zawh ,bawipa hmuh mi a hmuh,Bawipa duh mi a ngalh lawng si lo in a tuah,Naih niam te in Bawipa he an tlawnglen ti ca ah a nun cuahmah lio ah Bawipa nih van ah a lak.A tufa Noah zong Bawipa he a mah chungkhar lawng Bawipa he can saupi an kal hnu ah khamhnak an hmuh dih pin ah Pathian mi phun thar sertu an si.
Pathian he (with God) kan kal tik ah hin thinlung dih lak in Pathian he naihte in kan um.A mah cu kan hmuh nak le kan thinlung a fun nak a si.(Focus)Kan thinglung nih a hlam.Thinlung nih hmunhma a pek.A mah he kan i komh a sau deuh deuh tik vawlei tak sa duh nak a zawr thluah mah.A mah he kan kal thawng in a mah lawmh ter kan i zuam.
Abraham tu cu Pathian nih a fial bantuk in Pathian hmai ah a kal.Pathian nih a mithmai in a thlau lo bantuk in Abraham zong nih Pathian hmai in tlau lo a zuam.Abahram cu Pathian nih ka hmai ah kal law(walk before me) soi awk um lo in um tuah a ti bantuk in Pathian he an i thenbal lo.Pathian hmai ah nun fiang bu te in a kal ca ah,Van thluachuah lei thluachuah a co.
Pathian he kal lo in kal a ngamh bak lo mi cu Moses a si.Moses hi Pathian nih a auh i kal a fial hnu ah a kal mi a si.Pathian he kal hi zei dah a lawh ti hi tha te in a tep cang mi pa a si.Exodus 33:1-2 ah hin Pathian nih kal a kan fialnak ah a kal mi hna hi Pathian nih a vancung mi a thlah piak hna an ral kha a thawl piak hna ti kan hmuh.an kal nak ah hin ral an ngei lo a si lo a si na in an ral cu an mah doh hau lo in Pathian nih a doh piak hna.Bawipa he raldoh nak ah kal mi Davih nih a chim bantuk in ral doh nak cu Bawipa ta a si i kan nih cu Bawipa he kal lawng kha a herh mi a si.Pathian kal fial nak ah si lo in mah duh thim nak a kal mi hna Lot le chungkhar cu an nun dongh tiang ningzah mualpho nak in an khat.
Pathian nih hin a mah he kal kan herh tuk mi hi theih ter a kan duh tuk .Moses nih Pathian sin ah a ho dah ka sin ah na kal ter lai ti kha na ka chim lo.(Exodus 33:12)Pathian nih na sin ah kei mah ka kal lai i teinak kan pek lai a ti.Cun Moses nih kan sin ah na kal lo ding ah cun hi hmun hin kan thawh ter hlah.cu tik ah Pathian nih na cung ah ka lung a tling i nang mah cu tha te in kan hngalh ca ah na chim bantuk in ka tuah lai, a ti.(Exodus 33:15-17)Moses nih Pathian he kal ti an herh tuk nak le kalti lo a si kho lo ti in Pathian sin ah a langhter mi cung ah Pathian a lung a tling tuk .Moses bantuk in zumtu hna hi Pathian he kal ti lo cu kan si kho hrim hrim lo.Mah lawng kal i a herh tik lawng ah auh chom si lo in auh chom hau lo te in a mah Pathian he a kalti mi nun hi ngeih lo theih lo kan si.
1.Pathian he lam a zawh mi lam an tlau bal lo. (Those who walk with God, always reach their destination.” ― Henry Ford)Pathian he a kal mi cu phak an timh hmun an phan zungzal.Chim duh mi cu an tlau lo ti nak a si.Zei ca ah tiah a mah cu lam a si.
2.Pathian he a kal mi cu an i palh bal lo.
A bia bantuk in khua a sa mi an i palh bal lo.Zei ca ah tiah vawlei cung ah a thlengkho lo mi a rawk kho lo mi cu Pathian bia lawng lawng a si.
3.A mah kha zumh in zumhawk tlak in a mah he a kal mi cu an nung lai.
Zei c ah tiah NUN nak kan ti mi cu Jesuh lawng lawng hi a si.Zei ca ah tiah a mah sin ah a um mi cu vawlei cung ah hin a kut chung in chut kho tu thawn nak a ngei mi a ho hmanh an um lo.
4.Bawi pa he a kal mi cu an nun an fiang.
Kan nun a a kanfian ter tu hi Jesuh a si ka ti leng mang.Zei ca ah tiah a mah cu CEU nak a si. Jesuh nih annih cu a thawh than hna i, “Kei cu vawlei ceunak ka si. Keimah a ka zummi paoh cu nunnak ceunak kha an ngei lai i mui lakah an vai lai lo,” tiah a ti.Johan 8:12) “If I walk with the world, I can’t walk with God.” Dwight L. Moody)Vawlei thil he ka kal ah cun Pathian he ka kal kho lo’ a ti.
Leonard Ravenhill nih “Mithiam pawl nih thlapa cung ah an kal,miraltha pawl cu Rili cung ah an kal.A si na in mifim hna nih cun Pathian he an kal.”
Pathian bia in thazang a laktu nan za te thiangthlarau nih fiannak i pek ko hna seh.Amen
Comments
Post a Comment