27/03.2022(sermon)Rev.Pa Hrang Hmung
Jesuh minungsinak Bible study ah kan cawnmi cu Jesuhminung nih Pathian nawl ngaih nun in khamh nak rian a thawk i nawlngaih nak in khamh nak rian cu vailam cung thih nak in a dongh ter.Jesuh nih a chim leng mang mi cu kei ka riancu ka pa duh nak tuah hi a si ti.Cu ca ah Jesuh nih“Nan ka dawt ahcun ka nawlbia kha nan zulh hna lai.(Johan 14:15)
Ni hinkhrih zultu kan nun ah kan hmuh mi cu Pathian nih kan cung ah a tuah ding mi le kan hmuh hnga ding a thluachuah kan ruah nak ah a biapi bik mi a nawlngaih kan
philh.Nawlngaih nak hi Pathian nih zeitluk in dah biapi in a chiah kan zohhmanh lai.
Pathian nih khamh nak rian Jesuhkhrih hmang in a tlin ter mi progamme umtu ning kan zoh hna hmanh lai.Eden dum i Adam le Eve minung nawlngaih lo ruang ah Pathian sin in mi vilate kan thih nak kha nawlngaih nak in a ta si than ding ah a kan timh piak mi hmanthlak hi Jesuh tipil a in i “Nangmah cu ka ka dawtmi kafapa na si.na cung ka lung a tling”(Luke 3:22)a ti hnu ah Cun Thlarau nih Jesuh minung cu Sehtan nih rak tuforh awk ram lak ah a kal pi.(Mathai 4:1)
Adam zong sehtan nih a tuforh bantuk in Jesuh zong sehtan nih a tuforh ve.Hi tuforh nak hi a ngeitu Pathian kha na nawlngaih lonak in na ta kan si lo ti langh ter kha a rak i timh bantuk in Jesuh minung zong Sehtan nih ni sawmli chung duhnung mithlang huham he thangthat co mi si nak he Adam bantuk in a tuforh ve.A hman thlak a lo ngai.
Cu bantuk in Pathian fa le hna kan tlaunak a nganbik cu Pathian nawlngaih i a duh nak tuah nak in kan siaremnak ah um hi khrifa kan si nak miru a si tiah kan ruah nak ah hin a si.Pathian nawlngaih kan sia herh nak le duh nak kan ngeih lo mi hi Sehtan uk nak chung in a luat rih lo mi kan si ti khawh kan si.
Pathian sinak kha a ngeih zungzalmi a si ko nain hramhram in Pathian tluk si awk kha cuh awkah a rel lo.Amah lungtho te tu in cu vial cu a hlawt dih i sal sinak tu kha aa lak;Minung bantuk ah a cang I minung mui in a lang;Mi toiah aa dor i nawlngaihnak lam kha thih tiangin a zulh.vailam cung thihnak kha.Hi ruangah hin cunglei a sannak bik hmun ah khinPathian nih a cawi i min vialte lak i min cungnung bik kha a pek;(Filipi 2:8)Pathian upadi ah cun Nawlngaih nak a ra hmasa cu hnu ah thluachuah nih a hung zul.Kan i palh tawn mi cu Thluachuah kan kawl tuk nak ah a nawlngaih ding a ruah bak in kan ruat lo.Cu ca ah a thiang mi thluachuah kan hmuh kho lo,
Jesuh sal si nak a thim nak nih a lungput a langhter mi cu,
1.Sal lungput cu nawlngaih nun a si.
Bawipa sal ka si,ti a hngal I sallungput he Bawipa nawl a ngai mi cu thluachuah an hmu.Cu ca ah kan Bawipa Jesuh khrih hnu kan zulhnak ah hin amah Jesuh khrih lila nih,ka pa,nangmah duhnak bang si ko seh.(Mt 26:36-46) a ti bantuk in kan mah duh nak si lo in Pathian duhnak kha hmai kan satter i,a nawl kan ngaih ah cunthlauchuah kan hmuh ve ko lai.Zei ca ah tiah Pathian nawl ngaih hi raithawinak nak in le tuukawng hna thau nak in a duh deuh mi si.
2. Sallungput cu toidor nun a si.
Sal rian cu a Bawipa tang ah i dor kha a si ko.Hi toidor nun hi kan Bawipa Jesuh khrih hrimhrim nih a nunnak in a kan hmuh sak mi a si.(Filipi 2:8)
3. Sallungput cu zumh awktlak nun a si.
A bawipa nawl tha te in a ngai mi cu zumh awk a tlak mi an si.Jesuh khrih hnuzultu kan si khawhnak ding ah cun zumhawk tlakmi salkan si hrim hrim a herh.Zumhawk a tlak i Pathian sal tha nih cun,Ka bawipa ca ah zei tluk tha in dah ka tuan khawh lai ti a si zumh awk tlak lo sal nih cun Pathian sin in zei dah kan hmuh khawh lai ti lawng an bawh.(Mt 24:45-51)
Nawlngaih nun kan ti tik ah vale ngawlngaih ,kan boss nawl ngai,kan pastor te nawlngaih kha chim duh mi a si lo .Pathian nawlngai mi ti kha kan chim duh mi a si.
A si na in Jesuhminung cu Sehtan nawlngaih nak kha a hlawt Pathian tluk si khawh nak kha a hlawt i harnak tu i thim in Pathian nawl kha a ngai.Nawlngaih nak kan ti mi cu.Harnak le kan i ruah lo mi thil kan tawn i thleidan a har tuk lio Kan tawn mi le Pathian bia an i pai lio can ah hin nawlngaih nak nun kan I thim a bik lio can a si.
Jesuh nawl ngaihnak hmunhma kan zoh ah cun:
1. Ni 40 chung hartak tak in tukforh a in lio.
2. Chuahpi a u a nau nih a hrut cang an ti lio.
(“Zohhmanh u, hi hna hi ka nu le ka naule cu an si! Vancung i a ummi ka Pa nih tuah hna seh ti a duhmi a tuahmi paoh cu, ka nau le ka far le ka nu an si ko,” tiah a ti.(Matt 12:50)
3. Farasi hna le phungbia cawn piak tu hna nih an deh cawh i an vorhpamh lio
4. Vai lam thih ding ka si ko ti a hngalh lio.(Olive tlang ah a kai i thla a cam)
Kha nawlngaih nak vialte a hungzul mi cu a pa vorh lei kam thut nak pek . Jesuh min upatnak caah cun vancung i a ummi vialte nih si hna seh,vawlei i a ummi vialte nih
si hna seh,vawlei tang i a ummi vialte nih si hna seh,an khuk an i bil lai i Pathian kan Pa sunparnak caah cun lei vialte nih Jesuh cu Bawipa a si, an ti lai. (Filipi 210-11)
Daniel nawlngeih nak kan zoh hmanh lai.deniel hi Siangpahrang pali a chang mi a si.
1. Rawlthaw thaw ei ding in order chuah lio ah tisik an hnah le din awk ah ti lawng a thim lio.(siangpahrang nih a ka pek rawl le zu hin ka thurhhnom hrim hrim lai lo a ti.(set is heart not to defile himself)
2. Babylon mifim vialte thah dih ding in order an chuah lio. (A mah Deniel le an nih le babilon mi fim hna kha thah an si nak hnga lo vancung Pathian kha zangfahkan nawl awk a si.
3. Thla nan cam lai lo tiah order an chuah lio.(ni khat ah voithum khukbil in thla a cam)
4. Chaindaih thawng in thlak ding in nawl an chuah lio.(A nung Pathian le vawlei siangpahrang zuamcawh pakhat a si.)
5. Judah tlangval pathum meiphu ah paih awk ah order an chuah lio.( Shadrak, Meshak le Abednego nih cun Nebukhadnezzar Siangpahrang cu an leh i, “Maw siangpahrang, hi kong ah hin kan in leh awk a herhmi a um ti awk zeihmanh kan hngal lo; a alh hluahmahmi meiphu chungin le na kut chungin kan biakmi Pathian nih a kan khamh khawh ahcun, kan khamh ko seh; a kan khamh lo hmanh ah na pathian cu kan bia hlei lai lo i na phunmi milem hmai zongah cun kan kun hlei lai lo, ti kha bawipa nangmah nih hngal ko,” tiah an ti.(Daniel 3:16-18)
Daniel le a hawi le hna hi thluachuah nih a zulh colh hna.
1. Nebuchanezer nih Babilom ram vialte uk tule Babilon ram mifim vialte haotu ah a ser.
2. Shadrak,Meshak le Abenego cu Babilon uktu ah a ser hna.
3. Shadrak,Meshak le Abenego cu rian ngan deuh ah a kai ter hna.
4. Belshazer nih laksawng a pek lio ah Daneil nih “Na laksawng cu nang mah ca ah I chiah ko ,a si lo le mi dang pe hna.(Nawlngaih nak hi laksawng hmuh duh a si lo ti a langhter.
5. Siangpahrang Darius chan ah hin vuanzi pathum lak Daniel hi ai tel.
6. Siangpahrang Darius chan lePersia mi siarus uk chung ah thlachuah nak a um.
U le nau hna cungnung bik Pathiannawlngaih hi thluachuah nih a zulh hna.
“BAWIPA nan Pathian aw kha nan ngaih i nihin ah kan pekmi hna nawlbia vialte cu tha tein nan tuah ahcun, vawleicung miphun vialte hna cungpi ah khin BAWIPA nan Pathian nih an chiah hna lai. 2Cun BAWIPA nan Pathian aw kha nan ngaih ahcun hi thluachuahnak vialte hi nan cung a phan lai i an zulh hna lai.
“Sihmanhsehlaw nihin ah kan pekmi hna phungbia le nawlbia vialte kha fel tein ulh awkah BAWIPA nan Pathian bia cu zeirello in nan um ahcun hi chiatnak vialte hi nan cungah a tlung lai i an zulh hna lai.(Deutro 28:1-24)
“Zeicahdah nannih nih, ‘Bawipa, Bawipa,’ nan ka ti len ko i kan chimhmi hna cu nan tuah òung lo? Ka sinah a ra i ka bia a ngai i a zulmi cu zei he dah aa lawh ti kha kan hmuhsak hna lai. Amah cu inn a sami bantuk a si: thuk piin a cawh i a hram kha lungpi cungah a bunh. Tiva cu a hung lian i inn cu a hun den, sihmanhsehlaw fek tein sak a rak si caah a hninh in a hnin kho lo.
Sihmanhsehlaw ka bia a thei i a zul tung lomi cu a hram tha tein ser hmasa loin inn a sa menmi bantuk a si; tilian nih cu inn cu a hun den tikah chikkhatte ah a pur i a tlu ruangmang ko,” a ti.(Luka 6:45)
Bawipa nih thluachuah pek ko seh.Amen
Comments
Post a Comment