A THIKHO LOMI PATHUM
1.Pathian bia
Van le vawlei cu an rawk lai; sihmanhsehlaw ka bia cu zeitikhmanh ah a rawk lai lo.(Matt 24:35)Kan Biakinn tual pangpardum kan cin pangparphun khat cu tikantoih ruang ah an tilsual ah khin an tlaknak hmunhma poh ah an nung.Pathian bia hi a tlak nak hmun poah ah a nung ve.Pangpar te cu a thahri vawlei ah a bunh ca ah a nung i an hungthang ve .Cu bantuk in Pathian bia zong a tlak nak hmun hmunhma nih a cohlan poh ah cun a nung i a thang ve.Pangpar kung cu a hung thang i an par. Pathian bia cu a hungthang ve a um nak minung hmang in mit hmuh khawh tiang an hung lang. “Cu bantuk cu ka kaa in a chuakmi bia cu a si ve lai ka sinah a lawngin a ra kir than lai lo,tuah seh tiah ka fialmi kha a tlolh lai lo i ka thlahhnawh chanmi thil ah khan a tlam a tling lai.(Isaih 55:11)A si na in pangpar kung cu rikhiah piak mi tiang lawng a nung.Pathian bia tu cu ri khiah piak cia kan nun a dih nak pin lei tiang khi zung zal in dongti lo in a nung lai.Cu bantuk in a thi kho lo mi Pathian bia in a nun a cawmtu cu thih ti lo in Pathian he zungzal an nung ve lai.
2.Pathian khuakhan.
Minung nih khua cu an khan ko lai,sihmanhsehlaw a donghnak bia a ngeitu cu Pathian a si.Na tuahmi cu a tha dih in na ruah ko lai,sihmanhsehlaw Bawipa nih naa tinhnak na lungthin cu a hngalh dih.Na tuahmi vialte cu Bawipa sinah pe law Na khuakhannak cu a tling kho lai.(phungthlukbia 16:1-3)28/03/2022 zan ah mangcang hlang in ka um lio ah tlangval pakhat ka dawttuk mi pakha a liang ah ka tlaih i ka kutdong ka sawh piak , Pathian cu khi na hmuh khawh mi pin lei tiang khi dah kaw a um cu ka ti.Zei hmanh a ka rel piak lo i kan ngaih a chia ngai.Minung hi kan mah te in khua kan khang kho ko.A si na in kan khuakhan cu minung nih kan ruah khawh mi tiang lawng kha a si.Cu pin ah minung khuakhan nak cu a palh kho zung zal.Pathian khuakhan nak cu zeitik hman ah a palh bal lo lawng si lo in zungzal ca a si.Cu ca ah na tuah mi vialte cu Bawipa sin ah pe law na khua nak cu a tling lai.A tling mi khuakhan a tuah kho tu cu Pathian pakhat lawn g a si.Pathan nih kan ca ah khua a khanmi cu a thi kho lo mi a rawk kho lo mi khua khan nak si.Patian khuakhan nak bantuk in zumhnak in a nung mi hna cu a thi kho lo mi zungzal a hmun mi an si.
3.Pathian dawtnak
A hmun zungzalmi thil pathum an um, cu hna cu zumhnak le ruahchannak le dawtnak an si, cu hna lak i a ngan bik cu dawtnak a si.(1 kor 13:13)Nunnak thaw a ngei mi poah nih dawtnak an ngei dih.Saram ,inn zuat satil le minungtelh in dawtnak kan ngei dih.A si na in kan ngeih mi dawt nak hi dawt nak thiang le dawt nak tling a si khawh lo nak cu thil a thleng poah ah a thleng leng mang ve mi dawt nak a si.Cu pin ah ri ngeih nun a ngei mi kan si dih hna ca ah kan nun nak a dih cun kan ngeih mi dawt nak cu a dih ve.Pathian dawt nak lawng lawng hi a thiang mi dawtnak a si.Zei bantuk thil a thleng zong ah a thleng kho lo mi dawt nak, si.Pathian cung lila ah na ruah nak na lungput a thleng zong ah ,na cung ah a thiang tuk mi an dawt nak , a thleng bal lo mi dawtnak a ngei kho tu cu Pathian lawng lawng a si.Pathian cu a thih khawh lo bantuk in a dawtnak zong a thi kho lo vawlei in van tiang kan i kal pi kho mi cu a hmun Pathian dawtnak a si.A hmunzungzal mi Pathian dawtnak a co tu cu zungzal in a hmun lai.
Comments
Post a Comment