NA CHUNGKHAR AH KIR

                                              PATHIAN FIMNAK(1Korin 1:17-30)

                                                                                              18/2/2023 sermon

Korin khua hi Gr khualipi asi.Hrinthan nak lei ah Thlarau laksawng phunphun lakah holhtheih lo tiang a um nak hmun a si.An khua hi khuaminthang a si bantuk in hrinthan nak hna lak ah hin  zong hi sining a dang mi tam  pi he a cawh mi an si bantuk in hnahnawk nak le buai nak phun a tling ve

.Sualnak an tuah mi ah a maktuk mi Lawki hmanh nih an tuah lo mi Fapa nih a panu pi a it pi.Nu le nu pa le pa sualnak an tuah.cun Tanhmi an ngei hi tanhmi ngeih pawl nih cun zumhnak ah ngakchia hnukdin lio  ruahnak a ngei mi tluk nan si tiah paul nih cun a ti hna.Taza n I cuai.

Cun Gk mifim hna le Judah mi hna khuatuaktan in a nung mi hna nih zumtu pianthar hna kha zeirel lo nak thangchiatnak an tuah hna pin ah an mah hrimhrim zong vawleifimnak in khuaruahnnak in Pathian bia an tah tlik ah Pathian  bia I fian nak ah cun an tlukril I Pathian biatheih nak le pemh nak ah mihrut bantuk an si.

1 Korinh dal 1 le dal hnih nak hi a bik in Pathian fimnak kong fiangtak tak in a lang ter.Paul nih Pathian fimnak a ti mi mi le Pathian fimnak  a co mi hna cu Pathian duh nak theih khawh nak Pathian bia fian khawh nak Pathian duh ning in nun khawh nak hnga nun a fiang mi hna kha Pathian fimnak a co mi an si an tiah a langhter.

A langhter rih mi cu Pathian nih a phanbik mi cu minung fimnak in amah kawl lai a si.Zei ca ah tiah Eden dum ah Adam le Eve nih an fimnak tuaktan nak in Pathian bia kha an kherhhlai i an tuaktan i a bia ning in an kal lo ca ah  Pathian he zungzal tawn khawh ti lo chiatserh nak chung in luat khawh lo nak ah an nun a dih.

 Pathian nih a kan pek mi fimnak cu a mah Pathian sinak theih khawh nak le a duh nak theih khawh nak fimnak kha a si.Cu  Pathian fimnak  minung fimnak in theih khawh le hngalh khawh a si lo.A mah Pathian lila lawng nih  Pathian fimnak nak kha a hngalh khawh mi a si.. 

Pathian nih hin  Vawlei fimnak kan ti mi le khuaruah tuaktan nak in a fimnak le a dawtnak tak tak an theih khawh lai lo kha a hngalh  an kawl I an tlau sual lai tiah ca ah vawlei fimnak in kawl khawh lo ding in tawh nganpi a hrenh.A ho hmanh nih bokhawh lo ding  a tuah.Minung nih an mah fimnak in Pathian hngalh khawh lo ding kha Pathian nih a fimnak in a tuah.(1Kor 1:21)Cu tawh cu Thiangtharau Jesuh lawng nih a baoh khawh.Jesuh Thiangthlaru nih a kan baoh piak I Pathian fimnak  ah a kan luh pi.Pathian fimnak  a kan  hngalh ter I a kan ngeih ter.Jesuh khrih thawng in a si ca ah cu fim nak cu a ho hmanh I porhlawt pi ding pakhat hmanh a  um lo A sun parnak lila ca ah a si.(1Kor 1:29)

Pathian fimnak hi Korinh khua I hrinthan nak a co mi hna lak ah hin hmuh khawh a si I an mah lila zong nih Pathian fimnak kan co tiah an I hngalh. Ka u le ka naule hna, Pathian nih a rak in auh hna ah khan, zei bantuk mi nan si kha i philh hlah u. Minung hmuhning lei in ti ahcun, a fimmi le thil a ti khomi le upat hmaizah awk tlak a simi cu tlawmte lawnglawng nan rak si.1 Kor 1:27)

 Korin khua khrifa mi Jesuh he an I pehtlaih nak thawng in Pathian khamhnak a co mi hna lak ah hin minih  an upat mi le an hmaizah mi hna an I tel bantuk in mi nih zei rel lo mihrut hawi lo lo in an hmuh mi hna an I tel hna.Cu hna kha an hmuh tik mifim tiah a ruat mi hna  khuaruah har ter lak in a nun ah  le an ruah nak le an cawlcangh ah an fimnak an hmuh tik ah an khua ruah an har ter hna.Khamh nak a co mi hna An mah lila zong nih Pathian fimnak an co kha an  I hngal hna tik ah an khua ruah a har I Pathian kha an thangthat.

An nun nak chung ah Vawlei fimnak a rawki, hrawh a si kha an hngalh I Pathian fimnak in in Pathian an hmuh le ser mi thil hmuh khawh nak hna kha Thiangthlarau fimnak nih an chiatha theidan nak kha a hruai hna kha an I hngalh tik Pathian an tih an upat Pathian duh ning le bia khan ca rawl thaw le ti thaw bantuk in thlarau ah than nak ah an hman.A bia chim le an um tu ning mi an hmuh ning le vawlei an hmuh ning Pathian hmuh le theih bantuk in an hmu kho an theih kho.

Cutik ah “Mifim mi hna fimnak cu ka hrawh lai I ca thiam hna ngalhnak cu ka hnon lai.”(Isaiah 29:14) a tling.Vawlei nih a pipa ah ruah mi an ruah mi kha hrawh a si I Pathian hmai ah cun cu bantuk pipa cu chimtlak hmanh a si lo kha Pathian sin in an hmuh mi fimnak a hmuh chin leng mang I an nun a him chin leng mang.Tih phan nak cung in an luat i Vawlei teitu an si kha a lang chin leng mang.Jesuh Cu teitu hna nak in teitu a si deuh(Rom 8:37) mi cu an sin ah a um cang ca ah vawlei cung tihphan nak chung in an luat fawn.

Goliah nih vawlei mit le fimnak in David cu a zoh a neh sawh.David nih Goliah cu an pum an rua an tung tai an I dang tuk bu Pathian fim nak in a zoh I a hmuh tik ah a neh sawh ve.Tihnak pakhat hmanh a ngei lo.Adonghnak ah Pathian fimnak nih a tei.

Nebukhadnezer nih  nawl a chuah mi milembiak nak kong alh hluah hluah mah mei phu paih ding a si.Vawlei mit hmuh mei cu kangh a hman mi a si ti an hmuh.Pathian fimnak nih mei cu a tei ti cu Pathian fimnak nih Sharak,Meshak, le Abenego kha a fianter hna ca ah a donghnank ah Pathian fimnak nih a tei.Pathian  sin in kan hmuh mi fimnak cu pathian fimnak hmuh khawh nak fim nak kha chim duh mi a si.

A ruang cu Paul hi Vawlei lei mifim cathiam thilhngal thluaktha le cawnnak sang a ngei bak mi a si.A si na in Vawlei fimnak hmang in khuaruah thluakchuah in Pathian kawl hi hruh taktak a si a si.Pathian fimnak hngalkhawh nak ca ah cun hmantlak lo a si a ti.Jesuh khrih vailam ah a thih nak kong hi minung fimnak in chim ah cun a hmual a lolak sual hnga.(1 kor 1:17)Zei ca ah vailam tah nak kong hi Pathian nih minung a kan dawtnak hmual a ngeih nak a thawn nak in a tuah a mi a si.Vawlei fimnak in tuaktan le ruahnak in chim ah hruh ah an ruah hnga.Vawlei fimnak hi cu hruhnak a si ti kha Pathian nih a langhter.(20)

Paul nih a chapmi cu Vailamtahnak I khrih a thih nak kong hi a tlau lio leng mang mi(dantatnak chung in a luat rih lo mi )hna ca ah cun an thluak le a n tuaktan nak an ruah peng ca ah an hmuh kho theih kho hlei lo ca ah Pakpalawng a si ko a ti.Si hman seh law khrih he pehtlaih nak thawng in Pathian khamh nak a co mi hna ca ah cun Pathian  thilti khawh thawn nak hmual a langh nak a si ti kha an hngalh chin chin.(1:18)

Khrih cu Pathian hmual le fimnak a  si bantuk in kan nun a uk tu Jesuh nih cun a hmual ngeih nak in kan nunnak ah seitan pen nak kan tei khawh lo mi a kan tei piak I Setan pennak kha a hrawh i a mah nih kan nun nak ah hmual ngei tak tak in kan nun a kan uk.Jesuh fimnak nak kan fim nak nih Pathian duhnak a kan theih ter I Pathian bantuk in khua a kan hmuh ter I hna. Akan theih ter I Bia a kan chim ter.Cu tik ah kan nun chung in Pathian sunparnak a a langh khawh nak a si.(Amen)

.Kan nih cu Khrih Jesuh he kan I pehtlaih ter cang i Pathian nih khrih cu kan mah fimnak ah a hman cang.(1:30)Fimnak hram a si mi Thiangthlarau Jesuh cu a min thang that in um ko she.Amen.