NA CHUNGKHAR AH KIR

                                                                       Tho law Kaltuah

                                                                            Pa Hrang Hmung

                                                                                   5/11/2023

Profet Isaiah cazual kha an pek. Cazual cu a vun samh i, 18 "Bawipa Thlarau cu ka cungah a um. Sifakmi hna sin i Thawngṭha chim awkah chiti a ka thuh i Saltangmi hna sin i luatnak thanh awkah a ka thlah. Mitcaw mi hna sin i khuahmuh ṭhannak pek awk le Hremmi hna luatter dingah a ka thlah(Luke 4:18)

Cuka ah cun mipa pakhat, a zawtnak kum sawm thum le kum riat a si cangmi a um. 6 Cuka i a rilh ko cu Jesuh nih khan a hmuh i kha can riamruam a zawtnak a si cang kha a hngalh caah amah cu, "Dam na duh maw?" tiah a hal. 7 Mizaw pa nih cun, "Bawipa, ti a hung cangh tikah kei cu tili chungah paihtu ka ngei lo i vung luh kaa timh paoh ah khan pakhat khat nih an ka chawhkanh zungzal," tiah a leh. 8 Jesuh nih cun a thawh i, "Tho tuah, na ihphah kha i lak law kal tuah," tiah a ti. 9 Chikkhatte ah mipa cu a dam i a ihphah cu a lak i a kal.(John 5:5-9)

Beth-zatha  tidil pawng mi pa hi a it nak 38 a si cang.A dam bal lo.Zei ruang ah dah a dam bal lo ti ah cun tili chung ah paih tu a hngak peng.Paihtu an um lo ah cun ka dam lai lo ti a ruat.A mah te in ipaih a tim lo.Kum zei zat dah thawngtha chim thiam na hngah ve cang.Kum zei zat dah Pastor tha na hngah ve cang.Kum zeizat tiang dah dam lo in na um hnga.Kum zei zat dah temtawntu he thawng na tla lai.Kum zei zat dah luat lo in na um lai.

Harod  siang pahrang nih  lamkaltu Johnan naupa Jeim kha a hngawng  pheh in a thah hnu ah Peter zong that ding ah a tlaih ter hna I thircikcin in an khih  minung pahleiruk nih an congh thircikcin in an khih.an hren  sihmanh sehlaw Thlarau thawn nak nih thircikcin  kha a chatpiak dih ca ah luatnak a hmuh.Ka ruat tawn Peter cu thircikcin in a luat,Thlanpawng lungkua  ah thircikcin in hren mi pa cu Jesuh nih a thircikcin a chat piak I a luat.Ni hin nan nun nak an temtawn tu  siafah tih nak thircik cin hna.porhlawtnak thircik hna,taksa ei le din zu le khaini sah dah thircik hna,mi tei duh lo nak thircik cin,thangchiat lai tih nak thircikcin  khih in a luat lo mi mi hna nan um kan um.A ho dah na hngah rih lai.Kum zei zat chung dah zusal khaini sal sadah sal nah na um lai.

Peter cu Thiangthlarau thawnnak nih luat nak a pek.Luat ding ah tuah khawh nak a ngei lo .a si na in Thlarau cu a chung ah fak pi in rian a tuan Thlarau nih a uk tik ah ah a mah nih ka luat ter ti hmanh hal a hau lo.Thiangthlarau nih a sal tan nak kha a hhmun piak I thir cik cin vialte a chah piak dih.Vawleicung taksa thil temtawntu thircikcin in a kannluat ter tu jesuh a si ti a fiang.

Damna duh maw a ti.Ka duh.Tho law kal tuah a ti.A mah te in thawh a fial. Hi pa hi kum 38 chung mi nih tichung ah paih ding a hngah peng cang ca ah a dam lo.Crusade ,revilaval,hna Pastor tha hna cawn piak tu hna zei tiang dah na hngah lai.Nang mah te in in pei na lak lai I na co lai i nan nun ter lai i an nunpi lai cu.Laksawng pek kan si, a si na in kan lak lo ah  cun kanta a si kho lo.Nihin ah Jesuh cu khamh tu ah na lak i nannun uktu ah naser ahcun nihin a tu bak ah an ser colh lai.Amah cu nunnak kha an kanpek hlei  ah vawlei cung kan nun lio ah duhdim te in  an kan nunter tu a si.Temtawn nak chung in an  luat ter lai.A mah nih a duhmi nun an kan cawnpiak.Taksa thil nih an uk bantuk khan an uk lai.Taksa thil nih na nun an tem I a sal na si bantuk khan Jesuh sal na si.Lai lo. Taksa nih cun temtawn in an uk.Jesuh tu cu luatnak nak an pek lai.Damnak an pek lai.A bia duhnak a mah he hawikom zung zal nak an pek lai.

Na it phah kha i lak.Siarem tein na hman mi na itphah kha zuallaw hlawt an dam ter tu a si lo.38 chung nait phah nih dam nak an pek lo.Siarem te in nan hman mi na it phah ah   na hna a ngam sual ca ah na dam lo hi na theih maw.Nan mah khualum ter tu ah na ruah mi kha dam nakan petu a si lo.Nang mah nih Pathian bia na cuainathlai ning in na ruah mi kha dam nak a si lo.Nang mah nih ngaih na duh mi Pathian bia kha dam nak a si lo.Pathian biakha  a zate in zumhlaw nanun chung ah antamci bantuk in cawm law hmang.A kheu hrim hrim lai.A ser colh lai.Damnak an pek lai.Phung chim sau na duh lo nak kha hlawnh.Phung chim tawi na duh nak kha hlawnh.Pathianbia kha i lak law na chung ah khumh nang mah te in i lak luat nak na hmuh lai.

Efesa khua  ah Paul cu  Jesuh min in khuachia kha a thawl Judah mi chung ah khuachia ṭhawl i aa chawk lengmangmi hna nih khan cu khuachia ṭhawlnak ah cun Bawipa Jesuh min kha an hman ve. Khuachia cu an thawh hna i, "Paul nih a chimmi Jesuh min in chuak kaan ti," an ti hna. 14 Cu bantukin a tuahmi cu, Judah mi Tlangbawi Ngan Skeva fapa pasarih an si. 15

Sihmanhsehlaw khuachia nih cun a thawh hna i, "Jesuh cu ka hngalh i Paul zong cu ka hngalh, sihmanhsehlaw nannih cu ahodah nan si?" tiah a ti hna. 16 Khuachia a ngeimipa nih cun a ṭhuat ciammam hna i a tei hna i hmapu le an puan tlek dihlak in a inn cun an zaam.(Lamkaltu 19:15)

Pathian turun hna Mi   Thlarau hi i hrawm awk a thalo.Mi nih an chim mi Pathian le Jesuh hi I hrawm awk a tha mi a si lo.Pumpak in ngeih le ilak in, I ukter a herh mi a si.Na nun hruaitu hi a ho dah a si.Na nunuk tu a ho dah a si ti a bia pi tuk.Nun kan tik ah nan nun ruang ah na herh mi vilate  an hruai tu an um pi tu  a ho dah a si ti a bia pi tuk.

Na nun nak chung ah a ho dah a um ti cu Seitan nih a theih cu, Na chim lio ah na tuah lio ah na kal lio ah thla na cam lio thawngtha na chim lio ah Biakinn na rat lio ah Biakinn chung na um lio ah nan thinlung a ho dah a uk ti kha Satan nih a theih i a nih a chuak.

Seitan nih a kan nehsawh a duh duh in kan nun a hrem.Thihnak lam kalpi tu thil vialte kan nun ah a khumh.kan nun hi a luat bal lo.Temtawntu in kan khat.Narak lei na chuah lei naum nak hmun poah an uk tu sal ah nai cang.Hmarun he a kan nun ter.Zei tik can poah ah hrem na tawn.lungreitheih nak thilrit khuarauh har in na khat nanun a luat bal lo.Ceih cikcek in kan pum thin lung a hmin ter cik cek.Kan theih thiam lo.

Cucaah zei dang vialte nakin Pathian Pennak le zeidah tuah hna seh ti a kan duh timi kha biapi deuh in ruat u law thil dang vialte hna zong hi an pek ṭhiamṭhiam ko hna lai.(Mathai 6:33)

Pathian nih a kan pen hnu ah hin cun a duhnak tuah a fawituk cang.Pathian nih kan nun pen lo in a duh nak kan tuah mi hi cu kan cawn chawm pei a si ko cu.A kan chimh chawm mi tuahcu kan ta a si lo.Pathian nih nunpen lo in a duh nak kawl cu hmunhma theih lo in khua a tlawng mi he kan i lo.Zei tik hmanh ah kan phan bal lai lo.Pathian cu thlarau a si ca ah a biatu hna nih thlarau le biatak in an biak awk a si ti mi hna khi Thiangthrau nih kan nun a uk tik ah Thiangthalaru nih Pathian bia kha a fian ter.Thiang thlarau nih Pathian dawt nak a kan fian ter a si nak a kan fiam ter.Jesuh nih kan nun uk lo in kan hngalh mi hna cu kan mah fim nak kan cawm mi in kan theih mi a si ca ah kan nun a hruai lo.

Pathian nih a kan pen khawh nak hnga nang mah duh nak siarem nak kha na kal tak a hau . Cun Jesuh nih a zultu cu a thawh hna i, "Ahohmanh nih zulh nan ka duh ahcun, nanmah le nanmah nan i philh i nan vailamtahnak nan i put i nan ka zulh a herh. 25 Zeicahtiah ahohmanh, mah nunnak humhak a duhmi cu a nunnak kha a sung lai i keimah ruangah a nunnak a sungmi cu a nunnak a hmumi a si lai. 26 

Na duh nak kha diriam in chiah hlah.A awr kha diriam ter hlah.Philh i zuam.Khamh nak nih a rat pi mi Pathian laksawng Thiangthlarau cu na nun nak chung ah rian a tuan lai.Hmun le hma a lak lai.An zoh khenh lai an hruai lai.Temtawn tu vialte chung in an luat ter lai.Nan ngan a dam lai.Na nun a tluang lai.Vancung mi muisam na keng lai.

Nangmah te in tholaw kal cang tuah.Na siaremnak ca ah na hman tawn mi na it phah kha hlawnh cang tuah.Na dam lai.

Bawi pa nih thluachuah pek ko seh.Amen