Thazang petu(Barnabas)
Cu bantuk cun Saipras tikulh i a chuakmi Levi mi Josef nih 37 a lo kha a zuarh i tangka kha a rak put i lamkaltu hna kha a pek hna; Josef cu lamkaltu hna nih khan Barnabas tiah an kawh, a sullam cu Thazang Petu tinak a si.(Lamkaltu 4:36)
Barnabas cu mi tha a si,Thiangthlarau le zumhnak in a khat mi a si.(Lamkaltu 11:24)Barnabas cu taksa lei in bawmhchanh nak a tuah lawng si lo in Thlarau lei Pathian riantuan tu hna bawmhchanh nak a tuah mi pa a si.Pathian riantuan tu a bawmh mi hna lak ah Paul a bawmhchanh nak nih nih hin vawlei kili ah Jesuh khamh nak thawngtha kan theih khawh nak hnga tiang huap in theipar mansung a chuah ter.
Saul hi Damasacus ah Jesuh Cu messiah a si ko ti thawngtha a chim tik ah Judah mi nih an huat tuk i thah an timh. Jesuh hnu zultu zong nih an zum lo. Jerusalem zong ah Jesuh zultu hna nih an tih ngai ngai i an kom ngam lo.Cu lio ah Barnabas nih a bawmh i lam kaltu hna sin ah khan a kalpi.Jesuh he Damasacus hau ka an I tawn hnu in thlen nak a hmuh nak kong le Damasacus i thawngtha a chimnak kong hna kha a chimh hna.Jerusalem huatuhna nih thah an zalh ca ah a chuahnak Tarsus ah an kal ter.
Barnabas Cu Jerusalem in Antiock khua ah Zumhtu hna tha pek ding ah an thlah. Antioch khua a phakhnu ah Tarsus ah a va kal i Saul kha a va kawl.A va hmuh i Antiock khua ah a rat pi hna an pahnih in thawngtha hmual ngeitaktak in an chim an hmuh tik ah mi nih “Khrihfa” tiah auh hmasa kan si hmasa nak zong a si.
Pathian riantuantu Pastor hi bawmhkan herh tluk in bawmhnak kan co lo.Cu lak ah cun Laimi khrihfa hi Pastor bawmhchanh a daithlang bik kan si.Na kan dawtlo cu a si lo na in na kan dawtnak langhter nan i siang lo.Pastor hi mibawmtu ah ruah a si na in Pastor bawmh a herh nak hi kan thei lo. Paul chan khrihfabu ah Barnabas lawng si lo in zumhtu nih an bawmh chanh tuk ca ah a ral a tha Pathian bia chim a i ngaih chih lo.Mivialte ca ah a rak that hnem tuk.Saul khanBarnabars nih nak thawng in Barnabas nak in Pathian nih hmual ngeih taktak a hman deuh.Bawmh chanh tu rak ngei hla sseh law thawngtha chim manh lo in a thih zong a thi men lai.
Rev.Van Hlei Thang nih kan khrifabu nubu a cawn piak mi ah “Pastor hi hawikom tha a ngei loh.Pastor hi mi tampi he aapehtlaih peng mi a si ca ah hawi tampi ngeimi a lo nain hawitha tak tak a ngei kho loh.A tonmi ngai ngai theipitu an um lo tluk a si.cu ca ah an thlavai a kiang.A mah lawng thilrit kan phurh ter.Minung a si ve philh a fawite. Soisel a tawng peng Why I left the church “Stve Dray tial mi ah Zei ruang ah Pastor sinak chung dinhnak ca ka tial ti mi point a tial mi ah in I feel lonely and isolated khrihfabu ah hin komtu ngeilo ka si tiah ka ruah tiah a tial.A si kho ngai mi a si.
Kawl phungthluk ah :”Cunkainghmi kaingcung hmi” tikulh nih khin thingkung a hngat chanh in a um bantuk in,thingkung nih tikulh a hngat chanh ca ah an phnih in an him bantuk in Khrifabu le Pastor hi a then thiam lo mi a hngat han ve ve a herh mi le a bawmh chanh veve a herh mi kan si hna .Cu ti o hmunkhat nak nih cun Khrih Jesuh nih a kan duh piak mi a sunpar nak a langhter tu khan si hnga.
Bawipa nih thluachuah pek ko seh.
Comments
Post a Comment