s KAN PA(Knowning God As Father)
Western Australia Chin Christian Church
3/09/2023( Fathers Day) Pa Hrang Hmung
Vawlei cung hringtu Pa le ni timi zeitin a chuah ti a fiangfaika thei lo na in Vancung kan pa kong hi chim kauh tuk.Pathian kanpa sin ah thla kan cam tik ah ka pa kan ti na n Vawlei kan pa tlukin kan bochan lo in ka theih , kan upat lo i kan tihzah lo deuh in ka theih.A ruang cu Vancung kan sinak tak le a dawtnak a thukzia hi kan fianlo ca ah a si. Kei mahhi ka pa nih kum 6 ka si hrawng ah a ka thih tak i ka pa dawtnak ka tep manh lo, ka u hi ka pa ah ka rak ruat.Cubantuk in pa taktak theih lo in pa taktak lo mi kha pa aa a ruat mi kan um sual ah kan pa kong hi chim ka duh.Kan Pa taktak cu Pathian a si.
Sihmanhsehlaw Bawipa, nangmah cu kan Pa na si. Kannih cu tlak bantuk kan si i nangmah cu um sertu bantuk na si. Nangmah nih kannih cu na kan ser,(Isaih 64:7)
Pathian cu a kan sertu kan pa a si.
Ka pum hi nang caah cun khuaruahhar awk a si lo, zeitindah a thli tein muisam ka hun ken le ka nu pawchung ah zeitindah ka hung ṭhan ti kha nang na caah cun khuaruahhar a si lo. 16 Ka chuah hlan in na rak ka hmuh diam cang. Ka ca i na sermi ni hna cu na cauk chungah an rak i khumh diam cang, hram an i thawk hlan hmanh khan an i ṭial diam cang(Salm 139:15-16)
Cu cah Pathian nih kanpa a sinak hi hngalh ter a kan duh tuk.A dawtnak hi hngal cikcek hna seh ti hi a kan duh tuk.Kan hngalh lo tik ah a lung a fak tuk.
Bawipa nih aa thawh i, "Van le vawlei hna, Bawipa nih ka chimmi hi ngai tuah u. Ka cawm cia le ka ken cia ka fale nih hin an ka doh. 3 Caw nih a ngeitu kha a hngalh i laa nih a bawipa nih rawl a peknak kuang kha a hngalh. Sihmanhsehlaw ka mi Israel mi hna nih cun cu hmanh cu an hngal lo.(Isaiah 1:2-3)
Amah ram a simi ah khan a ra nain, amah mi ciacia nih khan an rak cohlang duh lo. (Johan 1:11)
Pathiannih a mah cu Kanpa a si I kan nih cu a fa kan si hi fiangte in theihter hngalh ter an kan duh tuk ca ah mah pumpak hrimhrim Jesuh hmang in vawlei ah rat in kan lak ah khua a rungsaknak hi a si.Cubantuk in Jesuh zong nih hin Kan pa taktak cu Pathian a si ti kha hngalhter a zuambik mi a si.
Jesuh Mathai 6 chung ah Pathian cu kan pafahmasa bik, Mi vial te kanpa a si nak voi 6 bak a nolh.
1. An nih bantuk va tuah hlah u,zei ca ah tiah nan pa nih cun nan hal hlan in nan herh mi cu a hngalh cia ko.(Vs 8)
2. Van cung khua I a um mi kan pa(Father in heaven)(vs 9)
3. Si hman seh law mi that lo nak kha nan ngaih thiam hna lo ah cun van cung I a um mi nan pa zong nih that lo nak nan tuah mi kha an ngaihthiam ve hna lai lo.(Vs 15)
4. Hmuh khawh lo mi nan pa lawng lawng nih an hngalh hna lai.Cun a thli te in anntuah mi a hmuh tu nan pa nih laksawng an pek hna lai.(Vs 18)
5. Si hmanh seh law van cung I a um mi nan pa nih a zoh khenh ko hna.a si ah cun nan mah cu va nak in nan bia pi deuh lo maw.(Vs 26)
6. Van cung khua I aum mi nan pa nih thilvialte cu nan herh dih hna ti kha a hngal.(vs 32)
Cu lak ah cun thlacam a kan cawnpiak nak ah
Vancung khua ah um mi kan pa(Our Father in heaven) ti in thla nan cam lai a kan tibantuk in Pathian cu mivialte kan pa a si. a langhter rih mi cu Pathian a si nak a langhter.Vancung khua ti bia a hman.A san nak le upat awktlak a si nak le upat bu in thla kan cam a herh nak a kan cawn piak. Vancung pa kan ngei.Kanpa hi zungzal pa a si ca ah,a ho hmanh ngahtah ti a um lo,nu hme ti a um lo,pahme a um lo,zei bantuk dir hmun nan si zong vancung ah Kan pa a si zungzal zungzal pa a si.Everlasting pa a si.
Kan nu nih Fathers day ah Bawngbi zunhnih a ka cawk piak.Sau pi a khon mi in a si. A ka dawt tuk ti ka theih.Asi nain nikhat thihthen in kan i then lai.A zungzal ka nun pi lai lo.Kei cu tar ka thiam zawt hmang,lungrawh ka hmang ,thin tawi ka hmang,nuamh lo ka hmang,A si na Van Pathian cu a tar kho lo.A thi kho lo,a zaw bal lo.Ka cung ah a dawt nak a zawr bal lo,Lungnuam lo a hmang lo ka sualnak a cinken lo.Zei tin dah ka dawt nak hi a theih khawh lai tiah a zuam zung zal.
Mirang nih Daddy ti mi hi Ngakchia chuakka holh a cawn pah lio i a pa a auh nak aw a si an ti. Daddy,a si lo ah Dada in a ra mi a si.Ngakchia chuakka holh cawn lio nafa na dawt ning le a lung a fim hnu nadawt nak a dang cang.A lung a fim hnu ah cun dawtnak le lung reitheih nak a cawh cang.
Bawhte a si lio ah cun na dawtnak vialte a cung ah a tling na lung thin vialte a tling dih in na dawt a cung ah na lung put cu na nun za te in a si.Cu bantu cun Pathian kan pa cu kan cung ah a zumgzal in dawtnak a ngeitu a si.
Joseph prince nih cun Pathian hi (“Daddy God) a si a ti.Pathian cu bawhte kan si lio i kan dawt bantuk in a kan daw zung kho tu a si.
Ni hin ah hin nakum zeizat na si i na tar nak le na no cung ah poi nak a um lo.A zung zal in Pathian fa na si Pathian nih cun Bawhte dawt in an dawt i ngakchiah zoh in an zoh peng fa zoh in a kan zoh khenh peng.Kan cung ah a dawt nak a thleng bal lo.
Biakam thar ah hin Vancung kan pa cu Aramic holh a si mi in Abba ka pa ti in auh nak hmun thum kan hmuh khawh. Jesuh thla a cam a h khan Mathai le Luka chung nak in Marka ta hi ka duh deuh.
Ka Pa, ka Pa,(Abba Father) nangmah nih cun zeizong vialte na tuah khawh dih ko. Hi hrai hi ka lakpiak ko. Sihmanhsehlaw keimah duhnak bantuk cun si hlah seh, nangmah duhnak bantukin si ko seh," tiah a ti.(Mark 14:36)zei ca ah tiah Pathian si nak a langhter.Tuahkhawh lo mi a ngeih lo nak a langhter.A nawl kan ngaih awk a si ti nak zong a langh ter thiam thiam.Pa le fa i pehtlaih nak miru tak tak a khen.
Cun Paul nih Rom khuakhrifa mi sin ca a kuat nak ah “Pathian nih an pekmi hna Thlarau cu sal i an canter ṭhantu hna ding thlarau a si lo, ther lengmang le phang lengmang i nan rak nunning ah an kalpi ṭhantu hna ding zong a si fawn lo. Pathian fa ah a kan sertu ding tu kha a si i amah nih cun Pathian kha, "Ka Pa, ka Pa(Abba Father)," tiah a kan auhter khawh.(Rom 8:15)
Pathian fa nan si caah khan Pathian nih, a Fapa Thlarau cu nan lung chungah a run thlah i cu Thlarau nih cun, "Ka Pa, ka Pa,"(Abba Father) tiin a au.(Galation 4:6)
Zisuh nih kei cu lam le biatak le nun nak kan si,Kei mah sin dah ti lo cu pasin ah a ho hmanh phak khawh a si lo.Jesuh a zum mi hna Vancung kan phak tik ah Vancung kan pa a rak umlai.Zei ca ah tiah jesuh thawng in kan nih cu a umnak hmun ah um ve ding in ro lak ro sung bik pek mi kan si.Vancung ah na phak i Pathian a rak um lo ah cun Vancung a si lai lo.Pathian um lo nak hmun cu Hell ram a si.(John 8:24) ah Jesuh nih Nanpa setan ti i biafang a hman kha.Vancung kan pa hi na pa a si lo ah cun Seitan fa na a fiantertu a si.
Vancung kan pa cu zei zong vialte hram pi a si.Vel le dawtnak in a khat mi a si.A um lo nak hmuh a um lo.Vawlei cung pa kan um khawh nak cu Vancung kan pa ruang ah a si... Vawlei kan pa nih kan kal nak kip ah a kan zul, dawi kho lo.A si na in Pathian kan pa nih cun kan um nak poah a kan hmuh a kan theih I a kan umpi zung zal.
Tarpa Johan nih
Pathian nih zeitluk in dah a kan dawt hi ruat hmanh u! A kan dawtnak kha a ngan tuk caah Pathian fa tiah ti kan si — Pathian fa ti lawng hmanh si loin, a si in kan si hrimhrim. Hi ruangah hin vawlei nih a kan hngalh lonak cu a si, Pathian zong kha a hngal lo.(1 John 3:1)
Kan fa le an herh mi kan pek khawh lo can ah kan herh mi vialte a ngeitu Vancung pa kan ngeih ti kha zei tik hmanh ah philh hlah.(salm 127)Fa le zong nih Pathian kan pa kong theih le Pa zong nih vancung kan pa cu kanpa taktak a si ti kan hngalh cu biapi tuk mi a si.
Pa le fa biatheih khawh lo nak a um lo.A si na in a bia kan theih khawh lo i kan zulh lo i Pa a si tiah kan theih khawh lo nak cu kan Pa a si nak a tlau bia a si lo.Kan mah nih Ka pa a si ti kantheih khawh lo ruang ah a si .Pa a si lo mi kha pa ah kan ser .
Luke 15: 11 chung I Jesuh nih fapa tlaupa kong a chim mi khi Pathian kan pa vancung kan pa dawt nak kong kha chimh a kan duh.A fa pa nih zei tluk in apa dawtnak hngalh lo in a lungthin a khuaruah sual ruang ah inn in a chuah zong ah a pa dawtnak a zawr lo.Thla a acam piak.A ca ah thiltha tuah piak ding a bawh peng.Zingzan in a hngak.
A si na in a fa pa nun zoh tik ah pa a si lo mi kha pa a va ser tik ah a nun a nuam bal lo.Mi rumpa sin ah rawl ei ding in phaisa hlawh in a tuan zong ah a nuam bal lo.A chung si vang in a um zung zal.
A donghnak nak a lung a fim.A pa sin ah a sualbu te in kir a thawh.A pa nih na sual tuk nang mah um in va um a ti lo.A rak dawn.A hnamh a lawm tuk.Pawi a tuah piak.Pathian kan pa sin ah kan kir tik ah a kan cohlang tu vancung Pa kan ngei.A ngeih mi vilate hrawmh a kan duh zungzal tu Vancung kan pa a si.U le nau hna fapa tlau pa bantuk in hringtu pa sin in na tlau ve maw.na tlau tiah na theih ah cun a tu rak kir zau a can luan lai.
Vancung kan pa hi ka pa a si ti in theih le hngalh camcin ding in kan sawmh hna,Bawipa nih thluachuah pek ko seh .Amen.
Comments
Post a Comment