KHRIH AH PUMKHAT(ONE IN CHRIST)
Galati 3:28
vawlei hram thawk in Pathian nih Pumkhat (pakhat) kan si nak hi timtuah nak a ngeih zungzal mi a si.Cu a ngeih mi a fianter tu pathum in ni hin ah langhter ka duh.
1. Jesuh le Pathian cu pakhat an si.(Johan 17:9-11)
An ca ah thlaka cam.Vawlei ca ah cun ka cam lo.na ka pek mi hna cu nang mah mi an si ca ah an ca ah ka cam.Ka ngeih mi vialte hi nang mah ta an si dih,na ngeih mi vial te hi kei mah ta an si dih.Ka sunparnak a langhnak cu an mah thawng hin a si.A tu cu kei cu na sin ah ka ra cang lai.Vawlei ah hin ka um ti lai lo.Si hmanh seh law an nih cu an um rih lai.A thiang mi ka pa nangmah le kei mah cu pakhat kan si bantuk in pakhat an si khawh ve nak hnga na ka pek mi hna cu na min thawn nak in huppheng ko hna.(Johan 17:9-11)
Jesuh le Pathian pakhat an si nak a langhter tu bik cu ngeih mi vilate I hrawm nak ah hin a si.Ngeih mi vialte ka ta a si i a ta a ve si ti lungthin ah I funkhawh nak hi pakhat kan si nak langhter nak hmual a ngeih ter tu a si.Pathian nih pakhat kan si nak lunglawmte in kan cohlan I a ngeih mi vial te hi kan ta a si ti kan theih nak ah pakhat kan si nak theih fian hi a kan duh piak.
Salm 73:25 Van cung ah khin nangmah hlei in a ho dah ka ngeih?Nangmah kan ngeih cang ca ah vawlei ahhin zei dah ka herh mi a um.A ti bantuk in Pathian le kanmah zong pakhat kan si nak a lang ter tu cu Pathian ngeih mi vilate hi ka ta a s ikan ta vialte hi a mah ta an si tiah kan zumhnak ah hin Pathian he pumkhat kan si nak a si.
Pathian le Jesuh pumkhat an si nak hi Thumkomh Pathian ah a si I an si ning a khat I an rian tuan nak a dang.Bantuk in Jesuh nih kan nih vialte pakhat kan si nak hnga Pa sin ah a kan hal piak.kan riantuan nak le mi kan I hmuh ning I dang ko hmanh seh law Khrih ah pumkhat kan si.Pathian mit hmuh ah pa khat kan si.Zei ca ah tiah Jesuh nih thawng in Pathian nih a kan pek mi Thlarau cu Pakhat a si ca ah khrih ah pum khat kan si.
2. Nu le va pumkhat si nak.
Cu ca ah cun pei pa nih a nu le a pa a kaltak hna i a nupi he an i fonh i pumkhat i an can hi a si cu.(Geneiss 2:24)
Nu le va pum khat kan si khawh nak ding ah cun pakhat khat cu kan kal tak a hau.An I fonh ti bia fang hi a bia pi tuk.1+1= 1 fonh ti mi cu sining kal tak I sining dang ah I thlen kha a si.
Jesuh khrih cu “Pathian si nak kha a ngeizungzal mi a si ko na in hram hram in Pathian tluk si awk kha cuh awk ah a rel lo a mah lungtho te in cu vialte kha a hlawt dih i sal si nak tu kha a lak ,Minung bantuk in a cang i minung mui in a lang”(Filipi 2:6-7)
Nu le va pumkhat nan si khawh nak hnga zei dah na hlawt,khrifabbu zumtu hna pumkhat kan si khawh nak hnga pakhat khta cu na hlawt a hau.A si lo ah zei tal na hlawt mi a um maw.Kan chim tawn mi ka zia a si ,a zia a si ti mi hi Kan I palh tawn mi a si.Kha na zia thalo na ngeih mi kha na kal tak a hau.Cu lawng ah pei I fonh khawh a si cu.”Cu ca ah pahnih an ti lo pakhat an si cang.Pathian nih a fonh mi hna cu a ho hmanh then ti hna hlah seh.(matthai 19:6)Khrih dawt nak nih a kan fonh khual kha lai ah a kan ser.Thlarau pakhat ,pathian pakhat jesuh pakhat ah a kan fonh.Cu hna cu a fonh mi hna cu khrifabu cu a si.Cu hna cu khrifa chug khar kan ti mi cu,Johan 10:28 ah Jesuh nih a ho hmanh nih an ka chut kho lai lo a ti rih.A mah a fonh cang mi a ho hmanh zei hmanh,thihnak hmanh nih a kan then ko ti lai.Zei ca ah tiah khrih he pum khat kan si.
3. Khrih ah pa khat.(One in Christ)
Khrih Jesuh pehtlaihnak thawng in Pathian fa nan dih lak in nan si cu zumhnak thawng in a si.Khrih chung ah tipil nan ing i khrih nunnak in nan I thuam.Cu ca ah Judah mi le Jentail mi sal le luat mi nu le pa kar lak ah zei hmanh thleidan nak a um ti lo.Khrih Jesuh he nan I peh tlaihnak thawng in Pakhat nan si dih cang.(Galati 3:26-29)
Vawilei ah thleidang in um ko hmanh u sih law pathian mit hmuh ah a lawh in cohlang kan si dih cang hna.Kan ruahnak,kan fimnak,kan thazang,kan ngeih chiah ah I dang cio ko hmanh she law,pathian mit hmuh ah khrih ruang ah a lawh in cohlang kan si hna I pakhat pakhat le thlarau pakhat ah kan ifon cang.Cu lawng hmanh hlah khrih roco hawi kan si dih hna.
Cu ca ah penticost nih ah holh dang cio in an holh ko na in an holh an thei kho dih.Thiangthlarau cu a khat ca ah kan holh lo hmanh ah kan duh mi kan I thei kho.Kan duh mi a kan thei ter kho duh mi a kan ah pakhat a kan sit er tu cu thiangthlarau a si.An ngeih chiah zong an I hrom kho dih.Cu ca ah Khrih ah a peh mi zumh nak thawng in Thiangthlarau pek mi khrifabu cu thleidan nak a um ti lo in Pumkhat kan si.
Toidawrnak lungthin ngei u,lungnem le lungsau in um zungzal u,pakhat le pakhat I bawm u law,cu ti cun nan I dawtnak kha langhter u,Pumkhat si nak,Thlarau nih an pek mi hna kha ngeih peng awk ah ah an funtu hna daihnak hrikhan fekte in I tem u.(Efesa 4:2-3)
Cu daih nak a chuahter cu a kan funtu cu Thiang thlarau a si.
Daihnak kan ti mi cu pakhatkhat nih pakhat khat ca ah a duhnak kal tak I a si nak a kaltak tik ah an karlak ah daih nak ti mi a um.Pathian nih le Minung karlak daih nak a um khawh nak hnga,Pathian si nak kal tak in minung sinak I hruk nak in ser a si.Inn chung khar ah remhnak a um khawh nak hnga nu le va kar lak ah daih nak a um khawh nak hnga ,si nak pakhat khat kaltak I zuam nak in ser awk asi.Khrifa bu pumkhat kan si khawh nak hnga na si nak kha thumh law remh nak ser I tim zungzal.Nu le va kar lak hawikom kar lal pakhat le pakhat kar lak ah daihnak sertu si I zuam.
Mi nih an I daih piaktik ah mihrut zei hmanh a thei lo mi ah rel hlah,Upat nak pek.Na va pa na nu pi nih an daih piak tik ah zei hmanh a hngal lo ah ruat hlah.Daih nak ser a duh a cah a ti n a theih I nan nun na ser ve nak ah na hmanh ah cun daih nak taktak cu nan hmuh lai.Kan hmuh lai.Cu ca ah Pual nihan funtu hna daih hrikhan fekte in I tem u a kan ti.
1 Samuel 18:1, Jonathan cu apa Soul nih ral ah a Ser mi David cung ah a lungput kan hmuh.Jonthan nun nak cu David nun nak ah a thit chih I Jonathan nih a mah nun nak a dawt tluk khan adawt.Cun Jonathan nih a aih mi puan kha aa phoih I ,David kha a pek.a ral thuam le likuk le a taisawm zong.Cu David cu soul nih a kuat nak poah ah khan a hlawh a tling.Khrih ah pumkhat kan si nak cu Thlarau nih a kan fonh bantuk in le Jonathan nih David kha a dawt tuk ca ah a pa he ral an si nak cu a ca ah dontu si lo in a mah le a mah a dawtbantuk in David cung ah dawtnak a langh ter ca ah an pahnih in an hlawh a tling zungzal.
.Kawl mi bia a dik ngai mi pakhat cu “A hman taza le Damah taza ti mi hi a si”Sual man thihnak cu a hmantaza a si.A si a hman ning in ceih i a thi ding kan si mi kha kan phulo kan tawk lo azangfah nak ruang ah luat ter kan si.Kan nih zumh tu cu a hman taza nak in Damah taza in a kal mi kan si. Hmankan zing kuai de an ti a hmantuk in kal I ngaih thiam nak le remnak serduh nak ngeih lo ah cun zei tik hmanh ah pakhat cu a si kho ball ai lo.khrih nih a kan hmuh ning in I hmuh thiam nak le Jonathan nun nak cu David nun nak ah a thit chih bantuk in Inn chung khar ah,pakhat le pakhat kar lak ah ,khrifabu ah thiangthlarau ah pakhat kan si nak ah hin i thit u sih law kalti hna u sih tiah kan sawm hna.Amen
Comments
Post a Comment