NA CHUNGKHAR AH KIR

                                       KHRIFABU LE HRUAI TU THIMNAK

                                                             25.06.2023

                                                           1Samuel 16:1-13)

Zei karlak ah dih kumhnih a dih than hoi i thimnak can kan phan than.Pathian thawng in kan theih manh lo.Kan cim rih lo luklak ah si.Pathian thawng a si.Pathian rian hi kanmah kan tuan rua kan rak ti a mah nih a rak tuan hi a si.Kan ceihkhan mi hna ka ruah than tik ah kan i el len kan i hmachiat can zong a um a si na in a zei hlei khi a si lo.A dongh nak bia ngeitu cu Pathian a si ko.Church Chairman pathum le khrifa upa dang dang upa he kan kumriat chung kan tuan ti.Ruah nak aa dang lung put aa dang,thiam nak aa dang. kha vialte nih khan lai a rak rel lo.Dingthlu lai rel Pathian nih a dongh nak cu a phi a chuah ter ko.A mah thawng in kei mah thawng in ti ding a rak um lo.

Pawrhlawt ngam ding a si lo.Pathian Thawng a si cu ca ah minung cung ah si lo inPathian cung ah a si ti hi kan fian chin leng mang ding ka duh.Zei bantuk minung in  thlen a si zong ah Pathian hruainak chung ah a si ko lai.Pakaht le pakhat kan I chan leng mang zong ah hi khrifabu hi a rawk lai lo.Pathian thawng a si.

Australia ram ah ka khua ruah a har bik mi cu thleidan nak an ngeih lo mi hi,Minak hi an pungsan zoh ah cun duh an nung lo tak tak.A si na in thleidan nak pakhat hmanh an ngeih lo in ka thei.Khrifabu zong ah thleidan nak loh ter chin leng mang awk kan si.Hmunkhat um ti unau in kan hmuh chin leng mang ding a biapi tuk.Pengtlang chungkhar unau timi thimnak kong ah le khrifa bu kong ah cun kan ngeih lo chin leng mang ka hmuh ca ah ka lawm.

Minung zoh in kan ti poah ah kan i palh kho.Pathian nih cun chung lei a zoh.

Saul hi Israel mi lak ah Muidawh ,Pumrua  tha a si.Pathian  nih a mah hi saingpahrang a tuan ah cun harnak phun phun nan tawng lai tiah hmutu Samuel nih a kham len na in an duh lo.Mihmuh nak bak in Sual siang pahrang ah an thim tik ah Israel mi ca le a mahpumpak hrim hrim tuanbia dawh lo in a can a dong.Tih anung tuk.

1. Cun Jesee kha raithawinak ah cun va sawm law nang mah nih zei dah na tuah awk a si kha kan hmuh sak lai.cun a min kan chimh mi kha nang mah nih chitin a ka thuh piak lai.(1 samuel 16:3)Thimnak kan tuah tik ah a tuah tu hna hi Pathian ca ah kan thim piak a si.

2. Annih nih an rat tik ah Eliab kha  a zoh i”Bawipa chiti thuh mi cu  Bawi pa hmai I a um mi hi a si hrim hrim ko tiah a ruah” Samuel hmanh mi mit in a zoh tik ah mit hmuh in biachahnak a tuah.Khrifabu hi Pathian ta si ca ah Minung mit hmuh ah a tlak mi si lo in Pathian nih a thim mi kha siaherh nak he kan kawl awk a si.Samuel nih mit hmuh ah a dawh a za tiah timh tuah nak a ngeih mi pasarih ning in a chuah pi Samuel sin ah Pathian nih a si lo ti kha a theih ca ah an pasarih ning in a ho hmanh a thuh hna lo .Samuel nih a mah mit hmuh ah si lo in aw kha biapi deuh ah a ruah ca ah a khen.(V6)

3. Zei ca ah tiah Bawipa nih cun mi i an zoh ning in a zoh lo.mi nih cun lenglangh ning kha an zoh.Si hmanh seh law Bawipa nih cun LUNGTHIN kha a zoh.

Pathian bia ning ah cun a rian kan tuan tik ah What they do,si lo in How do they do”zei dah an tuah ti mi nak in zeibantuk lungput in dah a tuan ti kha a biapi deuh.

Farasi pa le Ngun khuai kholhtu thlacam nak Jesuh nih a marks a pek mi cu ngunkhuaikhawl tupa kha a si.An rain tuanmi zoh ah cun an I thlautuk.A si na in Pathian nih lungthin a zoh ti a fiang.

Jesuh nih Minungsawmsarih le pahnih a thlah mi hna an kir tik ah an tuah mi report an pek.Van in Satan cu Mimtlau bantuk in an tlak kha ka hmuh.Vancung khua ah nan min tial a si mi tu kha i lawm u.N uhme nu Thawhlawm marks a pek nak cu. Lung a thin (a lung put kha )a si.Cu ca ah lugthin a zoh tu Pathian nih lungthin a hngal tu Patian nih a thim mi hngalh khawh in thim ah cun a rian tuannak cu Pathian a co hlang mi a si lai.

4. Tho law  amah cu thuhtuah.Zei ca ah tiah a mah hi dahkaw a si cu tiah a ti.Cu Samuel nih a chiti rawnnak ki cu aa lak a mah cu an u nau hna lak ah  cun a toih.Cun Bawipa thlarau cu, cu ni thawk in fak pi in David cung ah a tlung.Pathian thim mi na sawh khawh ah cun thlarau nih a sersiam lai a riantuan nak cu nunser nak ah a hman lai.A si na in  a mui in  si she chungkhar in si seh,  experience hna  zoh nak in na thim ahcun Thlarau ah a thih lai ca ah a mah le chung khar a mah le khrifabu cu mitcawter tu a donghnak ah thangchiat mualpho nak cu a ca ah tuanbia bantuk in a tang lai.

5. “ Bawipa nang mah nih minung lungthin vialte cu na ngalh dih.Cu ca ah Judas nih amh hmun a si mi i kal awk ah chuahtak mi rian lamkaltu hna rian rawlh awk ah,hi pahnih hna lak ahhin a ho deuh hi dah na thim mi an si kan hmuh sak tuah tiah an ti.”(Lam kaltu 2:24-45)

Pathian kha a lungthin hal law an chimh bantuk tein thim khawh i zuam.Pathian cu Khrifabu  a ngeitu a si ca ah Pathian nih a thim mi te khenlak in na thim khawh nak hnga thlacam nak he na rak thim sawh nak lai khrih mi in kan sawm.Bawipa nih thluachuah pek ko seh.Amen