NIFATE KAN HERH MI RAWL
Jesu nih thlacam a cawnpiak mi hi thlacam tik ah sullam ngeih lo in a camtu an um ca ah a cawnpiak hna.Sulam ngeih in Pathian nih a theih ding mi a herh tak tak mi biatam chim lo in hi te hi nan telh lo ah cu a si kho lo ti kha biapi tuk in a cawn piak hna.Cu lak ah a telh mi cu nifa te nan herhmi rawl kha nan hal lai a ti hna.Kan herh mi a theitu cu kan mah nak in kan Pathian hi a si.A chim mi cu “Nifate kan herhmi rawlcu ni hin zong ah kan petuah.(Matthai 6:11)
Give us to day our daily brea.Zumtu minung nih ngeih lo awk tha lo rawl phunhnih kan ngei.Cu hna cu Taksa rawl le Thlarau rawl.A nungmi hna paoh poah nih rawl hi biapi bik ah kan chiah dih.Rawl lo cun a ho hmanh kan nung kho lo.Cu ca ah nifa kan nun nak ca ah ni fa kan tuan ve, thlacam nak kong ah Jesuh nih a cawnpiak mi ka theih i ka rel tik poah ah nifa te ka ei mi rawl a biapi tuk ah ka ruah mi taksa rawm hi a si ko ti hi ka ruah colh.Zei ca ah ka ca ah nifa te ca ah a biapi bik in ka chiah mi cu taksa rawl hi a si.Taksa rawl a hram cu a nungmi Pathian a si.Cu ca ah Satan nih Pakhatnak Adam khaTaksa rawl in a tuforh hna I an tlu colh ve.
Jesuh nih a chim mi cu biatak kan chimh hna nan ka kawl hi thawn nak in ka tuah mi thil nan hngalh ca ah a si lo nan duh zat in changreu nan ei ca ah khan a si ko. A hung peh mi cu hi a rawk kho mi rawl ca hin tuan hlah ngat u,a hmun mi rawl ,zungzal nun nak rawl, ca ah tah nan tuan. .(Johan 6:27)
A hmun mi rawl cu zei dah a si. Ruah a phu.Zei ca ah dah rawl a si tunglo mi ah nan phiasa kha nan hloh “Zei ca ah dah nan ni hlawh man vialte cu nan hman dih tung I rawltam in nan um thiam thiam tung.?Ka biakha ngai u law ka chim mi kha tuah tuah u,rawl vilate lak ah a thaw bik kha nan ei lai.”(Isaih 55:2)A bia ngaih le a chimbantuk tuk tuah cu rawl thaw bik a si a ti.A si ah cun Jesuh nifa te in a ei mi rawl cu zei dah a si.Jesuh nih cun a thawh hna i ka rawl cu a ka thlah tu duh nak zulh le a ka fial mi rian lim kha a si.(John 4:34)
Cu ca ah Jesuh nih ni fate kan kan herh mi rawl hi taksa rawl hi a si lo ti a fiang.Nifatin kan herh mi rawl cu Pathian bia ngaih le a duh nak tuah kha a si cu Pathian fa le kan ca ah kan herh mi rawl le kan ca ah a thaw bik rawl cu a si.Cu ca ah ni fa te kan herh mi rawl cu a tu zong ah kan petuah tiah kan hal ding mi cu a bia le a duh nak tuah kha a si.
Taksa rawl ei cu Satan nih thawnnak in a ruah.Rawl ei lawng ah thawn a si ti lawng hngalh mi thawnnak cu Satan uknak chung ah a um mi ruahnak a si.Taksa in a thawng poah ah thlarau a der,Taksa a der poah Thlarau lei a thawng ve.Taksa thluachuah hi thlarau lei dertu a si thlarau lei thluachuah cu thlaru lei nun thawn ter tu nun ter tu a si.Satan nih in taksa rawl hi nun nak a si ti in a ruah mi a si.Cu ca ah taksa rawl hi nun nak a si ti ruah hi satan hlen nak nun nak hmuh khawh lo nak ah a kan hruai tu ka rak ngan pi a rak si.
“satan nihJesuh cu lung kha changreu(Bread) ah can ter a fial .Zei ca ah tiah taksa in a rawl a tam ti kha a hngalh.Satan nih minung nun nak hi rawl a si ti kha a hngalh.Ni hin ah taksa rawlcu cu nunnak a si ko ti mi cu mi vialte nih hngalh mi a si.Nun nak a si ti kan hngalh ca ah rawl ca ah kan nun nak can pek in kan kawl hna.Rawl kan ei lo ah cun kan thi lai ti kan ruah nak cu rawl lo in nun khawh a si lo ti a langhter tu a si.
A si na in jesuh nih cun Satan fimnak nih a phak khawh lo mi nun nak kan ngeih nak kong a chim.Jesuh nih “ca thiang nih pei minung hi rawl lawng in anung kho lo,si hmanh seh law Pathian nih a chim mi bia paoh cu a nun nak a si lai.” A ti kha a ti.(Matthai 4:4)Taksa rawl ei nun hi nun nak tling a si lo a ti.
Cun a chim rih mi cu “ cu ca ah nan nunnak ding ca ah nan herhmi rawl le ti kong ah le nan pum ca I nan herh mi hni puan kong ah lungreitheih awlok chong in um hlah u.Nunnak hi rawl nak in a biapi deuh lo maw(Mathai 6:25)
Cu ca ah ei awk din awk rumro kha ruah in lung rethei in um hlah u (Zei ca ah tiah hi thil hna hi cu vawlei mi nih ankawhawl tawn mi a si ko.(Luke 12:20)
Kan nun hi kan kawl thawngin a nung mi kan si lo.Na kawl lo mi thawng in kan nung hi philh hlah u sih. Cawk hau lo in Pathian sin in kan hmuh mi rawl oxygen hi kan dawp thinghnah nih a hung dawp kabundine oxide hi thinghnah nih a dawp thlithiang a chuah pi I kan dawp than.Cu nifate cawk hau lo in kan hmuh mi a si.Thlapa cung a kai mi hna nih hi Oxygen .65cent(USA) gallon pakhat a si I ni khat ah hin Gallon 150 kan herh ti a si.cu tik ah,.65x150= 97$ man a si.97x365=$35000,kum khat ca.35000x66=$2,310,000 ka kum 66 ah hin hi zat man ka dawp cang.A sin a in Phaisa pakhat hmanh in pek hau lo in ka nung.Lawmhnak biachim lawng hi kan rian a si ko
“A si na in Thiangthlarau nan cung ah a tlun tik ah cun thawn nak in nan khat lai”(lamkaltu 1:8) Thiangthlarau in khah kan thawnnak a si.A kan thawnter tu cu taksa rawl si lo in Thlarau rawl thawn nak kha a si.Cu rawl cu Pathian ta kan si nak hmual zong asi.Biacu Jesuh a si,jesuh cu thlarau a si.
Bawipa vancungmi cu a voihnih nak ara than I a tawngh i ‘Tho law ei tuah na khualtlawnnak lam cu na celh sual lai lo tiah a ti.Cun a tho a ei a din i cu rawl thazang cu nisawm li le zan sawmli(40) Pathian tlang Horeb lei ah cun a kal.(1Siangpahrang 19:7)
Ni 40 nih a langhter mi cu harnak kha a si.Harnak kan tawn tik ah taksa rawl kan ei mi nih teinak a kan pe kho lo.A si na in Pathian bia nih cun Zeibantuk harnak paoh a kan tei piak khawh dih.
Ngaihmanh u rul le tlangngaikuang hmanh lamhkhawh nak thawnnak le nan ralthawnnak tei khawh nak kan pek hna ca ah zei hmanh nih an ti kho hna lai lo.(Luka 10:19)
esuh nih cun,” Nunnak changreu cu kei mah hi ka si.ka sin ah a ra mi cu a ho hmanh an rawl a tamti lai lo I kei mah a ka zum mi cu a ho hmanh an ti a hal ti lai lo.(Johan 6:35)
Nifa te ei ding changreu cu Jesuh hi a si.Pathian sin ah nih fa te kan nun nak ca ah Pathian sin ah kan hal ding mi cu jesuh hi a si.
Jesuh nih a ti a hal mi poah cu,ka sin ah ra u law rak ding u.Ca thiang nih kei mah a ka zum mi poah cu an lung chung in tivanung a put lai a ti.(Jesuh nih a chim duh mi cu thlarau kha a si.(Johan 7:27-28)
Tihal le rawltam hi a khat mi a si.Vawlei lei in na ti hal tik ah Vawlei rawl a hmun lo mi tukan kawl chin Vawlei lei kan rawl a tam tik ah Jesuh sin ah kan kal ah cun rawltak tak cu kan hmuh lai.Vawi lei kan ti a hal tik ah Jesuh sin ah kan kal ah cun titak tak a kan pek.Jesuh hnu a zul mi hna kha taksa an rawl a tam tik ah rawl a pek hna a si na in taksa rawl ruang ah an kawl tik ah a sik hna.Taksa rawl hi chikhat te ca ah pei a si cu zungzal a hmun mi rawl pei ka ngeih cu cu rawl tu kha nifa te kan herh mi cu a si.Cu rawl cu kei mah hi ka si.tiah a ti hna.
Jesuh nih kei mah nih nifate ka rawl cu ka pa duh nak tuah hi ka rawl thaw bik a si a ti kha.
Cu ca ah nifate kan ei ding mi rawl Pathian sin ah kan hal ding mi cu Jesuh hi a si I a ngeicang mi nih an um pinak ah lawmh nak bia chim I a duh nak tuah peng ah cun vawlei ca ah na herh mi cu a mah nih a tuan lai,A ngei rih lo mi nih nifate na rawl cu Jesuh a si ca ah um I zungzal ding in iham law thlacam law,zei tik hmanh rawltam chambau nak ngeiti lo mi nun he hi vawlei nun hi nah man khawh lai.
Pumsa rawl a lak in a kan pek lawng si lo in thlarau rawl ca ah Jesuh a lak in a kan pek rih.
Bawipa nih thluachuah pek chin ko seh.A men.
Comments
Post a Comment