BAWIPA CAN PEK AH KAN KAL
Pathian nih zohkhenh ding ah a ka pekmi a turun ka zoh keimah ka zoh.Hi ti hin cun kumzeizat kan kal zong ah kan mah kel kan si lo hmanh ah Khrih dirh mi khirhfabu khrih cawmmi rawl in a thang mi cu kan si kho ti lai lo ti ka ruah.Cu ca ah keimah hi sersiam ka hau cang ti kha biatak te in thinphannak le thlau nak ka ngeih ca ah hi nak hin tuah ding mi cu Thlacamnak lawng si lo rawlulh nak in Pathian can pek ding biachah nak ka tuah hi a si.Chungkhar ah kan I ceih tik ah kan nu(My wife) nih kan zulh vel ai tiah a ka ti colh I ka lawm ngai ngai.
Khrifabu ah annual leave zarhkhat ka lak i an ka pek.30/01/2023 to 12/02/2023 tiang a si. Inn ah cun rawl ulh a har deuh ca ah Hmundang ah can lak hrim hrim ding in timh tuah nak kan ngei.ni hnih thum hmun hma ka kawl hnu ah kan inn pawng Discovery Holiday Parks ,Swan valley Caversham kha zarh khat zansarih ca ah booking ka tuah.Minung pahnih kan nu he zansarih ca ah $ 1216.85 a dih.
30.01.2023 Monday ah dinti tomthum tomkhat ah 24 a um mi ka fanu Esther nu nih $ 50 thlaici a tuh mi in kan cawk mi le kan thilri he kan um nak ding hmun Discovery holiday Park Room 233 ah check in kan tuah.
Kan phak ni in thlacam kan thawk colh ni khat tlamtling te in kan lim ca ah Pathian kan thangthat.Ni thumnak ah kan nu kha a celh ti lo a ruhkhua a fak pah.A si na in Pathian sin ah tette ca ah na sunparnak langhter ko tiah zangfah kan nawl I a thaizing zing ah cun dam te le piangpai ngai in a hungum i Pathian kan thangthat.A ni thum ni ka ha a tha ngai ko mi a hungfak ve I chunni tlak siarem lo in ka um.Pathian sin ah thla kan cam than.A thai zing zing ka lakpiak i hlawnh piak bantuk In a dam.Pathian kan thangthat.Rawl ei lo in kan um tik ah kan tha a dih can a um tawn.A si na in thla kan cam tik ah kan thawngthan leng mang.Kei mah lebang cu zingzan in walking ka tuah peng.Ka paw a hungzawr thluamah.Kei mah hi rawltam a ingkho lo ngai mi ka si ka rawl a tam ah hin thather a hmang ngai mi ka si na in ka thawng ngai ngai ca ah Pathian kan thangthat hring hran.Rawl ulh lawng si lo in face book le phone chawh biak vilate kan ulh chih dih .kan phone kan nu pa in zarh khat chung kan off.Bawipa lawng lnawg kan chawn.Zan sarih chung ah Pathian can kan pek nak ah ka hmuh mi hna cu.
1. Lawmhnak bia chim ka rak thiam lo mi tam tuk a ka hngalh ter ca ah ka lawm tuk.
2. A rian ka tuan ko bu ah Pathian he can lak lo in kumsau tak tak ka rak tuan mi ka palh nak le ka tlam tling lo nak tam tuk a ka hmuh ter.Pathian can pek lo in kei mah rian teimak in ka tuantik ah ka thazang ka hmnag nak le ka ruah nak ka chap mi a tam tuk ca ah ka riantuan hmual a ngeih lo kha a ka theih ter.Moses Sinai tlang ah Pathian nih ni 40 bia a ruah nawlbia pahra a pek kha a ka theih ter.kumkhat a tlawmbik voihnih tal cu hi bantuk in tuah awk a si zong a ka theih ter.
3. Pathian bia Baibal tampi a kan fianter I Baibal ka rel mi ah sermon pa 5 a ka pek.Ka lawm tuk.
4. Kafa le kong ah vawlei cung thil in ka ruah tawn mi ah hawi bantuk in khualeng chuah lo le pawcawmnak rian a tu tiang ah an ngeih lo mi hna ka ruah ah hin Australia ka rat tak mi hna hi khuaruat lo mihrut ka si ko maw ti hi a can can cu ka ruah tawn.Tutan ah chawva in cawk khawh lo mi vanro ka fa le an co hna kha a ka hmuh ter tik ah lawmh nak mitthli a tla.Thlaicituh tu lila thlaici a kan zunter tu Pathian thangthat in um ko seh.
5. Kan thlacam bik mi cu Pathian nih kan mah hmang in Khrifabu member dih lak luatnak an hmuh khawh nak hnga le Khrifabu member hna hmang in mi dang luat nak an hmuh khawh nak hnga a si bik.Na huham le na thlarau ka chung ah khumh law ka sining ah langh ter ko ti hi zangfah ka nawl mi cu a si.Pathian nih ral that nak a pek ca ah ka lawm tuk.
Zansarih chung rawlulh in Bawipa can pek in thlacam nak kan ngeih hnu ah 6/02/2023 zinglei 5:30am ah kan umnak camp chuah tak in kan inn lei panh in dam te in kan rak kir khawh ca ah Pathian kan thangthat.Zan sa rih chung ti dur 71 kan ding.
Bawipa kan i lawm tuk.
Comments
Post a Comment