THLAICI
9/02/2022
Jesuh nih thlaici cu “Pathian bia” a si ti.(Luka 8:11)Vawlei tha ah a tlami thlaici cu biakha lungtho te in athei i an lungchung ah aa cinken i a thei a tlaitiang in a zuam mi cu an si.(Luka 8;15)
Kanbai bal ah Jesuh le Pual nih thlaici kong an chim.Pathian bia thlaici kong a phun phun in an langh ter.Thlaici cu tuh a si nak ,rawlkung thlaici le belh thlai ci kong,Thlaici lak ah a hme bi antam ci a si hmanh an a kheu i a than ah cun vavialte nih bu an ser hna ti in a phun phun in an langhter mi hna kha pakhat hnu pa khat in kan zoh tuah lai.
Thlaici tuh a si tik ah pakhat lawng a si na in Thlaci tampi in a chuah ti cu kan hngalh dih mi a si.Cun thlaici tuh tik ah a tha deuh mi cu a kung a tha deuh i ci a ser tik ah a tha deuh mi ci a chuah ter kho ti zong kan theih dih mi a si.
Jesuh nih, “Pathian Pennak cu hi bantuk hi a si: Mipa pakhat nih thlaici kha a lo ah a tuh. Zan ah a it, zing ah a tho i rian a ṭuan i cu chung vialte ah khan thlaici cu an rak keuh i an rak ṭhang, sihmanhsehlaw zeitindah cuticun an si ti kha cu a hngal lo. Vawlei nih khan thlai kheu cu a ṭhanter hna i thei a tlaiter hna, a hmasa bik ah a hnah zimno tete kha an hung chuak, cun an hung vui i an hung zaa. Cun an hung hmin tikah ṭuan caan a cut cang caah a ṭuantupa nih a facang hlehnak fa-ah in a hleh hna,” tiah a ti.(Mark 4:26-29)
Kan theih peng mi cu Jesuh hi Judah mi sin ah vancungpen nak kong chim le fianter hi a tim i pennak chung ah an um a herh nak le an um khawhnak hnga thawngtha kha a chim ti hi a si.Hi ka zawn zong ah hin Vancung penak le Thlaici a tah chunh. Thlaici tuh ah cun a kheu hrim hrim a kheu lawng hmanh si lo in zei zong vialte a thang.Cu hnu theipar hmuh a si i a tuh tu pa nih a zun nak kong fiang te in a chim.
Kalati 6:7 ah “ Minih a tuhmi cu a zun ko lai” a ti bantuk in a tuh mi paoh cu thei par zun a si ko.Na zumhnak thlaici cu antam citia a si zong na tuh ah cun na zun hrim hrim lai.Nang mah na zun hmasa lai cun na chung khar an zun lai cun na khrifa bu le na pawngkam nih an zun lai.Na fanu na fa pa nih na thlaici tuh mi an zun cio ko nan zun cio ko lo maw.Thlarau lo ah a tuh mi cu thlarau theipar na fanu fa pa sin na hmuh hrim hrim lai na hmuh lo ah cun natuh mi thlaici cu thlaici tha rawl kung a si lo ca ah a tu hi a tlai rih lo ruahthan khawh can a si.Cun na chawva zong zumhnak in thlaici na tuh ah cun na zun hrim hrim lai.Thlarau ca ah na tuh ah cun thlarau na zun lai.Taksa ca ah na tuh ah cun taksa na zun lai i thih nak a si ko lai.Jesuh nih nih vawlei tha ah a tla mi thlaci theitlai cu let sawmthum in a cheu cu let sawmruk in a cheu cu letzakhat in” a ti.(mark 4:20)Vawlei tha maw na si vawlei chiah dah.
Thlaici cu an rak keuh i an rak ṭhang, sihmanhsehlaw zeitindah cuticun an si ti kha cu a hngal lo.Paul nih Thlaici a keuh i a thannak kong hi hi ti hin a chim.Kei nih a ci ka tuh.Apollo nih a kung kha ti a toih.Si hman seh law a thanter tu cu Pathian a si.(1 Kor 3:6)Pathian biatak thlaici a si ko ah cun Pathian bia in titoih a si tik ah a co hlang kho.Cu tik ah Pathian nih a mah duhnak le si ter a duh nak ah a thanter.Pathian sin in hmuh mi thlaici na tuh tik ah a zuldoitu cu Pathian a si.
Pathian Pennak cu zei he dah aa lo, kan ti lai? A sullam langhternak dingah zei tahchunhnak dah kan hman lai? Vawlei cung thlaici lak i a hme bikmi anṭam ci bantuk a si. Mi nih an i lak i vawlei ah an tuh; cun tlawmpal hnuah a hung ṭhang i thlaihring kung lak i a ngan bik ah a cang. A nge kha a ngan pipi an si caah vate kha an ra i a thladem ah bu kha an ser,” tiah a ti.(Mark 4:30-32)
Jesuh nih cun, “Nan zumhnak a zat lo caah .a si. Hihi va philh hlah u: Anṭam ci tiate hmanh zumhnak nan ngeih ahcun, hi tlang hi, ‘I thawn,’ ti u law aa thawn ko ,. Zei paohpaoh kha nan tuah khawh ko lai. Sihmanhsehlaw hi bantuk cu thlacamnak le rawl ulhnak lawng nih a ṭhawl khawh; zei dang nih cun a ṭhawl kho lo,” tiah a ti.(Matthai 17:20-21)
Thlaici cu tuh lo ah cun a kheu lo.Tuh ah cun a kheu hrim hrim fawn.A pakhat nak ah Pathian bia thlaici cu kan sin ah kan tuh a hau.na cawm a hau ,Thlaici tha a si kha na zumh a hau.Zei hmanh nih thlen khawh ti lo in fekte in na dirkamh lai.Cun Thlaici cu na zumhnak ca ah na hman lai.Jesuh nih tlangkhi I thawn tiah ti u” ati tik ah an tamci tiate na zumh nak kha hmang.Harnak kha zumhngamnak he paanh,nawlpek hmai ah kal nak ah na hman ah cun tlangpi thawnkhawh lo ding mi a thawn bantuk khin na nun chung ah thawn khawh lo mi na ngei lai lo i a zungzal in dawnkhan tu ngei lo a luat mi na si lai ti kha a kan cawn mi cu a si.Amen
Zumhnak hmet le a ngan cung ah si lo in thlaici tha a si a biapi bantuk in thlaicitha a si kha na theih i na zumh bantuk in na bochan i na tuh i na zumhnak le na ruah chan mi na focus an hruaitu ah na hmanh ah cun a kheu lawng si lo in thillian ngan tuah kho tu a si kha a lang lai.Jesuh nih a kan chim bantuk in zei tluk in a hmet zong kan hman a hau.Tlang thawn cu minung lei in a si kho lo na in na zumhnak nih cun a thawn lai tiah na zumh lai.Cu na zumh nak cu na hman ah cun a tling lai.A tling tik ah nan nun ah cu na zumhnak cu a thang i nang mah ca ah eikhim hna ngam nak an pek lawng si lo in vate nih bu an ser bantuk in midang ca ah cu na zumh nak theih par cu hnga ngam te in an i hrawm kho ve lai.
Cu ca ah kan zumhnak mi Pathian bia hi na nun nak chung tuh hrim hrim kheuter hrim hrim .Thlarau nih an fianter ah cun zumhnak thlaci hi chawva zong in tu khawh a si.Na ca zong ah a karh lai bantuk in na tuh nak hmu zong ah theipar a chuah ter hrim hrim la.Thlaici umtuning tuh mi poh an kheu i an thang bantuk in a zei poah a than ter lai.
Thlai kheu a thankha a hmuh na in zei tin dah a than ti kha lo ngeitu nih a theih lo bantuk in na zumh mi a ngei tu Pathian bia ngeih Pathian nih Paul nih a chim bantuk in athanter tu cu Pathian a si.Pathian nih a thanter mi thalikung a tha lo mi a um bal lo.
Jesuh nih tahchunhnak bia dang pakhat a chimh ṭhan hna. “Vancung Pennak cu a lo chung i thlaici ṭha a tuhmipa bantuk a si. Zan khat cu ral pakhat kha a ra i mi an i hngilh karah rawl ci lakah cun belh ci a vorh i lo diam in a kal. Rawl kung cu an hung ṭhang i rawl cu an hung vuih tikah belh zong cu an hung lang. Cu pa salle hna cu an ra i, ‘Bawipa, na lo chung i na tuhmi kha thlaici ṭha an si ṭung, khuazei in dah belh hi an rat kun?’ an ti. ‘Hi a tuahtu cu kan ral kha a si,’ tiah a leh hna. Annih nih, ‘Belh cu kan va bawt hna lai maw?’ tiah an hal. Anih nih, ‘Bot hlah, zeicahtiah belh nan bawhpah ah khan rawl kung zong kha nan bawh chih sual hna lai. Rawl kung le belh cu hmunkhat ah rawl ṭuan caan tiang ṭhang ṭi ko hna seh. Cun khi tikah rawl ṭuantu pawl cu ka thawh hna lai i: Belh kha bawt hmasa hna u law mei chung i paih awkah tom hna u; cun rawl kha ṭuan hna u law ka buk chungah rawn hna u, ka ti hna lai,’ a ti,” tiah a ti(Matthai 13:24-30)
Thlaici tuh tu hi a tuh khawh hnu in lodiam a hngilh.A venglo.A kil lo.A hngak lo.Pathian biatak cu luat nak a si.Biatak cu vawlei ah miding pakhat hmanh an um.misual kan si dih ti cu biatak a si.Cubiatak cu na zumh i na co hlang i na hman ah cun na luat lai.Zei in dah na luat, misual si nak chung in na luat lai.A si na in biatak tu si lo in nang mah cu miding ah na ruah i sualnak tuah lo phun in na hmuh i mi dang zong kha a tha hlei lo ti phun kha biatak a si lo ca ah na luat lai lo .Cu ca ah Thlaici cu biatak a si biatak cu na zumh i na ven a hau cu lo ah cun biatak lo kha zumlo tu (Satan) chung in a lut colh lai.A hngilh kar ah belh ci an vorh I lodiam a kal.Belh ci na sin ah alut le luh lo zong na hteih lo ca ah belh kung le rawl kung na nun ram ah na thlei dang kho ti lo.Bel kung a si ko mi kha rawlkung ah ruah i I than pi a fawi tuk ca ah cu nih cunThiangthlarau tha a der ter i Pathian sunpar nak kan sin in a lang kho ti lo.Kan thluak tamtuk kan chap ,zuamnak tam tuk kan chap sual teimak nak tam tu kan chap sual.Pathian hmun hma a tlawm ca ah kan mah lawng si lo in kan pawng kam vialte tha a der dih.
A theipar a langh hnu ah belh ci a si kha hngal a si.A poituk.Hi tleipar cu mei in khangh ding a si a ti .Mei in khangh ti mi cu zei hmanh lo a si.chim duh mi cu belh ci in a hung thang a kheu mi thil theih lo in kan rak tuan nak le teimak in kan tuan mi vialte cu pakpalawng a si ca ah a pam tuk. “Cun an sak mi cio cu zei dah a lawh tak tak ti kha khrih ni nih a langhter te hna lai.Zei ca ah tiah cu ni ah cun mei nih cun an riantuan mi kha a hneksak cio hna lai i zei dah an lawh tak tak ti cu mei nih cun a langhter lai.(1 Kor 3:13)Kan rawl kung a si mi Pathian biatak thlaici na nun ah a than nak lai tuh law zoh khenh law a theipar hna cu dotla mi Pathian sunparnak a langhter tu theipar an si lai tik ah na nun an ser lai i na chung khar aser lai i napawngkam a ser lai i vate nihhna ngamte in bu an ser bantuk in mivialte cu zumhnak biatak thlaici thei par ah cun hna ngam te in khua an sa lai.Amen
Comments
Post a Comment