Zumtu hna kan pa
(Matthai 23:7-10)
31/02.2023 Discovery Parks.91 Benera Road,Caversham
Room 233 (5:15pm)
Cun Vawlei cung ah hin a ho hmanh “ ka pa” tiah va ti hlah u,Zei ca ah tiah pa cu pakhat lawng lawng nan ngeih i a mah cu van cung khua ah a um mi a si.(Matthai 23:9)Jesuh cawnpiak nak ah biapi deuh ah ka char duh mi cu Kapa tiah ka i auh mi nak in pa bochan nak lungput kha a chimh duh mi a si lai tiah ka ruah.Pathian zong hi ka pa tiah kan auh bantuk in an kan hringtu zong hi ka pa tiah kan auh.kan bochan nak a lo ti nak a si.A si na in Jesuh nih Farasi mi hna le Cawnpiaktu hna kha ka pa tiah auh hlah u a ti duh nak cu Cawnpiaktu hna le Phungbia tlinh a zuam mi Farasi hna hi pa ti ding tlak in bochan awk an si lo.Pathian tu hi “ka pa”ti in bochan tlak a si.Pa pakhat lawng nan I ngei I cu Vancung ah a um mi kha a si ,a chim hnawh chan duh mi cu Pathian kha a si.
Pathian kha ka Pa tiah kan auh khawh nak Kan baibal nih a kan cawnpiak mi in zoh tuah hna u sih.
Thiangthlarau nih a hruai mi hna cu Pathian fa le an si.Pathian nih an pek mi hna Thlarau cu sal ah an can ter tu hna ding thlarau a si lo.ther leng mang le phangleng mang in nanrak nun ning ah an kalpi thantu hna ding zong a si fawn lo.Pathian fa ah a kan sertu dingtu kha a si i a mah nih cu Pathian kha “ka Pa Ka pa”tiah a kan auh ter khawh.Cu ti kan auh ah cun Pathian thlarau le kan thlarau cu hmun khat ah an I fon i Pathian fa kan si kha tehte an khan.Fa kan si ah cun roco tu zong kan si colh.(Rom 8:14-16)
Pa le fa a kan pehtlaiter tu thile sa in sernak chung in kan chuah nak hi a si.Thikhat sakhat kan si nak a si.Cu ca ah pale fa u nau na si tak tak tak lo hngal nak ah DNA check bik mi cu thi kha a si.Minung a si mi poah cu nu le pa um ti nak lo in a chuak mi a ho hmanh kan um lo.Cu hmanh ah cun nu le pa um ti nak lawng in fa a cuang kho.Nu le va um ti nakan I fonh hnu ah minung a cuang.Cu ca ah an hrin mi an fa cu nu thi a tel bantuk pa thi zong a tel ca ah fa le nih ka nu ka pa tiah kan auh.Ka pa tiah kan auh nak chan cu an kan hringtu a kanngei tu ti nak a si.Ka pa kan ti nak nih a va huap mi cu thih nak nun nak zei zong vialte tuanvo a ka lak tu tiah kan bochan nak a langhter tu zong a si fawn.
Kan pa tiah kan auh tik ah inn chungkhar khat kan si nak le ka pa ngeih mi vialte kan ta a si ti langhter tu zong a si fawn.Ka pa ngeih mi vilate cu kan ta a si ro vialte a co tu zong kan si fawn.Johan nih a chimbantuk kha a si.Jesuh nih Nikadimu sin ah a chim kha kan theih cio bantuk in,Pumsa lei in ti ah cun micu a nu le a pa sin in a chuak mi a si.(Johan 3:6)Cu ca ah nu le pa sin in kan co mi cu pumsa ro a si.Nu le pa he kan pehtalih nak cu pumsa thile sa in a si. A si na in kan i pehtlaih nak thawng in kan hmuh le ro le kan co mi cu zungzal ca si lo.Cu ca ah Vawlei a kan hring tu kan pa cu vawlei pa lawng a si .Zungzal nun tiang a kan co ter khawh mi pa an si lo ca ah zungzal nun nak ca tiang in bochan awk mi pa cu an si lo.
Vawilei pa le Van pa he an kemh kho tu,a kemh tu pa cu Vancung ah a um mi Pathian hi a si.Cu kan pa cu vawlei kan pa le kan nu an umti hnu hrin mi kan si hnu ah fa kan si pa le nu ti kan ti khawh bantuk in Pathian cu kan pa tiah kan ti khawh nak cu Jesuh nih “Si hmanh seh law Thlarau in hrin si awk ah cun Thlarau in a chuak mi a si awk a si.(Johan 3:6)a ti nak hi a si.Thlarau in hrin lo mi hna vailte cu Pathian kha ka pa an ti kho lo ti nak a si.Paul nih Pathian kha ka pe tiah a kan auh ter kho tu hi Thiangthlau a si ti in a tawnmi le a co cia mi chung in fiang tak tak in a chim ve.Thi le sa in kan i pehtlaih ruang ah ka nu le ka pa tiah kan auh khawh .ka mui chiat nak ,ka sualnak,ka palh nak ka zia chiatnak nih ka nu le ka pa ka ti nak kan si nak a hrawh kho lo.Ka pa nih a ka dawt lo zong ah ka nu a zia a chiat tuk zong ah nu kan ti nak le ka pa kan ti nak a hrawh kho lo.A ruang cu thi le sa pehtlaih nak ruang ah a si.
Jesuh nih NiNikodimu sin ah fiangte in a chim cang.taksa nu le pa he kan pehtlaih nak cu Thi le sa in a si.Cu bantuk in Pathian he pehtlaih in Pathian cu ka pa tiah kan ti khawh nak cu Thiangthlarau pehtlaih nak ruang ah si.Hi ka zawn ah Jesuh nih Nicodimu sin fak ngai ina chim nak a ruang cu Paul nih a chim ban tuk in “Ka u le ka nau hna kan chimh duh mi cu hi hi a si thi le sa ni cun Pathian pen nak cu a co kho lai lo, cun a thi kho mi hin thih khawh lo nak cu a co kho lai lo”(1 kor 15:50)kan nih cu cu thi le sa in hrin mi kan si ca ah Pathian pennak co kho ding in hrin cchih kan si lo ca ahThiangthlarau in hrin than kan herh nak cu a si.
Thi le sa in a pehtlaih nak a ngei mi taksa le kan pa kha Ka pa tiah kan auh tik ah roco tu kan si kha a langhter bantuk in le ka pa ngeih mi vialte kan ta si dih ti zong a rak telchih cia bantuk in Pathian Kha Kapa Kapa tiah kan auh ah cun Pathian thlarau le kan thlarau cu hmun khat ah an i fon i Pathian fa kan si kha tehte an khan.Fa kan si ah cun roco tu zong kan si colh.(Rom 8:14-16)a sullam cu taksa pa le fa a kan fonh tu cu thi le sa a si bantuk in Pathian he a kan fonh tu cu Thiangthlarau kha a si.Pathian le kan nih cu Thiangthlarau nih pum khat a kan si ter bak ah fa nih pa roco phung hrimhrim a si bantuk in roco tu kan si colh i pa ngeih mi vialte cu chungkhar ah Automatic in kan ta a si .Kha na ta a si khawh nak kha na tuah nak thawng in a si lo na zuam nak thawng zong in a si lo nan i pehtlaih nak nih kha ka vialte kha a ciasa in a si ter dih mi a si.Cu bantuk in Pathian kha ka pa tiah Thiangthlarau thawng kan auh bak kha a ngeih mi vilate hi kan ta a si dih ti kha kan hngalh colh ve.Kan mah kan I zuam thawng in a si lo.Na that tuk ruang zong ah a si lo.Na din nak ruang zong ah a si lo.Khrih thawng in Pathian zangfah nak ruang zumhnak thawng in khamh kan si bak khan hi vilate hi Automatic kan ta a n si dih ve.Cu ca ah chambau nak herh baunak ngeih lo in pek cia kan si dih cang nak khan Paul nih Khrih chung ah nan nun nak khan I lawm I I lawm zungal cang u, a kan ti nak cu a si.
Cu ca ah Vawlei kan pa nak in Vancung kan pa bochan hi a tling deuh mi bochan nak a si.Bawi kha I bochan hna hlah u ,nan mah an khamh kho tung hna lomi kha I bochan hna hlah u,an thih tik ah lei dip ah an kir ko.Cu ni ah cun an khuakhannak vailte cu a dong fawn ko.(Salm 146:3)
Cu ca ah Jesuh nih Vawlei cung ah hin a ho hmanh “ ka pa” tiah va ti hlah u,Zei ca ah tiah pa cu pakhat lawng lawng nan ngeih i a mah cu van cung khua ah a um mi a si.(Matthai 23:9)Van cung kanpa laawng hi van ca he vawlei ca ah bochan tlak mi ka pa tiah auh tlak mi cu a si.Chungkhar nu le pa zong nih Pathian kan pa kha kanpa tiah bochan hna u sih law kan fa le kan rocotu hna zong hi vanro le vawlei ro an kan pekho tu kan Pathian tu hi Kapa kapa tiah bochan awk a si tiah cawn piak chin hna u sih.Zei ca ah tiah minung I bochan nak in Pathian i bochan a tha deuh bawi i bochan nak in Pathian bochan cu a tha deuh.
Bawipa nih thluachuah pek ko seh.Kan zapi dir hla kan sa hna lai.
A si ka zumh mika hngal cang.Pa fa thiangthlarau ti mi hla sak ding.
Comments
Post a Comment