PETER TICUNG AH A KAL
Matthai 14:22-32
1. Lawng cu rili ah khan hlatnawn a phan cang I thli kha hmaitonh in a hran ca ah tilet nih khan a hlawh len ko.(24)
Zumtu hna nun ahlungawtom nak a chuah ter tawn tu hi hmaitawnh in a kan tuforh tu seitan riantuan nak a thlei dan awk a har mi thil hi an si tawn.Kan tha a der tuk lio hna ,chambaunak kan ngeih lio hna,kan rum lio hna hi tukforh nak kan rak fawi tuk lio a si.Seitan nih can tha a lak duh ngai.Kan theih lo sual tik ah kan zumhnak in kan pial i kan pum rei thei i kan nun rei a thei,sivang in kan um,thinphan nak le hnangam lo nak le lawm nak nih a kan kal tak tawn.Kan nun an hnin vet awn ti nak a si.Cu ca ah Thlarau mit in zeitik can poah ah lungfim tein khuahmuh khawh kan i zuam peng a herhnak cu a si.
2. Jesuh cu an sin lei ah cun a ke in ti cung cun a ra.A zultu nih ti cung i a ke in a kal kha an hmuh tik ah an lau ngai ngai.”Mithla a si” tiah an ti.
Jesuh ti cung ah kal hi Pathian ca ah khua ruah har a si lo na in kan nih ca ah cun khuaruah har lo awk a tha lo.Zei ca ah minung nih kan hmuh khawh tawk kan ruah khawh tawk thilsining he a ral kah mi a si.Pathian cu zei zong vialte sertu a si bantuk in zei zong vialte cung ah nawl ngeitu a si.Zei zong vilate cung ah a si nak a langhter.Hi hi minung ca ah cun a si kho lo,sihmanhehlaw Pathian ca ah cun zeizong vialte hi a si kho ko.”(Matt 19:26)Cu ca ah kan zumh i kan zulh i kan bochan.Minung tuah khawh mi chung lawng bochan cu bochan a si lo.Kan mah nak in a thilti khawhnak a ngei mi kan minung hawi zong bochan khawh a si i kan bochan khawh hna i an tuah khawh tak tak ve.A si na in Pathian thil ti khawh nak cu kan hmuh rih lo mi ,Minung fimnak le ruah nak lonh in thil ti khawh nak nawl ngeitu a si nak kha kan zumh tak tak i kan bochan nak cu bochan tak tak tak a si.Keimah Australia Permanent Resident ka hmuh hi minung lei kap tuah khawh mi le bochan khawh mi cung ah hung cang mi a si lo.Australia upadi nih a ri khiah mi pakhat hmanh katlinh kho lo.Cu ca ah a sawk in kan sawk kho lo.Phaisa zong kan liam lo.A si na in zarh hnih chung ah Immigration Minister (2022) Alex Hawki hmang in kan nu pa in pek kan si.A kan pek mi PR hi hawicio bantuk PR bak kha a si a ho hmanh nih elkhawh mi a si lo.A si na in kan hmuh ning cu minung tuahkhawh lo mi pin lei ah a si ca ah Jesuh ticung kal tluk in zumh a har tak tak.A si na in Pathian ca ah a si kho lo mi a um lo ti kan zumh nak hi minung tuah khawh mi ruah khawh mi ri lonh zumh nak kha a si(Amen)Mithla ah an ruah hi an mawh lo.An hmuh bal lo mi a si ca ah a si.A si kel lo mi micung ah thil a cang mi a si,na hmuh ve tik ah mithla ah rel hlah Jesuh nih keimah ka si ko a ti ca ah Jesuh a si ko ti kha zumh ko.
3. Peter cu lawngcun a vungtum i ticung ah cun a ke in Jesuh lei ah cun a kal.(29)
Kan mah kan i zoh kan pawng kam kan zoh thilsitawn ning zoh poah ah cun kan ca ah a si kho mi a tluang ding mi kha a um lo.Perter cu siaremtein a thutnak lawng cun a tum i ticung ah a kal bantuk in nang mah na zoh nak chungkhan levawlei thilsining zoh nak chung khan na tum i Jesuh lei ah na kal a hau.Jesuh lei ah Peter a kal bantuk in Jesuh zong Peter lei ah a ra cuah mah ve.zumhtlak na Pathian a thlti khawhnak zumhbu bochan bu in a mah lei ah kan kalcuah mah awk a si.
Jesuh lei ah zumhnak in a kal.
Jesuh lei ah ruahchan nak he a kal
Jesuh lei ah ralthat nak he a kal.
Pawngkam thil ruah lo in Jesuh lei ah a kal.
Zei ca ah tiah Jesuh zong a mah lei tawn ding in a ra cuahmah ve.Jesuh nalei ah a ra cuah mah ve.Peter zong ti cung ah cun a kal kho tak tak.Vawlei cung thilhna hi a thleng peng mi a si bantuk in 2023 zong hi na ruahchan mi nak in a tha deuh hlei lai lo.A si na in Jesuh lei ah na kal ah cun Na kal kho hrim hrim lai.
4. Sihmanhsehlaw thlitu a fah zia kha a vun hmuh tikah a thin a phang i ti chungah cun a pil cuahmah i, “Bawipa, ka khamh tuah,” tiah a au. Hmakhatte ah Jesuh nih a hei banh i a tlaih i, “Na zumhnak a va hme hringhran dah! Zeicahdah lungawṭawm in na um?” tiah a ti.(30)Pawngkam na zoh sual i a thukbik mi muihnak chung ah na kal sual zong ah Jesuh auh khaphilh hrim hrim.na auh tik poah ah zeibantuk hmun poah ah ,zeibantuk can poah a kut in an tlaih colh lai i an khamh colh lai.Nang mah le kei bawmh ding timh cia in a um zungzal tu kan Pathian a min thangthat in um ko seh.Amen
5. An pahnih in lawng chungah cun an lut i thlitu kha a dai.(32) Pathian cu kan i dornak le kan thazang a si,harnak caan ah a kan bawm zungzaltu a si. Cucaah cun vawlei cu i hnin in tlang cu rili chungah tla hna hmanh seh law ka thin a phang lai lo;rili tilet cu tho in awn hmanh seh,tlang zong i hnin dih hnahmanh seh lawka thin a phang lai lo.(Salm 46:1-3)Hlaphuah tu nih cun Rili a huk I tilet tho hmanh seh nang he ka zuang lai tilet chung ah , a ti.Peter a mah lawng lawngchung ah a um lio ah cun tilet a tho I lawng cu a hnin a si na in Jesuh he an lut ti tik ah cun tilet cu a dai i lawng zong a hnih nak in dai te in a um ve.Jesuh he kan i then lo ah cun harnak tawn ti mi a um kho lo.Bawipa min thangthat in um ko seh.Amen
Comments
Post a Comment