MI LUAT KAN SI.
“Bawipa Thlarau cu ka cungah a um.Sifakmi hna sin i Thawngṭha chim awkah chiti a ka thuh I Saltangmi hna sin i luatnak thanh awkah a ka thlah.Mitcaw mi hna sin i khuahmuh ṭhannak pek awk le Hremmi hna luatter dingah a ka thlah,(Luka 4:18)
1. Sifah nak hi nunluat lo ding in dawntu a si.Seitan nih zumtu hna sifah ruang ah thinphan thlalau le reitheih um hi hriamnam ah a hman mi a si.kan Pathian cu zei zong vialte ngeitu kan ca ah sianlo ngeilo kan Pathian kan sin ah a um ca ah sifak kan si lo.Abraham nih “Pathian nih a khan te ko lai” a ti mi zumhnak ngamnak nih sifahnak chung in a kan luat ter.(Genisis 22:8)
2. Saltan nak kong :Kan i chuahpi mi rosualnak sal kan tang hna.Sualsal si nak chung in Jesuh nih a kan tlanh ca ah a mah thawng in kan luat.Jesuh thih nak le thawhthan nak a hrawmmi a zumi vialte sualnak sal chung in kan luat.Mi luat kan si.(Johna 8:34)
3. Mitcaw : Thlarau mit caw kha a chim duh mi a si.Johan chung Jesuh cawnpiak nak ah kan hmuhmi cu chuahka mit caw a dam ter nak le Thlarau in chuahka mit caw kan si nak a kan cawn piak.Taksa mitcaw cu cawmchawm le halchawm in chambau nak lawng te in an khat bantuk in Thlarau mitcaw zong Pathian thluachuah le a kan dawtnak a hmuh khawh lo ca ah herh baunak lawngte in khat a si.A si na in Thlarau khuahmuh nun cu thangthat nun in khat a si.Thlarau mitcaw mi hna cu harnak saltan mi kan si Thlarau mitkhua hmu nun cu aluat mi kan si.
4. Hremmi:Jesuh cu Luatter tu a si i,Seitan cu a kan hremtu a si.Khrih thawng in luatnak a hmuh lo mi hna cu seitan nih mahnun hrem nun in a nun ter mi hna nun kha a si.Mark 5:1 Gerasa ram i khuavang nih a tuah mi pa kha thircikcin a khih tu kha Seitan a si i mah le mah fahnak a pek ter tu hrem nak a in ter tu kha Seitan a si.Mipa cu Jesuh nih Seitan hremnak chung in luatnak a pek hnu ah nunthar a thawk i a nun nak cu luat nak a hmuh ca ah Pathian surparnak ah a hman.
Jesuh tuforh nak chung in a luat.
1. Jesuh tuforh in nak Mathai 4:2 ah cun “Nangmah cu Pathian fapa na si ah cun hi lung hi changreu ah can ter hna ngat”Pathian nih ka dawt mi ka fapa a si ti mi hi a fehter cang mi a si.Adawt mi fa pa si nak hi zei hmanh nih a hrawh khawh lo .A fa pa si nak cu a hmun zungzal mi a si.seitan nih Jesuh kha lungawtawmnak lung a pek pin ah Seitanbia in ngaih in lungkha changhreu canter kha seitan nih a fial mi a si.Jesuh nih a tuah lo.Zei ca ah tiah seitan hmai ah Pathian fapa sinak langhter hau lo in Pathian fapa a si nak a pa biabang in a fek zungzal i khuaruah har tuah nak in fapa sinak langhter nak in Pathian fapa sinak zumhzal tu kha a bia pi deuh nak langhter nak nih tuforh nak chung in luatnak a si.
2. Seitan nih Jesuh kha Biakinn parpahlek ah khan a chiah.Cun a thawh i “nang mah cu Pathian fapa na si ah cun,Vawlei ah khan vungzuangtuah,” (5-6)Biak inn cu zapi tawnnak a si zapi nih khuaruah har a tuah ruang ah thangthat nak hmuh nak in seitan bia ngaih ding kha a tinh mi a si.A si na in Seitan nawlngaih nak in a mah Pathian bia chung ah fehte in dir i a pa nih a fial mi lawng tuah ding kha a thim deuh ca ah seitan tulforhnak chung in a luat i a pa tukha a lung a lawmh ter.
Har nak kan tawn nak hi temtawnnak chung kan luat nak hnga Pathian nih a hman tawn hna.Pathian nih hin, amah a dawmi hna caah le amah nih aa tinhmi ningin a kawhmi hna caah cun, zeizong vialte hi a ṭha lei ah a serpiak ko hna ti kha kan hngalh(Rom 8:28)Pathian fa han cu harnak kan awntik ah Pathian kawhnak a si kha kan hngalh i kan zumh ca ah kan ca ah har nak a um kho lo.A mah Pathian kawhnak cung tu ah khan thangthatnak le lawmhnak a kan khah ter tu a si leh lam.Zei tik hmanh ah harnak temtawnak ngeih lo a luat mi kan si zungzal.
Luatnak taktak a hmuh mi hna cu Paul nih a chim ban tuk in Khuazei ka hmanh ,zeitik can poah ah lung site in um ding kha ka thiamcang.(filipi 4:12)cubantuk nun a ngei mi cu Luatnak nun kan ti mi le a luat mi hna kan ti mi cu a si.
Pathian cu zeizong vialte Pathian a si bantuk in kan ca ah kan zei zong a asi.Jesuh ah cun a tling dih.Jesuh ah luatnak a hmuh mi vialte hna cu chambau nak a um bal lo mi nun luat an hmuh i an rian cu haltu si ti lo in Thangthat lengmang nun a ngei mi ,luatnun a ngei mi an si.Bawipa min thang that in um ko seh.Amen
Comments
Post a Comment