PA THIAN KAN SIN AH A RA
25.12.2022
Cu ti cun Pathiannih vawlei hi a dawt hringhran ca ah a fapa ngeihchunh te(only begotten son” kha a pek,Cu ca ah a mah a zummi poah cu an thi lai lo.Zungzal nun nak an ngei lai.(John 3:16)
Vawlei nih a langhter mi cu sualnak in a khat mi hmun dinank pakhat hmanh a um lo nak kha a si.Pathian nih sualnak kha a dawt a si lo.Sualnak chung ah a thicang mi a chuakkho ti lo mi luat khawh ter kho tu le zeitik hmanh luat nak ah ruahchannak a ngeiti lo mi minung hna kha a dawt.
Hi ka zawn ah Dawtmi hna pahnih sining a khat lo mi khat ter kotu cu Pathian dawtnak a si sualnak in a khat mi vawlei le Sualnak pakhat hmanh a tuah lo mi a fa dawtnak a tluk in dawtnak a ngeitu Pathian a si.Pathian nih Jesuh cu “ka dawttuk mi kafa pa a si”This is my beloved son”(Matthai 3:17,17:5)Jesuh cu a tu in a zung zal Pathian dawt mi fa a si zungzal Mi tha ca ah cun thih ngamh zong an um phung hnga na in a ding mi ca ah thih cu a har mi thil a si.A si na in Pathian nih cun zei tluk dah a kan dawt cu hi ti hin a langhter.(Rom 5:7)Mi ding ca ah thih ngamh a si hnga hna na in mi sual ca ah thih ngamh cu a har mi a si.
Pathian nih minung hi zei tluk in dah a kan dawt ti ah cun
Nule pa nih fa le kan dawtbantuk in a kan dawt.
Fapa tlau pa a kan tahchunh a fapa a dawt tuk.A hal mi a pek a pa sin in kir than tilo ding in a chuak.A si na in hringtu a pa nih a fapa cung ah a dawtnak a zawr lo.A zawr lo lawng si lo in a kir than lai a thinlung dih lak dawtnak he a hngak peng. Pathian sin kan zam hna lio zong ah pathian nih cun hungchuak fa kan dawt bantuk hin a kan dawt zung zal.“Keimah cu nan pa ka si lai i nannih cu ka fapale le ka fanule nan si lai, tiah Bawipa Lianngan Bik nih a ti,” tiah a ti.”(2 Kor 6:18)
Hawikom bantuk in a kan dawt,
“Nannih cu sinum kan ti ti hna lo, zeicahtiah sinum nih cun a bawipa tuahmi kha a hngal lo. Sihmanhsehlaw ka Pa sinin ka theihmi vialte kha kan chimh dih hna caah, ka hawile, ti tu ah kan ti cang hna.”(Johan 15:15)Kan hawile cung ah biathlithup a um lo bantuk in Pathian le kan kar lak ah bia thup le thieh har mi um lo in bi a akn rauh I an kachim dih cu Pathian nih u nau bantuk le hawikom bantuk in a kan dawt.
Nu le va dawtin a kan dawt
Atu cu kei cu na sinah ka ra cang lai; vawlei ah hin ka um ti lai lo; sihmanhsehlaw annih cu an um rih lai. A Thiangmi ka Pa, nangmah le keimah cu pakhat kan si bantuk hin pakhat an si khawh ve nakhnga, na ka pekmi hna cu na min ṭhawnnak in huppheng ko hna. (Johan 17:11)Jesuh he pumkhat a kan sit er I a pum a dawtbantuk in a kan dawt.Kan nih cu ham cia mi mo kan si.Khrih thisen thawng in zei hmanh nih then khawh lo in pum khat kan sicang. “lawm u si law i nuam u sih; a lianngannak cu thangṭhat u sih! Zeicahtiah Tuufa nupi ṭhit caan cu a phan cang i a ṭhit laimi ngaknu cu aa tim cang. Aa thuamhnak dingah, puan hmang ṭhia a thiang i a cer in a cermi kha pek a si cang,” an ti.”(Biathlam 19:7-9)
Pathian fale hna,a turun hna hitluk in an dawtu hi ziah vawlei ah dawtu dang na kawl rih.Ziah dawtu nu le pa na kawl rih chan.Tawnkhawhnak can cohlan ding mi can hi n akum zat khan a kan dawtu kan pa nih an hngah peng ko.Zei nih dah an dawn rih.
Jesuh he tawn ding in can tha an ngeih ko na in a tawnglo mi Herod a pawrhlawtnak nih an dawnh.A mah nak in a ngan deuh mi an um kho lo tilung put nih jesuh a tawn ter lo.phungbia cawnpiak tu hna,Jesuh a chuah nak hmun an theih ,an rel khawh a si na in Jesuh an tawng lo.Chimnak le theih ko tinak le ka hngalh ko zong ah jesuh tawn lo khawh a si.Bethlehem khua hotel ngeitu hna Chawva lawng an ruat ca ah jesuh an tlolh an tawng kho thiam thiam lo.Arfi thiam hna a arfi an zulh ca ah Jesuh an hmuh.Tu khal hna hi vancungbia bang in an zumh ca ah Jesuh an va tawn ve.Mary le Joseph hi Vancungmi bia in Jesuh an himter an hrin ve.nang zei bantuk dir hmun ah dah na dir hnga.
Jesuh zumh cu thih nak chung in luatnak a si.lawmhnak hnangamnak tling thluachuah kan ti mi hna hi Jesuh chung lawng in a chuak mi a si.Lawmhnak sang bik hna ngam nak bik cu Pathian sin lawng in a ra mi a si.Kawl zong ah na hmuh bal lai lo.kan sin ah a um ko mi kan pawng a um ko mi an chim leng mang ko mi an phuan leng mang ko mi ziah kan hmuh khawh lo.Zei nih dah a kan dawnh Pathian nih a kan sia herh,kei zong nih kan sia kan herh tuk ve hna.
Mitcaw kan ti mi hi anpum chung zei hmanh a rawk lo.An mit lawng a caw.A rawk mi cu a mit kha a si I mit nih hmuh ruang ah a chuahpi khawh mi a pum cung rian a tuan lo.Cu ca ah mit a hmu kho lo mi hna ca ah siang inn an tuah I sign ti mi in mit hmuh khawh nak ruang ah pum ca ah thil a ti khawh nak kha lam dang an kawl piak ca ah mit a hmu mi bantuk bak in degree zong an hmuh khawh na hi a si.
Cu bantuk in thlarau lei mi caw kan ti mi cu thlarau mi nih Pathian dawt nak ruang ah thil a hmuh khawh nak mit kha a si I cu a hmuh khawh mi nih cun thiangthlarau nih a chuahpi mi lawmhnak Pathian duh nak le a thangthat nak a chuah ter i palh nak zong a hmuh I a tlamtling lo nak zong a hmuh tik ah Pathian dawt nak a thuk zia a thei ter chin leng mang I Pathian lo in um ngam lo nak a chuah ter . A si na in cu hmuhkhawh nak thlarau micaw a si mi hna nih cu Thlarau chungchuak lawmhnak hna ngam nak Pathian duh nak theih khawh nak thlarau in mah I hmuh nak hna kha an thei ti lo.An ca ah a thi ve.
Seitan nih Jesuh a tukforh lio ah khan mit in hmuh khawh mi vialte kha kan pek lai a ti.Seitan nih cun vawlei sunparnak kha a mah lawng nih a theih rua tiah a ruah.A sina in Jesuh cu Pathian nih a dawttuk mi fa a si kha a hngalh cang bantuk in vawlei cung I a hmuh ter mi vialte kha an chimh hlan ah khan a rak thieh cia cang.Ka pa ngeih mi cu ka ta a si kha theih cang.Seitan a hmuh ter ruang ah a hmuh a si lo in a hlan te in a hmuh cia cang cang.
Pathian nih zei zong vialte hi pek cia kan si ti mi hi hmuh cia kan si lo ca ah hmuh kan duh I co kan duh tuk nak nih thil a zat ti hi kan ngei kho lo nak ahi a si.
Chambau in kan um peng.A cham bau bal lo mi kan si.Jesuh nih a leh mi cu Pathian dah ti lo ah cun a ho hmnah bia hla u a ti.seitan nak in a Pathian a angan deuh kha a theih cang a nawl ngaih nak ding a um lo ti kha Jesuh nih a theih tuk.Ca ah Seitan nih a kal tak.Seitan duh nak kha kan tuah peng ca ah seitan nih kal tak si lo in Pathian tu nih a kan kal tak .seitan nih um pi mi duh nak tlinter ti a nung tuk bantuk in Pathian nih kaltak mi si zong tih a nung tuk.Kan nih cun kan theih ko tiah kan ti kan pial lio ah nan nun rei theih chin leng mang a theih tun ang mah na si.Luatnak nak na hmuh lo I temtawn chin leng mang a si a thei tu cu na thei ko.Miak chin leng mang in um si ti lo in sungchin leng mang nun ka si ti a theih tu cu nang mah lila na si ko.
Fapa tlau pa si lo in a pa sin ah a um pa kha a pa nih zei ti dah a ti kha, “ ka fa pa nang cu inn ah a zugzal in na um I ka ngeih mi vialte cu na ta an si dih”.(Luke 15:32)A poi mi cu inn ah a um a fa pa nih kapa ngieh mi vialte ka ta a si ti ha a thei lo mi kha a si.
Eden dum ah minu le mipa cu Pathian nih a lentawn nak hna.Adam sin ah a kal ,Eve kha a sin ah a rat pi an um ti leng mang.A si na in Seitan nih a hlen hnu ah voikhat cu an sin ah a kal than.A si na in an rak I thup.I thup ti nak cu Pathian hmuh lo nak ah I thup kha a si.An nun a thup an zia a thup an thinlung a thup,hmuh khawh nak theih khawh nak vialte a thup.Ni hin ah Pathian sin in a thup mi na si ve sualmaw.Ziah Pathian nih len an duh ah na zam leng mang.Ziah ningzah in na um,ziah thintawiin na um ziah na si fah na theih,ziah san tlai lo ka si na ti,ziah na kawl leng mang I na hmuh hlei tung lo.Ziah a kawl lo mi kan I nuam tung.Nang mah nak in kan I nuam deuh tung.Kan dam deuh tung,sual a phawt nak a si lo a dawttuk hna ca ah ziah mah ti hin nan um tiah an vuti hna bak ah an mah tlamtling lo nak a I hmuh lo in nu nih apa a maw chiat colh.Pa zong nih a pheh.Kha Pathian bia nih na tlamtling lo nak an chimtik ah ziah na thin a hun ,ziah lam hlah ah na tlik chin leng mang.
Cu hnu ah cun Pathian an sin ah a kal ti lo.mi dang a thlah cang hna ,mi a hman cang hna.Chan tam pi chung.A si na in a tu ah ah cun Eden dum a len hna i an sin ah a kal bantuk in kan sin a ra than.Vawi lei ah a rung tum cang.Cu ca ah a min cu Emmanuel ti a si.A sullam zei dah a si.Bawipa kan sin ah a um ti nak a si. “ Zei ca ah tiah Pathian nih a fapa cu vawleicung ah hin vawleibia ceih tu si awk ah run thlah tung lo vawlei khamh tu si awk ah pei a run thlah cu.(John 3:17)
Pathian cu kan sin a mah hrimhrim a ra than.A kan um pi Profet in a si ti lo,khuaruah har tuah nak le zong in a mah theih khawh nak in si lo.A mah hrim hrim a ra I a kan um pi.Christmas kan ti leng mang nak hi hi Pathian kan sin a ra I a kan um pi nak lawmhnak ni a si.Ni hin ah hin na lawmh kho ve maw.An um pi hi tah na theih maw.Joseph nih nih Jesuh a him nak hnga arawh ral lo nak hnga hmun kip a Zam pi a him ter.Jesuh hin na chung ah a him maw .Thiangthla rau in na nun an hruai awk a si.Emmanuel Bawipa kan sin ah a um.Pathian nih thluachuah pek hram seh.Amen
Comments
Post a Comment