KUMTHAR(2023)
Tharnak kan ti mi vilate hi a hlun colh lengmang mi hi an si ko.A si na in Jesuhkhrih he pehtlaih nak chung ah tharnak belte cu a hlun cang ti um lo lawng si lo in tharhmasa lio nak in Tharnak thar he thar chin leng mang a si.Cu ca ah “Kum a liam in a thlum chin Jesuh Dawtnak sung cu a thuk in a ngan chin,Kum a liam in a thlum chin a ti mi hi Jesuh Dawtnak chung ah Tharnak kha a si. Cu ca ah Thar nak ti mi cu Khrih chung ah NUNTHAR lawng hi THAR taktaknak cu a si.
Mi zeihmanh hi Khrih he an i pehtlaih tikah cun mi thar a si; a nunning hlun kha a lo cang, nunning thar kha aa thawk cang. Hi thil vialte a tuahtu cu Pathian a si i Pathian nih cun Khrih thawngin kannih a ral a simi cu a hawi ah a kan thlen i midang zong a hawi i ser ve awk rian cu a kan pek. (2 kor 5:17)
လူမည်သည်ကား၊ ခရစ်တော်၌ရှိလျှင် အသစ် ပြုပြင်သောသတ္တဝါဖြစ်၏။ ဟောင်းသောအရာ တို့သည်ပြောင်းလဲ၍ ခပ်သိမ်းသောအရာတို့သည် အသစ်ဖြစ်ကြပြီ။
2023 ah hin vawlei nih a tuah mi kumthar le kan lawmh pi mi tharnak kan ti mi nak in a biadeuh mi cu Pathian nih mithar ah a kan hmuh mi tharnak hi a biapi deuh.Saw Winlwin hlasak bantuk in kum le can hi a thleng leng mang zong ah kan nun ah thlennak(Tharnak) a um lo ah cun tharnak cu sullam a ngei lo a ti bantuk in a si .
.Tharnak kan ti mi hi minung mit hmuh ah a si lo.Pathian mit hmuh ah a si.Minung ah ah cun kan tling bal lo.Minung nih cun dinnak le thiltha tuah nak ah mi thar si nak kan kawl i kan i kawl i kan kawl hna.A si na in Pathian nih cun Misual kan si nak chungah miding a kan cohlan tu a si.Pathian nih cun mithar si nak a cohlan mi hna cu misual le an sualnak cung ah khan a si.Kan sual nak kan I theih deuh deuh miding ah a kan hmuh nak a ngan deuh deuh kan I lawm deuh deuh.Mi nung nih cun din le that nak ah tharnak kan kawl deuh deuh Pathian mit hmuh ah misual ca zin ah chiah deuh kan si.
Jesuh nih Biatak kan chimh a hohmanh hi ti le thlarau in hrin a si lo ah cun Pathian pennak chung ah a lut lai lai.(John 3:5)
Dinak le ziathat nak i zuam nak in thar i zuam cu minungthangthat co nak ah cun a tha hnem kho men.A si na in Pathian mit hmai ah cun puanchiah fihnung mi tluk hmanh a si. Lo.Ti le Thlarau in hrinnak ,khrih chung ah hrinnak chung in tharnak tu cu Pathian mit hmuh ah dinnak a si i,Pathian tahnak fung in a tling mi hna ca ah a mah um nak inn vanram ah a kan phak pi kho tu tharnak a si.
.Khrih Jesuh he pehtlaihnak chung i tipil kan in ah khan a thihnak he i pehtlaihnak chungah kan i hnim ti kha nan philh dahra? Cucaah tichung i tipilnak kan vung in ah khan amah he vui ṭi kan si i a thihnak ah khan kan thi ve; cu bantuk ṭhiamṭhiam in Khrih cu Pa sunparnak ṭhawnnak nih a thawhter bang khan kannih zong nunnak thar ah kan nung ve lai.(Rom 6:3-4)Hi tharnak hi Minung mithmuh ah ruat hlah Pathian nih miding ah a kan cohlan nak kha a si.Mi ding ah a kan cohlangtu cu Pathian a si.mi nung hmai ah mi ding kan si nak a si lo.Pathian hmai ah mi ding kan si nak kha a si.Cu ca ah Pathian cu kan thanghtat.Mi nung hmai zoh ding a um lo.Minung cu na din nak na that nak cung ah khan na thar nak kha an kawl ko lai.A si na in Pathian nih cun na sualnak le mi sual nak si nak cung tu ah khan khrih thawng in mi ding ah a kan cohlang tu a si deuh.Langak a nak mi kholh len zong a ran khawh lo bantuk in zei tluk that nak le din nak na tuah zong ah Pathian hmai ah na tling bal lai lo lo.A si na in Pathian nih cun khrih thawng in a nak ko lio ah ah khan a rang mi in a co hlang tu a si.Cu ca ah Isaiah chung ah na sualnak cu a senin sen hna hmanh seh law,hawhrabantuk in an thianghna lai a ti kha a si.
Mattthai nih Jesuh rawl lei a sawm lio ah Farasi mi hna nih Jesuh kha an maw chiat .Jesuh nih “a dam mi nih siibawi an herh lo,a zawmi nih sii bawi an herh,”Mi ding mi hna kawh awk ah ka rat tung lo,Mi sual mi hna kawh awk ah pei ka rat cu”(Matthai 9:12-13)
Jesuh cu sii bawibantuk in a zawmi thleidan lo in Mi dam tertu a si.Farasi hna cu Biaceih tu bantuk in dinnak in mi tahtu an si.. Mi ding mi hna kawh awk ah ka rat tung lo,Mi sual mi hna kawh awk ah pei ka rat cu tiah Jesuh Nih fiangte in a chim.
Naman thinghmui zawtnak cu Jorden tiva ah voisarih i hnim nak in a thiang.Ti cu thiannak ca ah hman mi a si.Thinghmui cu damkhawh ti lo lo mi kan sual nak hi a si.Voisarih cu Pathian number a si.Cu batuk in Pathian lawng nih hi thinghmuizawtnak bantuk dam khawh ti lo sualnak nak hi pakhathmanh tan lo in a kan dam ter khawh ,nun tharnak a kan pek khawh.N lung bantuk in a hak mi na lungthin hi dinnak , zuam nak le that I zuamnnak nih titbantuk in Pathian hmai a um ter kho lai lo.Jesuh khrih thawng in Pathian nih ngaih thiam nak a co mi hna lungthin lungbantuk a har mi cu thiangtharau nih tit bantuk in a nem ter kho i Pathian duh nak lei kal pi kho tu ah a ser khawh.
Cu ca ah a tu kan lut lai mi kumthar kan ti hi Pathian hmai ah mithar nunthar a co mi tharnak na hmuh lawng ah tukum nak in a thlum deuh mi THAR chin leng mang tharnak taktak he a khat mi nunnak cu na hmuh lai.BawiPa nih thluachuah peko seh.Amen.
Comments
Post a Comment