NA CHUNGKHAR AH KIR

                                              KAVEL HI NACAAH AZAKO.

                                                                         14/08/2022

                                                                                        Pa Hrang Hmung

Sihmanhsehlaw ka hmuhmi thil khuaruahhar a tam ruangah porhlaw ruamkai in ka um sualnak hnga lo ka pum ah hin hling pakhat a ka chiah i cu hling Satan lamkaltu cu porhlaw in ka um sualnak hnga lo a ka dawntu dingah a hman. Hi kong ah hin voi thum thliahmah Bawipa sinah thla ka cam i, ka lakpiak ko tiah ka nawl. A ka lehnak cu, “Ka vel hi na caah a za ko, zeicahtiah ka thawnnak cu derthawmnak ah hin a lang,” ti a si. Cucaah cun Khrih thawnnak nih a ka huhphenh ti kha ka hngalh nakhnga, ka derthawmnak ah hin lunglawm tein kaa porhlaw cang. Ka derthawmnak ah siseh, nihsawhnak le harnak le hremnak le temhinnak ka hmuhmi ah siseh, Khrih ruangah kaa lawm ko; zeicahtiah ka derthawm tikah hin ka thawn a rak si.(2 Kor 12:9-10)

Khrih thawnnak nih a ka huhphenh ti kha ka hngalh khawh nak hnga ka derthawnnak ah hin kaa porhlaw cang.

Porhlawt hi Pathian nih a duh lo.Asinain hi kazawn ah hin Paul nih ka derthawmtuk tiah a rak i ruah lio lawng si lo in, ka derthawm tiah a ruah i a lung a rawh i a tha a dih zei hmanh tuah kho lo a si lio ah Pathian thawnnak a rak lang i a derthawm tik lawng ah hin Pathian thlarau a rak cawlcang i Pathian thawnnak le a dawtnak hmual ngeih  ning a rak theih nak leh lam a sinak chungin a chuak mi biafang a si.

Pathian hi zei tik hmanh ah kan mah thawnnak bochan in rian a tuan bal lo.Kan derthawmnak cungah a thawnnak langhter a duhtu Pathian a si.Teimak hi a tha ko.A si na in Pathian thlarau thawnnak ka cung ah riantuan seh ti duhahcun mah thazang in tan hi Thlarau thazang der tertu thawnter lo tu a si.

A si na in minung  lungput cu derthawm hi Santlai lo ah kan i ruah, santlai lo ah a kanhmuh caah kanduh lobik mi a si. Derthawm ka si ti kan i hngalh o lawng si loin kan i hngalh ko bu zong ah kanchim duh lo naknun nih hin Pathian thawnnak le a riantuan nak  ah kan i lawmh pi khawhlo nak hi a si. 

Pathian a pa le Jesuh

Pathian sinak kha a ngeih zungzalmi a si ko nain hramhram in Pathian tluk si awk kha cuh awkah a rel lo.Amah lungtho te tu in cu vial cu a hlawt dih  sal sinak tu kha aa lak Mi nung bantuk ah a cang I minung mui in a lang; Mi toiah aa dor  nawl ngaih nak lam kha thih tiangin a zulh—vailam cung thihnak kha.Hi ruangah hin cungleia san nak bik hmun ah khin Pathian nih a cawi I min vialte lak I min cungnung bik kha a pek;Cucaah Jesuh min upatnak caah cun vancung i a ummivialte nih si hna seh,vaw lei i a ummi vialte nih si hna seh,vawlei tang i a ummi vialte nihsi hna seh,an khuk an i bil lai iPathian kan Pa sunparnak caah cunlei vialte nih Jesuh cu Bawipa a si an ti lai.(Filipi 2:7)

Kansam kan i meh tikah sam mettu pa a duh bantuk in kan um piak ca ah kan sammeh a dawh.Tlakin thil sertu zong  a romi thlak a si ah cun aduh  mi  a atuah kho.Jesuh hi a pasal si nak a lak.A pa tinhmi tlam a tling khawh nakhnga a pa nih a duhin a hruaikhawh nak hnga a pa hmaiah mi derthawm ah a chiah i a pa thawnnak in thil a tuah ding kha a hngak i a bawh i a tuan ter.Cu tik a mah hmangin Pa sunpar nak kha a langhter.

Paul le Khrih

A ngaingai ti ahcun cu bantuk thil hna aa bochan khomi ka si ve ko. Lenglei phunglam kaa bochan khawh a timi an um ahcun, cu bantuk ti khawhnak cu tam deuh chinchin ka ngei: zarh khat ka si ah cuarpartan ka si, chuahkehnak lei in Israel mi, Benjamin phun, Hebru mithiang ka si; Judah mi Nawlbia zulhnak leiah Farasi ka si i  ka ṭan tuk leiah khrihfabu kha ka hrem. Nawlbia chung thil zulh in din ti ahcun soi awk um lo ka si.  Sihmanhsehlaw cu thil vialte, ka ca i miaknak ah rel khawhmi hna cu, Khrih ruangah sungh ah ka rel dih hna. Cu lawng cu an si lo, a dang vialte zong kha sungh cikcek ah ka rel hna, cu thil hna nakin a sung deuh tukmi ka Bawipa Khrih Jesuh hngalhnak ruangah cun sungh cikcek ah ka rel hna. Khrih cu ka co khawh nakhnga le amah he cun kan i pehtlaih khawh nakhnga, Amah ruangah cun zeizong vialte hi ka hlonh dih hna, an dihlak in hnawmtam ah ka rel hna.(Filipi 3:4-7)

Minung kan thawn nak…………A der a hau

Pathian dernak                              a thawn a hau

Chimduh mi cu Pathian a thawn khawhnakhnga kanmah kander a herh i ,Minung thawnnak ader lawngah Pathian thawnnak a lang.

Pathian le Jonah

Jonah 1:1BAWIPA bia cu Amittai fapa Jonah sin a phan i:  “Nineveh khualipi ah cun va kal tuah, atu ah va kal law a that lonak nih khan a cerh in a ka cerh caah va si,” tiah a ti. Sihmanhsehlaw Jonah cu BAWIPA sinin zam awkah khan Tarshish khua lei tu i kal awkah aa thawh. Joppa khua ah khan a va kal i khika ah Tarshish khua lei i a kal dingmi lawng pakhat kha a hmuh. A kalnak ding man kha a pek dih in lawng kha aa cit i BAWIPA nih a phak khawh lonak Tarshish khua ah khan, cu lawng cun ka kal lai, tiah a ruah. Sihmanhsehlaw BAWIPA nih thlichia a hranter cimmam i rili tilet cu a santuk caah lawng cu kuaidih hnik aa zal. Lawng cawngtu pawl cu anthin a phang i an pathian sin cio ah khan bawmhnak hal awkah an au. Cun lawng kha zaanter deuh awkah thil kha an hlonh hna, sihmanhsehlaw Jonah tu cu tilawng chung a ken khat ah khan a vung kal i a it i aa hngilh ziar ko.

1. Bawipa bia cu Amittai fa Jonah sin a phan.Pathian nih Jonah hi Voihnih a chawnh.dalthum nak ah Pathian bia Jonah sin ah a voihnih nak a phanthan.A voihnih ningte in Pathian bia a zumlo I a duh mi a tuah.Pathian sin in a thinlung a zam hmasa in a oum nih a zul.C tik ah a mah lawng si lo in mi vialte har nak a pek.Cu bantuk in Pathian biakan zumh lo tik ah kan thinlung Pathian sin in a zam hmasa I kan pumnih a zukh tik ah kan mah lawng si lo in kan chung khar le kan khriifabu le kan pawngkam vialte harnak an tawn hi a si.

2. A that lo nak nih khan a cerh in a ka cerh.Jonah nih cun meiin kang dih hna seh ti a duh.Pathian nih hin zeitikhmanh harnak tawn a kan siang bal lo ,a sina in kanthatlo nakmertak i  ngaihthiam kha pathian tinh zungzal mi a si.

3. Johnah thuthluamah in a hngilh.(Asleep)Hngilh ti mi cu zeihman theih lo kha a si.Thih tung lo in  ahngilh.Zei hmanh theih lo harnak an tawn kha thei lo an pil dih cang lai kha a thei lo.mi vialte an aulen kha a thei lo.A hngilh.Pathian sin in kan tlau cang i thih dihding kan sicang ti theih lo hi i hnilh a si.Na chungkhar nan fanu na fa zei dah Pathian hmai ah an lawh ti thieh lo hi i hngilh a si.Tih a nung ngai ngai.

4. Ka tlai u law,ti chung ah ka hlonh u law rili  cu a dai ko lai.Hi thlichia nih a cil hna hi kei mah ruang ah a si kha ka hngalh.A thangh hnu ah a si nak a theih i lawng chung ah a um mi vialte an luat dih.

5. A si na in thlichia cu a fah chin chin ca ah an tuah kho lo.

An hlonh hlan lo ti a dai lo.A fak chin chin.Kan sual kan I thieh zong ah kan tuah chih hlan lo hi ti let hi a dai lai lo.Na duh mi kha hlonh cang.Thihter cang.khaini kha,zu kha aporhlawtnak kha,

6. Cun Jonah cu Jonah cu an lak i ti chung ah an hlonh chikhat te ah tilet cu a dai.Tha der tikah kathawn a rak si.

Ka minung sinak nathah ah cun naluat lai.Na chungkhar a luat lai.Khrifabu a luat lai.na pawng kam an luat lai.Zei ah ti ah cun nang mah nathih ah cun Pathian a nung lai.nangmah nader ahcun Pathian thawnnak a langh lai.Zei ca ah ka derthawm tik, ah Pathian thawn nak a rak langh hi a si.

Bawipa nih thluachuah pek ko seh.Amen.