NA CHUNGKHAR AH KIR

                                     Pathian ttan pi kanherh.

                                                                          Pa Hrang Hmung

                                                                           19.6.2022

Hi vialte hi kan lung chungah i chiah in zeitindah kan ti lai? Pathian cu kanmah lei i a tan ahcun aho nih dah an kan doh khawh lai(Rom 8:31)

Minung hi Pathian ttan pi nak a um lo cun a tha a der tuk mi a si.Kan khuahmuh nak a hman lo,kan khua ruah a hman lo,kan tha a der tuk,Sualnak ruang  ah a thi ding kan si,kan hnatheih mi a tha lo, hi vial ka chim khawh mi cu an si.Hi vialte kan si nak ah hin Pathian tan pi nak um lo ah cun kan nun santlaih nak a um lo.

Paul nih Pathian cu kan mah lei a ttang a ti lo i a tan ah cun (if)a ti.Pathian cu kan mah lei ah ttan lo khawh a si.Cun Ttan khawh a si fawn.A ttan a si ah cun Vawlei le van ah teitu a um lo mi Pathian ka lei a tang ti nak a si.

Paul nun ah Jesuh a ttang,Jesuh Tha zang in nung ti a fiang nak cu “Ka zawn nan ka ruahnak kha nan hun parter than caah Bawipa chungah hin kaa lawm hringhran. Ka zawnruah kha nan rak ngol ka ti duhnak a si lo, langhternak caan nan rak ngeih lo ca lawnglawng ah khan a rak si. Cun cu pinah, an ka hramkau lo, ti ruahnak ka ngeih caah hihi ka chimmi a si fawn lo, zeicahtiah ka ngeihmi paoh ah lungsi tein um ding kha ka thiam cang. Herhbau in um kha zeidah a lawh ti ka hngalh, cun a hlei a hluat in ngeih kha zeidah a lawh ti zong kha ka hngalh. Cucaah khuazeika hmanh ah, zeitik caan paoh ah, ka paw a khim ah siseh ka rawl a tam ah siseh, tam tuk ka ngeih ah siseh, tlawm tuk ka ngeih ah siseh, lungsi hnangam tein um kha ka thiam cang.(Fili 4:10-13)

Pathian ka mah lei a ttang ko ti kan kan hngalh nak nih kan nun kha thawn nak in a khah ter,Lawmhnak le ralthat nak in a khah ter..Zei ca ah tiah Paul nih ka zumh mi cu a ho a si kha ka hngalh a ti bantuk in ke lei ah a tang mi cu a ho a si kha ka hngalh ca ah a si.Pathian a si nak kan hngalh nak a a tlawm ah cun  a hme kho I a si tak tak kan hngalh  ah cun kan ca ah Pathian cu a ngan ve.

Elisha cu siria ralkapbu rang le rang leng he khua velchum cu an kulh.Elisha nih a lei ah a ttang mi Pathian cu zei tluk in dah a thawn ti kha a hngalh ca ah a tih lo bantuk in a sin um pa cu Pathian thawnnak  a theih lo ca ah tih nak in a khat.

Zei ca ah tiah Elisha lei ah attang mi cu zeizong vialte tuah khawh nak (all powerful) Omnipotence a si.  Pathian ca ah a si kho lo mi a um lo.A bia kakhat in van le vawlei sertu,sermi thil thih ter khawh nak le nun ter khawh nak nawl a ngeitu Pathian sermithil vialte  cung ah nawl ngeitu Pathian ,sermi thil vialte a hman khawh nak nawl a ngeitu Pathian,khaubawk ,thothei hna le thlitu hna le ti hna le langak tiang in an cung ah  nawl an ngeih mi Pathian a si.

Rili sen kha a cheu zordan tiva kha a cheu I lung chung in ti a chuah ter kho tu Pathian a si.Kan Pathian cu nizan le ni hin le a zungzal in  a mah ning a si ko.(Heb 13:8) a tibantuk in na lei a ttang mi Pathian cu na ca ah tuah khawh lo mi a ngei lo tu Pathian a si kha na zumh nak le na hngal nak nih ral that nak hna ngam nak an pek lai.”Zei ca ah Pathian pek mi thlarau nih cun mi ralchia ah a kan ser lo thawnnak le dawtnak le mah le I uk khawh nak tu kha a kan khah ter.(2 timote 1:7)

Cu tikah  david nih Filistine mi pa cu a thawh I Nang nih cun vainam le feile feingan pi he na ka chuah hnawh si hmanh seh law kei nih cun ralkapbu bawipa Isreal ralkap hna ih an Pathian na zawntaih mi min khan kan chuah hnawh…..Goliah nih a pken mi cu minung nih ser mi hriamnam ngan bik in a ral kha a chuah hnawh,a si na in David nih cu  mi mit hmuh ah hriamnam  tu si lo in Van le vawlei ser tu a thawng mi Pathian a ken.

David nih a bia a peh mi cu zei ca ah tiah vawlei cung dih lak nih Isreal mi lak ah Pathian a um ti kha  an hngalh nak hnga, le hi a pum mi vialte nih hin Vainam le fei in Bawipa khamh nak cu a si lo ti kha an hngalh nak hnga,zei ca ah tiah hi ral tuk nak cu Boipa ta a si I  nan nih cu kan ku chung ah pek nan si lai”tiah a ti.(1 samuel 17:45-47)

Cu lawng hman a si lo Kan Pathian cu zeizong vialte hngal tu Omniscient a si. David nih “ BAWIPA, na ka kawl dih hirhiar I na ka hngalh dih cikcek! Ka tuahmi vialte cu na hngalh dih lamhlatpi khin ka ruahnak vialte cu na hngalh dih ko hna.Rian ka tuan ah siseh, kaa dinh ah siseh, na ka hmuh, ka tuahmi vialte kha na hngalh dih.Ka chim hlan in ka chim ding vialt kha na hngalh dih.Ka hnulei le ka hmailei inna ka cawngh I ka cungah na kut na zar.Na ka hngalhnak hi a thuk tuk hringhran ka ruahnak nih a phak khawhleng a si.Na thlarau sin hin khuazei ah dah ka zam khawh lai?Na hmaika hin khuazei ah dah kaa thuh khawh lai?Vancung ah khin hung kai ning tiah,cuka ah cun na rak um ko lai,mithi khua ah khin vungit ning tiah,cuka zongah cun na rak umthiamthiam ko lai.Nichuahlei ah khin lo diam inhei zuang hnik ning law,asiloah nitlaklei a hlatnak bik hmun zongah khin hei um hnikning law,10cuka zongah cun a ka hruait dingah nangmah na rak umthiamthiam ko lai,a ka bawmtu dingah na rak um thiamthiam ko lai.(Salm 139:1-4)

Nathanael  theipi kung tang a um lio ah a hmutu Pathian a si. Pathian nih Jesuh zei tin dah ral lak ah a um te lai ti a hmuh chung ca ah Joseph le mary kha Iziph ram ah zam pi ding ah a fial tu Pathian.Ngakchiah kum hnih tang thah an tawng tak tak kha.

Cu lawng hman si hlah kan Pathian cu hmun kip ah a um I um lo nak a um lo mi Pathian a si.God is Omnipresent Pathian cu hmun kip ah(at the same time)a um mi Pathian a si.Na um nak kip ah an um pi na phak ding zong ah a rak um chung leng mang tu Pathian a si.Jacob nih “Boipa cu hi ka hmun ah hin a um tak tak a hngalh bel ka rak hngalh lo i a si.”(Genesis 28:16)Jacob hi mi sual rocuh pa khuachuang hman lut ngam lo.Lungtlinh in ram lak ah a riak.Pathian nih a hmuh a chanchung ca ah bia a ruah.

Abraham sal nu Hagar a zam nak ram lak a va hmuh tu Pathian a si.Cu ca ah Hagar nih a ka hmuhtu Pathian cu ka hmuh cang a ti.Pathian hi hmun kip ah a um bantuk zie tik can poh chawnh khawh in a um I nang bawmh ding ah chunzan um lo in a ready peng tu Pathian cu nang mah lei a tang ti kha zei tik hman ah philh hlah.

Cu lawng hmanh si hlah na lei ah a ttang mi Pathian cu zei zong vialte ngeitu a si.Jeshovah Jereh a tumcop kho tu Pathian a si.

Zei ca ah kan lei a ttang mi Pathian cu  zeizong vialte a ngeitu le zeizong vialte cung ah nawl ngeitu a si. Vawlei le a chung i a ummi thil vialte hi BAWIPA ta an si,vawlei le a cung i a ummi minung vialte zong hi amah ta kan si dih. (Salm 24:1) 

Nangmah dah ti lo cu ka ngeihmi dang zeihman a um lo, maw BAWIPA,ka herhmi vialte cu nangmah nih na ka pek,ka nunnak cu na kut chungah a um.

Ka lei a ttang Pathian cu ka herh mi vialte a theih dih pin ah ka herh mi vialte a ngeitu Pathian a si. A Fapa hrimhrim hmanh kha a zuah tung lo, kan dihlak caah pei a pek kha! A Fapa kha a kan pek i thil vialte zong hi a lak in a kan pe hnga lo maw?(Rom 8:32)Cu ca ah nalei  attang mi Pathian cu na herh mi vialte an pek kho tu pek nak nawl a ngeitu a si kha na hngalh ah cun lungreitheih nak in an luat luat ter lai.

Na lei ah Pathian ttan ter law nan nun chung ah dohtu na ngeih mi nih Pathian thawng in tei kho tu ka ngeiti lo ti mi nun ngei tu na si lai.Sifahnak,rumnak ,zawtnak fah nak ,thangchiat nak,thawngpang chia hna nih an teilai lo.Zei ca ah na lei ah zeizong vialte cung ah nawl ngeitu Pathian,Hmun kip ah a um mi Pathian,Zei zong vialte hngaltu le ngeitu Pathian cu na lei a ttang zung zal ko.

Zei hmanh kan ngeih lo zong ah Jesuh kan ngeih ah cun a za ko.Ro lak ah ro sungbik  cu Jesuh a si.

Bawipa nih hluachuah pek chin ko she.Amen