MAH LE MAH I DAWT
Jesuh nih Sadusi mi kha holh awk hngal loin a tuah hna ti kha Farasi mi nih an theih tikah, hmun khat ah an i pum i annih lak i pakhat, Phungbia cawnpiaktu saya a simi nih khan bia in foih a timh. Aa thawh i, “Saya, Phungbia chungah hin zei nawlbia dah a ngan bikmi a si?” tiah a hal. Jesuh nih cun, “ ‘ Bawipa na Pathian cu na lungthin dihlak le na ruahnak dihlak le na nunnak dihlak in na dawt lai,’ ti hi a ngan bik le a biapi bik nawlbia cu a si. A hun changtu biapi bik nawlbia cu, cu bantuk òhiamòhiam cu a si i, ‘Na innpa cu nangmah naa dawt bantukin na dawt lai,’ ti hi a si. Moses Nawlbia vialte le profet hna cawnpiaknak vialte cu, hi nawlbia pahnih chungah hin an i khumh dih,” tiah a ti.(Nathai 22:34-39)
Jesuh nih mah le mah kan i dawt bantuk in mi dang dawt ve an kan fial tik ah,mah le mah i dawt ning cang hi kan lungput le kan i dawt ning cang hi Baibal nih a kan duh piak mi i dawt nak in kan i dawt maw ti mi hi ruah lo awk a tha lo.
Mah le mah i dawt hi i dawt thiam lo ah cun tih a nung ngai ngai.A bik in kan mah le kan mah kan i dawt ning hi mah mah zawn lawng ruahnak(selfish) kan si ca ah cu bantuk in lungput in mi va dawt ding cu Pathian bia nih a chim duh mi a si lo.Mah thangthat duh nak,a fimbik ah kan i ruah nak,sualphawt kan duh lo nak ,mi vialte hi mi tha lo ah hmuh nak,mi dang nak in zei poah sang deuh duh nak in mah le mah aa daw mi kan si.
Brene Brawn an ti mi pa nih mah le mah i dawt ti mi cu dawtnak feeling nak in tam deuh a san deuh i a thuk deuh a ti bantuk in kan mah le kan mah kan i dawt ning hi kan ruah deuh a herh cang.
1. Mah le mah i dawt kan ti mi nih mah ca a si zong ah mi ca zong ah tih a nun ter bik mi cu kan mah le kan mah kan i zangfah nak in mah le i dawt hi Thlarau nun le taksa nun thangcho nak ah dontu ngan pi a si.Mah le mah i zangfah lo in kan sining te in thil dik mi ca ah cun mah nun i remh temtuar nak zong in ko i thangcho nak lam kawl cu mah le mah dawt tha in i dawt a si.
2. Zung din in mah diriam ter hi mah ca lawng si lo in fa nu fa pa ca ah nun hrawktu an si.Zudin lo in nun hrem nak in mah le i dawt cu nu le pi fa le dawt lawng si lo in Pathian duh nak a si ca ah a tha mi a si.
3. Khaini sadah hmom in mah di riamter nak in le mah i dawt cu mah zawn lawng a ruat dawtnak a si.Khaini le Sadah hmom duh tuk ko zong ah thiltha a si ti theih i mah le idriam nak kha hlawt in nun hrem in i sum in tuah ti lo cu mah le i dawt a si i chung khar dawt a si.
4. Pathian nih mah le mah thangthat i vawlei thil in mah le mah diriam ter a zuam mi cu mi hrut a ti hna.An hruh nak cu nunnak a si lo mi kha nun ah ruah i zungzal ca a si lo mi vawlei thil ah nun I phun in zungzal nunnak ca ah thiltheih nak a ngei lo mi an si ca ah mi hrut an si. “Cun keimah le keimah cu kaa thawh lai i, Mivanhha pa! Kum tampi caah a za in thil tha vialte cu na ngeih cang. Cucaah nuam tein um ko cang, ei law ding law i nuam ko, ka ti lai,’ a ti. Sihmanhsehlaw Pathian nih a thawh i, ‘Mihrutpa, tuzan hrimhrim ah hin na nunnak cu an in lakpiak a hau lai; cucaah nangmah ca i na khonmi thilri vialte hi aho nih dah a co kun lai?’ a ti,” tiah a ti(Luke 12:19)Pathian duhnak tel lo mah le I dawt cu hruh a si I hruh dawtin mi va dawt ve zong Pathian bia he a kalh mi a si.
Mah le mah sining i theih hi mah mah dawt tha in a kan dawt ter tu a si.Pathian bia nih a kan cawn piakmi cu mah le mah kan i dawt nak hi a hman le hman lo Pathian bia kha tahfung in i lak in i hneksak an kan fial.Kan siningtak ding theih in Pathian duh ning in i dawt kha a kan duh piak. “Kannih nih kan lam kha zoh than hna u si law, hneksak hna u si law BAWIPA sinah kir than u sih”;(Tahnakhla 3:40)
Misual ka si ti i theih.Pathian bia in nun cawm.Kan thih hnu bia ceih ka si lai ti hi i theih.Ka si ning ruang ah Hell a kal ding ka si ko i theih hi mah le mah dawt tha in a kan dawtter tu le kan nunnak tak tak ah a kan hruai kho tu cu a si lai.Cu bantuk Dawttha in mah le mah kan i dawt khawh nak hnga cu kan duh mi le kan tlaih chan mi vawlei thil vialte kha a har ko zong ah hlawt i zuam in nun hrem a herh ah cun hrem nun in Pathian duh nak lam ah a kan hruai ding mi Mah le mah i dawt zia thiam kan herh tuk.cun nun hrem nun cu a har tuk ko lai na in Baibal nih “Cucaah na orhlei mit nih an sualter ahcun, khoih law hlonh ko. Na pum dihlak hell chung tlak nakcun na pum cung thil pakhatkhat na sungh cu a tha deuh. Na orhlei kut nih an sualter ahcun tan law hlonh ko. Na pum a ningpi in hell chung i tlak nakcun na kutke pakhatkhat sungh cu a tha deuh vingvan.” (Mathai 5:29) tiah a kan forh hnawh chan mi zong a si.
Pathian hmai ah hruh a kan si ter tu Vawlei cung taksa nun in mah le mah dawt nak chung in a kan luat ter kho tu ding cu BIATAK theih le zumh hi a si. “Cucaah Jesuh nih amah a zummi Judah mi hna kha, “Ka cawnpiaknak kha nan zulh ahcun a ka zultu taktak cu nan si; biatak cu nan hngalh lai i biatak nih cun an luatter hna lai”(Johan 8:31)
Pathian bia ning in mah le a dawtmi kan si khawh nak hnga Thiangthlarau nih kan bawm ko seh.(Amen)
Comments
Post a Comment