TAKSA THLARAU DAM NAK
1.04.2022 .Pa Hrang Hmung
Exercise tuah leng mang hi kan thilkal a that ter ikan cuap riantuan a hman ca ah ngan dam nak le a hliphlau nak a chuah pi.A si na in lungthin zawtnak tu cu a dam ter kho lo.Pathian bia le thlacam nak in Thiangthlarau cawmcu thinlung damnak a chuahpi i thinlung dam nak nih taksa a dam ter.
Pathian nih hin Thinlunglawng si lo in taksa thlarau a dam mi si hi a kan duh.Tinlung a dam lo ah cun taksa zong a dam ter lo pin ah a der ter.Zei ca ah tiah cun lungthin cu kan Baibal nih
“Lungthin hi zeizong vialte nakin a zer bik(deceiful),Aho nih dah minung lungthin hi a hngalh khawh lai ,Damh khawh ti lo tiangin a zaw cang(despreatly wicked)(hnabei dongh tiang in that lo.) BAWIPA nih minung ruahnak cu ka dah dih i an lungthin cu ka zet dih(Jeremiah 17:9)
“Israel mi hna, nan lu cu hma a khat i nan lungthin le nan ruahnak cu a zaw. Nan kechik in nan luthlung tiang, nan pum cungah hin khuazei hmanh ah damnak a um lo, hma le rung in nan khat dih”(Isaih 1:5-6)
Hi tluk in a zaw mi na lungthin kong hi na ruah bal maw.Zei nih dah a dam khawh hnga ti hi na tuaktan bal maw. depression thinlung lei zawtnak zong hi thinlung in a chuak mi a si.Thinlung hi hlen thawinak in a khat lawng a si lo hna bei dongh ding tiang in a tha lo.cu lungthin chung cun ralsernak ,nawlngaih duh lo nak,a herh lo mi ngaih chiat nak le a herh lo mi nuamh nak hna a chuah pi.Zei ca ah tiah cun Pathian bia in a lungthinruahnak kha biachah nak pek a si lo in lungthing ruah nak lawng kha an zulh ca ah a si.
Lungthin lawmh hi si tha a si. Si hmanh seh law lungthin ngaih chiat nak nih ruh a ro ter.(phungthlukbia 17:22)Cancer zawt nak dam khawh ti lo mi zawt nak a chuah pi.Jeremiah nih Geleah ah dam nak si hung I lak tuah.A ti than mi Geleah ah dam nak a um lo maw.Geleah hi Jordan ni chuah lei tlangtluan ah a um mi a si. Hmadam ter nak Bum an ser nak hmun a si i a min a thang tuk mi a si.A chim duh mi cu Geleah si hmanh nih Isreal mi hi dam nak a pe kho lo ,an lungthin hi Geleah si hmanh nih a damh khawh lo in a zaw mi a si a ti.Cu tlun cun kan lungthin hi dam khawh ti lo in a zaw mi a si.
Na lung kha tha tein veng tuah,Zeicahtiah cuka cun nunnak cerhti kha a put.(phung 4:23)Kan lungthin cu kan nun nak a si ca ah kan lung nih kan nun a uk a ti nak a si.Cu tluk in a chia kha mi lungthn nih cun kan nun cu a that ter kho hnga maw?
Job bia hi a dik tuk. keimah le keimah cu kaa hua I leidip le vutcam lakah thu inkaa ngaihchih,” tiah a ti.(Job 42:6-16)Nang manh le nang mah na hua bal maw.Pathian nih kan mah le kan mah i huat dih tiang in kan lungthin si ning theih kha a kan duh.
Paul nih a chim ve mi cu Ka tuahmi hi a sullam ka hngal kho hna lo, zeicahtiah tuah ka duhmi kha ka tuah hna lo i tuah ka duh lomi tu kha ka tuah hna.A thluak le a lungthin an um ti lo.an I kop lo a ti duh nak a si.(Rom 7:15)
Zermiah nih “A ho nih dah a hngalh khawh lai tiah a ti I, a mah le a mah bia a leh colh mi cu BAWIPA nih minung ruahnak cu ka dah dih i an lungthin cu ka zet dih(Jeremiah 17:9)A ho hmanh hngalh khawh lo mi lungthin le kan mah hmanh nih kan I hngalh khawh lo mi lungthin cu Pathian nih a kan hngalh dih.
Pathian bia cu a nung i a thawng. Kap hnih har vainam nakin a haar deuh. Hlang lak in a cheu khawh, nunnak le thlarau an i tonnak tiang, hliahcang le thlik an i tonnak tiang a cheu khawh. Minung lungthin duhnak le ruahnak vialte kha a hngalh dih.(Heb 7:15)
Cu ca ah Pathian nih hi tluk a rawk mi thinlung hi thlen a duh nak cu a si cu.Lungthin thar kan pek hna lai i thlarau thar nan chungah ka khumh lai. Nan pum chungin lung bantukin a hakmi nan lung kha ka lak lai i titsa bantukin a nemmi lung kha kan pek hna lai. Ka thlarau cu nan chungah ka khumh lai i ka nawlbia he aa tlak in kan umter hna lai i ka phunglam zulh in nan nung lai.(Ezakiel 36:26)Na lungthin theln ding in timh lamh kan ngeih a hau.Na thlen a hau.Nang mah te in a si kho lo cu a fiang.
David nih “Maw Pathian, ka pur cikcek law ka lungthin hi hngal ko;ka hneksak law ka ruahnak hihmu ko.Ka chungah hlenthawinak a um sual hnga maw?a um sual ahcun ka hmuhpiak lawzungzal hmunmi lam ah khanka hruai ko.(salm 139:23)Bawipa nih a dam lo mi kan lungthin cu a dam mi Thiangthlarau in an kan thlen piak a herh.An thlen piak a herh.Thlen piak mi na si cang maw.Thlarau thar nih kan thinlung ah hmunhma lak cang seh.Cu hnu ah a duh mi rawl in cawm i zuam hna u sih.
Mi zeihmanh hi Khrih he an i pehtlaih tikah cun mi thar a si; a nunning hlun kha a lo cang, nunning thar kha aa thawk cang.(2kor 5:17) Nun ning thar le thinlungthar cu Bawipa ta kan si cang ti nak a si.kan thinlung cu Bawipa biachah nak nih a hruai cang ti nak a si.
Cu bantuk nun cu taksa thlarau dam nak a hmu mi nun a si.
Comments
Post a Comment