Vailam cung in Jesuh chimmi
15/04/2022(Good Friday). Rev.Pa Hrang Hmung
1. Jesuh nih aa thawh i, “Ka Pa, ngaithiam hna. An tuahmi hi zei a si ti awk an hngal lo,(luka 23:34)
Jesuh nih vailamcung i a voikhat nak a chim mi bia hi “Ngaih thiam nak” bia a si an ti.Hngaihthiamhal thlacam nak a si.Cun Ngaihthimkho tu hi Pathian lawng a si ti zong a langhter.Hngalh lo bu in sualnak a tuah tu hna hi a zangfah khun hna.Hi an ngalh lo nak a ruangbik cu kan hngallo ti an itheih lo i kan hngal ko an ti mi hi an rak i palh tuk mi sualnak a tuah tu an si kha Jesuh nih a sia a herh bik.Leviticus 4:2 ah Hngalh bu in sualnak a tuah tu raithawinak le hngalh lo bu in tuah mi rawithawinak a um.A si na in hngalhbu in a si zong ah i theih lo bu in an si zong ah sualnak tuah nak ah an i khat.Ngaihthiam nak hi misual ka si ti i theih nak ah a hram a bunh mi a si.ka sual ti i theih hi phungphai nih na sual a kan ti ruang i hngal si lo in mah nun hrim hrim ka sual ti kan theih nak ah hin rimnak tuah ti lo nak a tel.Cunbantuk in ka sual ti a theih i sualrim nak he a ngaih chih mi hna ca ah sualngaih thiam a si.ka sual ti theih nak lawng a za lo.Mi sual sinak chung ah ngaihchih nak a ngei mi ca ah Jesuh thawng In Pathian ngaih thiam nak tlamtling hmuh a si.Steven zong hi bia a chim ve.Theih lo bu in tuah tu hna an sualnak an i theih ngaih chih nak an ngeih i ngaih thiam nak an hmuh ding cu Jesuh khrih thih hnawh chan mi a si. Ka cung ah an tuah mi ruang ah hin ngaihthiam rih ko hna an theih lo ca ah a si.Khat lei kam ah kan chim ah cun Judah mi hna kha nan sualnak rak I ngaih chih u nan ca ah lam a um ti tluk a si.Ngaihthiam nak hi I ngaih chih nak a um lo ah cun ngaihthiam ti mi dir hmun in Pathian nih a kan pom piak lo.
Nan u nau nih a sual ah cun va mawchiat a ngaichih ah cun va ngaih thiam.Ni khat ah na cung ah voisarih a sual i voisarih ning in kaa ngaichih a ti ah cun na ngaih thiam hrim hrim lai.(Luka 17:3)Newton theory pakhat cu thilpkhat kha a thawn lo ah rian riantuan lo ti nak a si a ti.Bantuk ngaihchih nak a um lo mi khamhnak cu khamh a si tiah pom piak a si lo tinak a si.
.Ka pa na ka tinh piak mi hna a si ca ah a tu an tuah mi hi cu ngaih thiam ko rih hna can pek rih ko hna ti tluk a si.A cung ah harnak a petu hna cung thinhungnak ngeih cu chimhlah nganfah tuar in a cei tuk mi fah nak hna nih mi cung ah ngaihthiam nak a ngeih mi cu a don kho lo.Thlacam nak he ngaih thiam a hal piak hna.
2. Jesuh nih cun, “Mah hihi kan chimh: nihin ah Paradis ah keimah sinah na um lai,” a ti(luke 23:43)
A voihnih nak a bia cu Khamhnak bia a si an ti.Tuanbia ah an tial nak ah cun vorh lei le keihlei ah an tah ve mi hna hi Dismas le Gastas an si ti a si.Jesuh khrih kha biaknak le upa leralkap lawng nih hin an nehsawh lo,a kehlei ahthihding tlak tiang in sualnak a tuah mi pa zong a rak zoh I Messaih cu na si tak tak ah cun ,nang mah zong kha I khamh law kan mah zongkha kan khamh ve ngat” tiah a hung ti.Hi pa hi mi auhnak zuldawi in a au ve mi a si.Zanfah tuk a si. A mah nih theih fiannak ngeih tung lo i mi chim mi le mah ruahnak i kir khawh ti lo in i palh a fawi tuk ning.Kha lio can ah khan pawngkamlam kal mi hna vialte nih messiah ka sin a ti tung ziah na khamh tung lo ti kha an lu an thin jesuh nehsawh in a pwng I ralkap hna zong nih an chim ve.A si na in vorh lei I an tah mi pa Gastus nih hi pa hi zei hmanh sual nak a tuah lo a ti i Jesuh lei I mer in, Jesuh siangpahrang in na rat tik ah hungka philh hlah” a ti.luke 23:42) Jesuh nih zangfah nak he a zoh i “Mah hihi kan chimh: nihin ah Paradis ah keimah sinah na um lai,”tiah a chim.
Hi ka zong ah hin ngaihthiam nak biathlum kan hmuh than.A tu cu Misual ka si ti a hngalmi hna misual(sinner) sin ah a si cang.Jesuh nih hin ka sual tiah a theih i sual I ngaichih mi hna ca ah vancung kut ka cu direct in awn piak zungzal a si ti kha a chim. Cu bantuk in a tu ka sual tin a theih I sualrim nak he Jesuh lei na hoih ah cun kan mah zong a tu hrim hrim ah hin Paradise ah a mah he kan um lai.Jesuh khrih cu nizan le ni hin lezungzal in amah ning a si ko.(heb 12:8)zei tik ca poh ah na chawnh mi a ready peng mi a si.Can tha ti mi voihnih a ra lo.Gastas ca ah thih Cuomo lio nun nak a hmuh I Dismus cu thih cuomuo ah thih chin nak ah a kal.
3. cuka i a nu le a dawtmi a zultu an dir ko kha a vun hmuh hna i a nu cu, “Ka nu,(minu women) kha ka ah khan na fapa a um khah,” tiah a vun ti, a dawtmi a zultu zong cu, “Khaka ah khan na nu a um khah,” tiah a vun ti ve(johan 19:26-27)women ti hi Gk biafang zohtik ah upat nak biathlum a si.
Vailam cung Jesuh bia a voithumnak a chim mi cu pakhat le pakhat i pehtlaih nak bia a si an ti.Jesuh nih a dawttuk mi a nu kha a dawttuk mi Johan kha zohkhenh a fial.Dolorasa in Galgota ah Pound 300 (136 kilogram) a rit mi vailam a liang in a put.Mivialte sualnak maw a rit deuh hnga vai lam dah.voithum a tluk pi. Chungchuak fapa vailam an tah i a hrum ai a hmuh tik ah Zei tluk in Mary a lung a fah hnga. Simeon nih Jesuh Pathian sin ah up thlacam nak a tuah lio ah a nu Mary sin ah ngaihchiatnak nih vainam bantukin na lungthin kha a chunh lai,” (Luke 2;35)A fa nih a zoh hna tik ah a hmuh hna a nu Mary lungfah tuar in kha a hmuh tik a sia herh nak a ngan tuk ve ca ah a nu a auh hmasa I a dawttuk mi Johan kha a nu zohkhenh ding ah a fial I a inn a tin pi colh .
4. Chun in zanlei suimilam Pathum tiang ram cu a dih lak in muihnak nih a khuh I suimilam pathum tluk ah khin Jesuh cu a au i, ”Eli, Eli, lema sabakthani,“ a ti, a sullam cu, “Ka Pathian, ka Pathian, zeicahdah na ka kaltak,” ti a si.(Mathai 27:46)
Marka nih a chimnak ah cun nazi 9:00 ah vailamtah hram an thawk I zanlei pathum tiang ti nak a si.Suimilam 6 chung vailam a um i nazi 3 chung hi mikut innganfah a tuar. Suimilam 3 chung hi Pathian nih khamh nak rian a lim khawhnak hnga harnak fak bik mi a cung ah a tlunter can a si.Hi can lio te hi misual hna kan aiawh tu a si nak Pathian nih a ti hnawh chan bik mi a tlin nak a si.Muinak nih a langhter mi cu kan sualnak le sualnak hna nih vawlei cu a muih ter.Pathian mit hmai ah vawlei a mui.Zei ca ah tiah Pathian nih a kal tak.Pathian um lo nak hmun cu muihnak a si.Jesuhminung a thih nak ah hin Pathian ai tel lo.A voili nak vailam cung in Jesuh chim kan zoh tik ah sualkop lo zungzal in a pa Pathian he ai then bal lo mi a tu ah cun a pa he thlarau pumsa in an I then cang.Vawlei sualnak vialte cu a cung ah khinh dih a si ca ah pa le fa an i then nak a si.suimilam 3 chungkhuamui a tlun hnu ah “Ka Pathian, ka Pathian, zeicahdah na ka kaltak ti in a au hi a si.ka in chimkhawh lo tiang lungkuai le tuarin nak chung in au aw a si.A pa Pathian le thiangthalrau nih an kal tak.vawlei a um lio ah a hawikom tha a si mi a zultu hna nih an kal tak dih.
Minung si nak tuanbia ah a tu can lio nak in rapthlak tih nung can dang a um kho lo. zoh kan duh nakhnga dingah idawhnak le rumra zeihmanh a ngei lo, iang zeihmanh a ngei lo I a pumrua zong a chuakthiamm a si lo.Zeihmanh ah kan rak rel lo I kan rak hlawt; ngaihchiatnak le nganfahnak kha a rak in hna.(Isaih 53:2)ti mi kha a tu ah hin a hung tling.
Jesuh a in tuarnak cu zeitluk tuksapur dah a si .A tu a nun cu sualnak(sin) ti mi rili pi nih a nun kha a dolh dih.Mitha lo pa tei nak chung ah a lut .Jesuh nih a tu hi cu nang mah can a si tiah seitan a rak tib al (Luka 22:23) a tling.Sual man thih nak cu pathian he a saing lo pin thlarau he aisaning lo ca ah an kaltak dih.fahnak a in cu tuksapur a si Hi tluk sualphorh a har a rak theih ca ah dum ah thla a rak cam kha a si.A si na in a pa duh nak a lung a rak tlin pi .Pathian nih a fimnak le a thil hmuh khawh nak in a rak I timh mi cu a tuah I khrih thawng in a tlin ter.(Efesa 1:9)
5. ka ti a hal(Johan 19:28)
Hi bia fa hi reitheih tuarin nak au thawng a si an ti.Jesuh minung lei kap I a pumsa tuarin nak hrumai thawng a si.An tuknak hmarun cu a takpum ah a khat.Hlingluchin nih a chunh nak nganfah celh awk khi a si lo.Dolorosa in Golgotha lam thluan a thi a chuak mi a tlawm lo.Cun a kut le kei ah thir lehmah pahra tluk a sau mi in an khenh chih nak thihnai le tuar in nak vial te minung fa nih celh awk a um lo.
A si na in baibal nih “si hmanh seh law hma a in cukan sual ruang ah a rak si I tuk nak a huah cu kan that lo ruang ah a rak si, a inmi dantat nak in luatnak kan hmu I antuk nak vual in damnak kan hmuh”(Isaih 53:5)ti mi a tlin nak a si.taksa ti hal lo awk a tha lo.A si na a duh mi ti kik a ding kho lo.a ti hal a riam kho lo.Hyssop ti mi ti thur an pek.Kan Bawipa jesuh cu a ti hal a riamter tu cu nangmah le kei mah kan si.A mah thawng in khamh kan si hi a duh bik mi a si.A ti hal a riam ter tu cu ni hin nang mah le kei mah a mah kan zumh nak thawng in na suallo tiah biakhiah nak kan hmuh ding hi a duh bik.
6. “Aa lim cang”
Jesuh nih misur zu thor cu a vun dawp i “Aa lim cang” tiah a ti i a lu a khun i a thi.Hi bia hi teinak bia fang a si.Gk biafang an leh mi pakhat ah cun “leiba cu pakhat hmanh tang lo in pek dih a sic ang.(The depth is paid in full). kan leiba tialnak ca cu a chung ah a um mi upadi vialte hna he khan a hrawh dih cang i vailam tah cung i an khenh chih nak thawngkhan kan mah dontu (sualnak)si ti lo ding in a hlonh.(kolose 2:14)A thih hi a tu bantuk 3:00pm ah hin a si.Lantak puai i rai thawinak tufa zong a tu tik ah hin biakinn ah an thah lio can a si ve.
Ngaihthiam kan si nak hnga dotla tufa cu thah a si.A voi ruk nak bia cu tuarin nak cu a dih cang i tuanvo cu lim a si cang. Mi vialte ca ah a muih bik ni khua kan phan,a tu cu a ceu bik mi ni a hung mang cang.Heb cakuat tial tu nih khrih nih Pathian duh mi kha a tuah ca ah,voikhat zalak in a mah a pum a pek chanh nak thawng in khan kan nih cu kan sualnak in a kan thianh cang.A zum mi hna cu voikhat zalak in sual ngaih thiam kan sicang. Jesuh nih a lim cang.Limthan ding tuah than ding a um ti lo.Voikhat zalak in dotla Pathian tu fa nih mivilte ca ah tuah than hau ti lo ding in a lim cang.Bawipa min thangthat in um ko seh.
7.Jesuh cu aw thangpi in a au i, “Ka Pa, na kut chungah ka thlarau kha ka chiah,” tiah a ti. Cucu a chim dih in a cat. (Luka 23:46)
Hi bia hi komhthan(reunion) biafang a si an ti.A thla tu a pa sin ah a kal cang tinak a si.Jesuh cu a Pa nih a thlahnawh chan mi a mission cu vai lam cung ah a lim hnu ah a pa sin ah a kal cang.
Bawipa nih a bia cu hmual ngeih ter hram she.Amen
Comments
Post a Comment