PATHIAN SIN AH LAWMHNAK BIA CHIM
A zungzal in i lawm u, a zungzal in thlacam u, zei bantuk thil nan ton hmanh ah lunglawm in um u. Khrih Jesuh chung i nan nunning ah hin hitihin nung hna seh, tiah Pathian nih an duh hna.(1 Thes 5:18)(in every thing give “thanks”for this is the will of God in Christ Jesus For You.)
Hi baibal cacaang nih a kan chimh mi cu a zungzal in lawmh le a zungzal in thlacam hi Pathian nih a kan duh piak mi a si ti hi a si.
Zei tin dah zumtu hna nih hin zeitik can paoh ah lawmhnak bia cu kan chim khawh lai.?
Kan chim khawh nak a ruang cu Pathian kha fekte in kan zumhnak,kan bochannak(confidence)kan ngeih ruang ah a si..Khrih cung ah hngatchan ngamh nak kan ngei. I kan hngatchan.Khrih chung ah zeizong vialte tling te kan ca ah a tuah dih cang nak kha kan bochan i kan zumh.lawmhnak bia kan chim khawh nak cu Pathian nih a ka dawt ti kha fiangte in kan hngalh.A cung ah tehte a langhter cang.Harnak tuar lio zong ah si seh thluachuah kan hmuh lio zong ah si seh kan thangthat kho.zei ca ah tiah kan cung ah Pathian tinh mi a ngei mi ah khan bochan nak le zumh feh nak tlamtling kan ngei.
Zei ruang ah dah a zungzal in thlacam kan herh?
Pathian sin ah lawmhnak bia kan chim mi cu Thlacam nak nih hin a tlin ter. Zeithil kong hmanh ah lungrethei in um hlah u. Thla nan camnak ah Bawipa cu nan herhmi kha hal u law nan hal tikah lunglawm tein hal zungzal u. Cun Pathian daihnak, minung hngalhnak a lonhtu nih cun, Khrih Jesuh chungah nan lungthin le nan ruahnak cu him tein a chiah lai.(Filipi 4:6-7)
Kan lungthin le kan ruah nak him te in a chia kho tu thlacam nak a si.Kan lungthin le kan ruah nak daite in a um khawh nak hnga a zungzal in thla kan cam a herh nak a si.Thlacam nak hi Pathian he zei tin dah kan ipehtlai ti a langhter tu a si.Pathian kan zumh nak le kan bochan nak (confidence) a langhter tu a si.Thlacam nak cu zumtu hna kan ca ah thir Cangai(anchor) a si.Kan zumhnak a feh ter.kan bochan nak kha fehthup in a tuah.kan khuaruah harnak vialte kha Pathian sin ah thlacamnak he kan chiah tak awk a si.
Sihmanhsehlaw fimnak(Wisdom) a baumi nan um ahcun, Pathian sinah thlacam seh law Pathian nih a pek ko lai; Pathian nih cun ahopaoh kha zaangfah ngai le siang ngaiin a pek ko hna. Asinain thla nan cam tikah lung awtawm lo tein nan zumh hrimhrim lai. Lung awtawm in a ummi cu thlichia nih a choihmi rili tilet bantuk a si. Cu bantuk mi nih cun, ka halmi kha Pathian nih a ka pek lai, tiah a ruah awk a si lo; lung awtawm in a ummi cu an i tinhmi ah khan an kal ciahmah kho bal lo.(Jeim 1:5-8)
Jeim ca kuat nih fim nak(wisdom) kong a chim.Hngalnak (knowledge) le fim nak wisdom ti hi hi kan thleidan thiam ngai a herh mi a si.Knowledge kan ti mi cu kan hmuh tawn mi ,kan cawn mi kan rel mi in kan theih kan hngalh kha a si.Wisdom ti mi cu a chia le a tha a dik le a palh ti mi thleidan thiam mi pawl hngalh khawh nak le ruah khawh nak kha a si.Kan Baibal nih wisdom tiah a kan cawnpiak bik mi Pathian duh nak hngalh khawh nak fim nak kha a si.Pathian duh ning in khrihminung bantuk in nun khawh kha a si.Jeim nih a kan cawn piak duh piak mi hi Pathian duh nak hngalh khawh nak fim nak kha a chim duh bik mi a si.Cu ca ah mipakhat i a hngalh nak a knowledge kha zei tin dah ka tuah lai,ka hman lai,ka nun pi lai ti mi cu wisdom ti mi fim nak nihbiachah nak a tuah piak.(2timote 3:14:15) Cu bantuk fim nak cu thlacam nak lawng in hmuh khawh a si.Cu ca ah thlacam nak lo in Pathian fimnak co khawh a si lo.Pathian fim nak(duhnak) kan hngalh khawh lo ah cun Pathian sunpar nak kan hnun hmang in a lang kho lai lo.Cu ca ah Pathian fimnak ca ah thla cam hi kan herh mi a si.
Comments
Post a Comment