NUN CU KHRIH A SI

 

                                ZU HI ZUMTU NIH KAN DIN AWK A SI MAW?

                                                                  Rev.Pa Hrang Hmung

 

Cun Bawipa nih Moses cu a chawnh i hi bangin a ti, “Israel mi cu va chim tuah hna, pa nih siseh, nu nih siseh a si khunmi biakamnak, Nazir biakamnak, Bawipa sin i i thleidan awkah a tuah tikah, zu le zureu din awk kha a hrial lai; zu in siseh, zureu in siseh, sermi a thormi zong kha a ding lai lo, cun mitsur hang zong a ding lai lo, mitsur thei zong a ei lai lo, a hring in siseh, a car in siseh.  Aa thleidan chung vialte cu mitsur ruang in a chuakmi thil zeihmanh a ei lai lo, a ci le a hawng hmanh a ei hna lai lo.(Number 6:2)

Nazir biakam nak(Nizirite vow)

Nazir biakam nak atuah tu hna hi Zuding khap a si.Nazir biakam nak sullam cu Isreal mi lak hi biakma a tuah tu hna cu mah duh thim te in Pathian hmai ah ri khiah mi can chung ah nun thiang hlim te in um nun a si .A bik in Pumpak duh thim te in Thianghlim nun cawn a si.Hrew holh in nazirite ti mi cu(Separated one” thlei dang mi ti nak a si.(Number 6:2,13,18-21) chung ah kan hmuh mi cu nizir biakam nak nih hin Pathian nih kan nun nak kha thianghlim nun in a kan hmuh i cohlan kan si khawh nak hnga ca ah tuah ding mi biakam nak a si.Nun thiang hlim ngeih nak hnga ca ah a sang bik mi pumpek nak nun pakhat a si.Nazir ti mi sullam hi Khrih ruang  ah Pathian hmai ah mi ding ah co hlan mi hna cu Khrifabu(The Church) Greek biafang sullam  a dang te in chiah mi   (separated one) he khan a khat mi a si ca ah,Pathian hmai ah thianghlim in hmuh mi hna cu Zu ding lo ding mi kan si.

Tlangbawi hna cu zudin khap a si.Cun Bawipa nih Aaron cu a chawnh i, “Nangmah nih siseh, na fapale hna nih siseh, tonnak thlam chungah nan luh tikah mitsur hang siseh zu siseh nan ding lai lo, nan thih sual nakhnga lo; mah cucu a zungzal in nan tefa hna chan tiangin nawlbia a si lai.(Leviticus 10:8)Jesuh khrih thawng in zumtu vialte cu Pathian he direct in pehtlaih khawh nak a ngeimi tlangbawi kan si dih cang.Cu ca ah Jesuh ruang ah tlangbawi si nak a ngei mi zum tu hna cu Pathian khapmi  Zu cu kan din awk hrim hrim a si lo.

Zumtu vialte tlangbawi si nak a ngeitu vialte hna cu mah te in Pathian sin ah pek chanh nak ngei in thianghlim nun ah aa lawm mi kan si khawh nak hnga pumpak kan thlarau nun hi thlacam nak si seh,Bible cawn nak in si seh kan rel mi Bibal ciahzah nak in si seh Thlarau lei retreat kal nak in si seh kan cawn ding a si.

Samson hi Pathian ca ah Nazir mi a si.Cun Zorah khuami pakhat, Dan phun a simi, a min Manoah a simi cu a um i a nupi cu a cing i fa a ngei lo. Cun Bawipa vancungmi cu minu sinah cun a lang i amah sinah cun, “Zohhmanh, na cing i fa na ngei lo; sihmanhsehlaw fa na pawi lai i fapa na hrin lai. Cucaah i ralring tuah, mitsur zu siseh a thawngmi zu siseh na ding lai lo i a thianglo zeihmanh na ei lai lo, zeitintiah, zohhmanh, fa na pawi lai i fapa na hrin lai. Lu mehnak nam nih a lu a tawng lai lo, zeicahtiah ngakchiapa cu a chuahka in Bawipa ca i Nazir mi a si lai; cun amah nih Israel mi cu Filistin mi hna kut chungin chuah hram a thawk lai,” tiah a ti.(Biaceitu 13:3-5}

Nazirite  lebel in thian ter cang mi samson nun chung in kan cawn ding mi cu kan thian nak a hrawh tu ral nganbik cu  pumpak biachah nak  kan ngeih mi thawn nak hi a si.Porhlawt nak ,lunghakcho nak ,mah le mah lawmh ter nak in a chuak mi a si.Cu hna nih cu Pathian he kan pehtlaih nak a thup mi kan hram pi he a kan then tu an si hna.Satan cu Dlliah bantuk  in Pathian he kan pehtalih nak chat a duh tu a si.Paul nih cu Jesuh dawt nak he zei nih dah kan then khawh lai .(Rom 8:35)

Samson cu Bawipa nih a kaltak bantuk in kan nun a car tawn mi hi a thiang lo mi thilk an tuah ruang ah Pathian nih a kan tak ca ah a si. .(Biaceih 16:19-20)

Samson nu zong Zudin khap a si.sihmanhsehlaw ka sinah, ‘Zohhmanh, fa na pawi lai i fapa na hrin lai; cucaah mitsur zu siseh a thawngmi zu siseh ding hlah, cun a thianglo zong zeihmanh ei hlah, zeitintiah ngakchiapa cu a chuah ka in a thih tiang Pathian caah Nazir mi a si lai,’ a ti,” tiah a ti.(Biaceihtu 13:7)A nu paw chung a um lio in Zu nih a nun a a thur  ter lo.Zumtu nu le pa hna z una din nak nih khan na fa nu fa pa kha  thian lo nun a ser khawh hna ti hi kan hngalh hrim hrim awk a si..Zei ca ah tiah Samson a thian khawh nak hnga ca ah a nu zong kha khap a si.A si na in Samson cu Pathian nih hmaiah a hlei in thian ter a si nak lebel cu  Delliah cung ah a dongh ter.

Pathian a hman mi hna hi a thiang lo bik in Pathian nih a hmuh mi zudin lo nak in thianter an si.Cu Tipil petu Johan ah kan  hmuh.Amah cu a chuah tikah naa lawm hringhran lai i midang tampi zong an i lawm ngaingai ve lai. Zeicahtiah amah cu Bawipa hmaiah mi ngan a si lai. Zu siseh, zureu siseh, zeihmanh a ding lai lo. A chuahka hrimhrim in Thiang Thlarau in a khat lai;(luke 1:15)Khap mi  hrial cu a tha bik mi a si.Johnan hi a chuak ri in thian ter cia si cang.

Zu hi nihsawhnak mi a phorhtu a si,Ritnak zu hi i siknak a si; zu rit cu hruh a si.(Phungthlukbia 20:1)

        Ahodah chimpit vansang in a um tawn? Ahodah a ngaih a chia tawn?Ahodah mi he aa si tawn?Ahodah bia a ngei tawn?Ahodah zei ruang lo ah hma a ing tawn?Ahodah mit sen remrum in a um tawn? 30Zu a camhmi, rim thar he cawhmi zureu a hneksak lengmangmi kha an si. 31Hrai chungah sen kirker tein a um I tleu dildel tein a lang I vun dolh ah nal ngaiin lanh dawh a simi zu khi va zoh hlah.(Phungthlukbia 23:29-31)

 Zu theitlai hi Satan theitlai lawng te an si.Mi nisawh mi si hi a ho hmanh kan duh lo.A si na in kan duh zong duh lo zong ah Nehsawh nak thleitlai a si mi satan thil Zu kan din tik ah nehsawh kan si ko.Mah hngal lo in nun khi neh sawh tawn  a si.Zu hi sik nak Ie i ral nak a si.Hruh a si.Zu le beer cu rawhnak le thih nak thleitlai a chuah pi tu Sivai a si.Fim khurte in um nak nun ca ah ral a si i mi kha hruh nak lei lam pial ter tu a si.Phun dang in kan chim ah cun mah le mah a ser siam kho mi nun nak le lam kha a kan mer piak i neh sawh thlanglam nak a chuah ter tu sivai chia a si.Efeasa 5:18 ah cun zu cu mi hrawktu a si.

 Pathian cu  thleidan a hmang lo mi Pathian a si ca ah Zu a ding mi hi a dawt ko.A si na in Pathian nih amh he pehtlaih nak ah hmanmi Palai Thiangthlarau duh nak a zul mi kha pehtalih nak a tuah .A nun a hrawmh .

Zuri hna he i komhlah,sarammi hna he zong ikom hlah .(phunthlukbia 23:20)Zu a ri mi cu vancung pen nak an co lai lo.(1 Kor 6:10)Zu din cu chim lo ,a ri mihna cu a komh hmanh komh lo ding.Vancungpen nak luh ruah ah zumh nak in Thiangthlarau lam hruai nak he kan nun lio ah Van cung pen nak a kan luh ter kho lo tu rit hmang zu cu a kong hmanh ceih ding kan si lo.