NA CHUNGKHAR AH KIR

 

   

 A NUNGMI PATHIAN BIA

                                            Hebrew 4:12-13

.Pathian bia cu a nung i a thawng. Kap hnih har vainam nakin a haar deuh. Hlang lak in a cheu khawh, nunnak le thlarau an i tonnak tiang, hliahcang le thlik an i tonnak tiang a cheu khawh. Minung lungthin duhnak le ruahnak vialte kha a hngalh dih

             1.A nung

            2.A thawng

            3. Kaphnih har vainam nak in a har  deuh

            4.Hlanglak in a cheukhawh

1.A nung

            o A nung ko kan ti mi hi zei tin dah a si.

            o Zei tin dah Baibal cu a nun

A nung ko kan ti tawn mi cu a chung ah nunnak angei .Thaw a ngei.Ka nung ko tiah kan i theih nak cu kan kan thaw kan chuah i kan thinlung a cawlcangh nak nih hin kan nung ko ti hi a kan theih ter.

o Baibal cu a nung mi a si ti hi zei tin dah kan theih khawh ?

a.      A zungzal in a hmun.(Palm 119:89)

b.      Baibal cu Pathianthaw chuah hnawh mi a si.”Baibal vialte hi Pathian thaw chuah hnawh mi an si”

c.       Thiangthlarau thawnnak thawng in pek a si. (2 Peter 1:20-21)

d.      Thlaici vorhtu bianabia ah thlaici hi Pathian bia a si.vawlei tha ah cin a si tik ah a hung nung.(Luke 8:11)

e.      Pathian bia nih nun nak a kan pek.Palm 119.50b, “Pathian bia nih thlarau lei thawn nak kan ngei khawh nak hnga tha a kan pek.Cu bia cu catlap cung ah a nun khi a si lo kan nun nak chung ah nung i khrih ah a kan than ter.

2. A thawng. Pathian bia cu zei tin dah a thawn?

            Pathian biacu thawn nak a ngei.Cu thawnnak cu minunnak thlenkhawh thawn nak a         ngei.Cu Thawnnak cu a cawlcang.Zeibantuk kum le zeibantuk sining a ngei mi kan si          zong ah Pathian bia nih thlen ter khawh lo mi a ngei lo.

            Isaih 55:11 Cu bantuk cu ka kaa in a chuak mi cu a si ve lai.ka sin ah a lawng in a rak         kir than lai lo.Tuah seh tiah ka fial mi kha atlolh lai lo i,ka thlahhnawh chan mi thil ah khan  a tlam a tling lai.

3.  Zei tin dah Pathian bia cu a har?Kaphnih har vainam cu zei dah a si? Zei tin dah Pathian          bia cu kaphnih har vainam bantuk a si nak

a.      Kan thinlung kha a cheu.Kan nun nak kha thukngai in a a cheu i a thlen khawh.Pathian biakha tha te in kan ngaih tik ah a bia nih cun a kan chimh i kan nun nak kha a thlen.

b.      Kan nun nak chung ah a tha lo mi kha a kan aah piak.Pathian bia nih sualnak kan tuah lo nak hnga a kan bawmh.(Psalm 119:11) Nangmah cung ah sualnak ka tuah nak hnga lo na nawlbia cu ka chung ah ka chiah.

c.       Vainam cu Khuachia kha kan doh khawh nak hnga Pathian nih a kan pek mi hriamnam pa khat a si.(Efesa 6:17b) Thlarau nih an pek mi hna vainam ca ah Pathian biakha I lak u.Pathian bia cu hmual ngei ngai in satan ral doh nak hriamnam a si.

4.Hlang lak in

            Zei tin dah kan lungthin kha hlanglak in a cheu ?

a.      Kan ruah nak kha bia a ceih

b.      Kan i timh mi kha bia a ceih.(Intentions)

Kan ruah mi le kan duh mi hi kan lungthin ah kan thup hna.A ho hmanh nih theih piak khawh kan si lo.Kan thillung chung ah zei dah a cang ti mi hi a ho hmanh theih piak khawh kan si lo.A si na in Pathian nih a theih i cu kan ruah nak  lungthin cu a khen i ngaihchih nak a chuah pi.

Pathian bia nih kan nun a thlen lo tik ah kan thinlung in Pathian bia kha kan ngai lo.Pathian nih kan kan chung lei ruah nak thiante in tawl nak ah a bia kha a hman.Nifa te in kan chungthil kha thianter peng a hau i Jesuh lawh chin leng mang nak hnga thar chuah peng kan hau.(Rom 12:2) Chunglei in Pathian nih nan lungthin kha a dih um nak in in thlenghna seh. Amen.