Baibal chirhchan: (Filipi 1:11) “Jesuh
Khrih lawng nih a kan pek khawhmi ziaza tha taktak in nan nunnak cu a khat lai
i cucu Pathian sunparnak le thangthatnak caah a si lai.”
1.Ziaza tha
“Bawipa a lawmhtertu thil kha kawl i zuam
u. Santlai lomi thil, khuamui thil, mi nih an tuah tawnmi kha tuah ve hna
hlah u” (Efasa 5:10).
Paul nih Efesa khua khrifa bu Pathian mi hna le
ceunak chungah a ummi hna caah a chimmi bia a si. Hi bia nih a langhtermi cu
Nunzia chungah hin Bawipa a lawmhtertu ziaza le a lawmhter lotu Pathian zong
nih a theih bak lomi ziaza a um ko ti hi a fiangmi a si.
Minung hi Bawipa hmai ah kan tha kho maw. Kan nun
hi Bawipa a lawmhter khotu a si maw ti ahcun ca thiang nih “Kan dih lak in mi
sual kan si kan thil tuahmi a tha bik kan timi hmanh hi puachia fih nung a si”
(Isaih 64:4). Atha bik kan i zaummi kan ziaza hmanh hi Pathian caah fih nung a
si ahcun ziaza tha nih Pathian a lawmhter kho lo ti a fiang.
Mi vialte hi thaw bantuk menmen nan si. A thi khomi
minung hi zeihmanh an man lo. Cuaithlainak chungah chiah hna u law zeihmanh an
tlai lai lo. Thawnak hmanh in an zang deuh” (Ps 62:9-10). Pathian hmai ah man
kan ngeihnak pakhat hmanh a um lo tinak a si.
Kawl nih an ti mi kha Kuhto tape Ngaze tapita.
“Nawlbia chung bia pakhat a buarmi cu nawlbia a
dihlak in a buar a si ko. Zeicahtiah “Vacung in pa i duh hlah,” a titu
thiamthiam nih cun pei, “Lainawng hlah,” a ti cu. Vacung in pa naa duh lo hmanh
ah lai na nawn ahcun nawlbia buartu na si thiamòhiam ko (James 2:10).
Cucaah kan mihring sinak ziaza hi Pathian a
lawmhtertu le a cohlang mi a si hrim hrim lo. Thiltha a tuah khotu kan si hrim
hrim lo tinak a si.
Sihmanhsehlaw Cathiang nih a chim bang khan,
“Porhlawt a duhmi nihcun Bawipa nih a tuahmi kha i porhlaw ko hna seh,” Zei
cahtiah mi cu amah le amah kha ka tha tiin aa ruah tikah hin Pathian nih a
cohlan a si lo i Bawipa nih a tha ti in a ruah lawngah hin a cohlan a si (2 Kor
10:17).
Jesuh nih a chimmi keimah sin dah ti lo cu pa sinah
ahohmanh nan phan kho lai lo. 2 Kor chung ah Mi zei hmanh hi khrih he a
pehtlaih tik ahcun mi thar a si. Nun ning hlun kha a lo cang. Nunning thar kha
a thawk cang (2kor 5:17).
Cucaah khrih he pehtalih nak thiangthlarau
hmelchunnak Pathian fa sinak ngeih cohlan mi nunzia chung ah a chuakmi ziaza hi
Pathian a lawmhtertu ziaza a si. Cucaah Paul nih nun cu khrih a si ko a
ti. duhnak nun cu Khrih lawng lawng a kan pek khawhmi ziaza tha
tak tak Pathian a lawmhtertu nun zia Cu nun cu cu khrih a si ko ti khawhmi nun
a si a timi chungah pakhat a tel vemi a si.
Khi tikah annih cu ka thawh hna lai i, ‘Nannih cu
aho nan si kha kan hngal bal hna lo. Kal ko u, that lonak a tuahtu hna,’ tiah
ka ti hna lai. (Mathai 7:23).
Khrih Jesuh tel lo that lonak nun thing cu Pathian
hmai ah mi thalo a si zungzal a ti duhnak kha a si.
7.1.2021 ah chimmi a
si.
Comments
Post a Comment