Thluachuah phunhnih kong chim ka duh. Van thluachuah le Lei thluachuah
1. Vawlei
thluachuah cu mivialte pek a si.
2. Van
thluachuah cu a zummi hna lawng pek a si.
3. Vawlei
thluachuah cu cantawi chung ca lawng a si.
4. Van
thluachuah cu zungzal caah a si.
5. Vawlei
thluachuah cu mit in hmuh khawhmi thilri an si.
6. Van
thluachuah cu mit in hmuh khawh lomi ah khin a um.
Thluachuah hi a ho poah nih kan duh dih. Thluachuah
hi kan caah a tha dih. Asinain a tha deuhmi a um. Pathian nih a kan duh piak
deuhmi a um. Cucu van thluachuah a si.
Thluachuah a ngeitu cu Pathian or Jesuh or
Thiangthlarau a si. Kan Baibal chungah thluachuah cu thinlung chung ah thei
bantukin a tlai i thangthatnak he Amah Pathian sinah a kir thanmi kha a si.
1. Leithluachuah.
Cuticun Pathian nih minung cu Amah mui lo in a ser,
minung cu Pathian mui in a ser hna. Mipa le minu kha a ser
hna. Thluachuahnak a pek hna i, “Tefa tampi in ngei u law nan tefa
cu vawlei cung khuazakip ah khat hna seh, cun annih nih vawlei cu uk hna seh.
Nannih cu nga cung le va cung le ramlak saram a hme he a ngan he an dihlak cung
i nawlngeihnak kan pek hna,” a ti. Nan ei awk caah thlai phun kip le
thei phun kip kan pek hna (Genesis 1:27-28).
Hi pawl hi vawlei thluachuah an si i hal hau lo zumh zong a hau lo pek
cia pawl an si. Inn sak na duh ahcun na sak ko. Na cawk ko. Kanmah khrifa mi
lawng hlah zumlo tu hna zong nih an sak. Inn thar na hmuhmi inn thluachuah a si
lo. Nangmah nawl in na tuah khawh na kawl khawhmi lawngte an si. Hi bantuk na
hmuh tik ah Pathian cu tleidan a ngei lo i a ka dawt tuk tiah ruat sual hlah.
Thilri ah na hna ngam hlah hi thluachuah hi cantawite ca lawng a nguh mi vawlei
thluachuah an si i Pathian hmaiah a dawh mi an si lo. Asinain cu vawlei
thluachuah cu Bawipa pekmi a si timi kha na zumh i na thinlung chung ah thei
bantukin a tlai i Amah lei thangthatnak he a kir than mi lawng kha Pathian
thluachuah kan ti khawhmi a si. Cu bantuk thluachuah cung ah Pathian a lawm. Thilri
cung ah si loin thluchuah ngeitu Pathian cung lawmhnak bia a chimmi cu van
thluachuah a comi an si.
“A zuang lengmangmi va khi zoh tuah hna u: thlaici an tuh bal lo, rawl
an urh bal lo, buk zongah an rawn bal lo; sihmanhsehlaw vancung i a ummi nan Pa
nih a zohkhenh ko hna. A si ah, nannih cu va nakin nan biapi deuh lo
maw? Nan lungre a theih le nan awlok a chon thawngin nan nunnak tlawmte
tal a sauter kho deuh mi aho tal nan um maw? “Cucaah zeicahdah hnipuan kong ah
nan lungre a theih? Ramlak i a khomi lili pangpar khi zoh tuah hna ngat u: rian
an òuan lo, hnipuan zong zeihmanh an i tah lo. Sihmanhsehlaw hihi kan
chimh hna: Siangpahrang Solomon hmanh kha, kha tluk khan a rum ko nain hi
pangpar hna lak i pakhat tluk hmanh hin aa dawhmi hnipuan a ngei lo. Sihmanhsehlaw
ramlak ramkung, nihin ah a hring i thaizing ah meichung i an paihmi ramkung
hna, a thuamhtu cu Pathian pei a si cu.
Solomon rumnaknak cu ni hin vawlei mi rum hna nih a phan lo kho men.
Vawlei biakinn tha bik a sak. Sui le ngun le lungvar man sung in a tamh.
Asinain Jerusalem biakinn voihnih tiang a rawk. Kum 70 hnu ah a rawh lio hna ah
cun Biakinn lawng si lo in minung 1.1 million an thi cu hmanh ah cun Judah mi
an tam deuh. Zei tluk in i dawh ko hmanseh law a rawk ko. A hmun lo. Vawlei thluachuah
kan timi rumnak le thilri hna cu can tawite ca lawng a si. Pathian hmai ah cun
lily pangpar tluk in dawhnak a ngei lo. Pathian cu a rawk maw a rawk lo. A
dawtnak a rawk maw a rawk lo. A rawk kho lomi Pathian a dawtnak kan co hi rawk
kho lomi vanthluachuah cu a si.
2, Van thluachuah
Pathian bia bantukin a nungmi hna hi vanthluachuah a hmumi an si.
Pslm 128:1 Bawipa a tihmi cu mi lunglawm an si, a nawl a
ngaimi cu mi lunglawm an si. Rian na tuan tikah nangmah pawcawmnak khim na hmuh
lai i na lung aa lawm lai khua awng na pem lai. Na nupi cu na inn chungah a
thei a thami mitsur ruang bantuk a si lai, na fapale nih oliv thing tuaino
bantukinna cabuai kha an kulh lai. Bawipa nawl a ngaimi cuhi bantukin
thluachuahnakan hmu hrimhrim lai.Hi thluachuah hi thilri ai tel lo. Chung nun
nak in a sersiam mi thluachuah a si caah vawlei in vantiang i kaipi dingmi
vanthluachuah kha a si.
3, Jesuh pekmi nunnak a ngeimi cu vanthluachuah a hmumi a si.
Cucaah cun nan nunnak ding ca i nan herhmi rawl le ti kong ah le nan pum
ca i nan herhmi hnipuan kong ah lungrethei awlokchong in va um hlah u, kan ti
hna. A ngaingai ti ahcun, nunnak hi rawl nakin a biapi deuh lo maw? Cun pum
zong hi hnipuan nakin a biapi deuh lo maw? (Mathai 6:25).
Jesuh nih cun, “Biatak kan chimh hna: nan ka kawl hi thawnnak in ka
tuahmi thil nan hngalh caah khan a si lo; nan duh zat in changreu nan ei caah
khan a si ko. 27Hi a rawk khomi rawl caah hin tuan hlah ngat u, a
hmunmi rawl, zungzal nunnak rawl caah ta nan tuan. Hi rawl cu Mi Fapa nih hin
kan pek hna lai, (Johan 6:27).
Nunnak hi ka caah zeidah a si? Kei ka caah cun nunnak cu Khrih a si ko.
(Filipi 1:23). Thluachuah lak ah a rawk kho lo mi van thluachuah a si. Vawlei
in van ah kan i kal pi ding thluachuah a si.
4. Thiangthlarau nih a hruaimi hna cu van thluachuah a hmumi an
si.
Nannih zong cuticun nan si ve: khamhnak an phorhtu hna Thawngtha biatak
kha nan theih tikah Khrih kha nan zumh i Pathian nih a ta nan si hmelchunhnak
cu nan cungah a khenh; cu hmelchunhnak cu bia an kamhmi hna Thlarau an pek hna
hi a si. (Efesa 1:13).
“Hi vialte hi nan sin ka um lioah hin kan chimh hna, sihmanhsehlaw
ka Pa nih ka min in a run thlah laimi Bawmtu, Thiang Thlarau nih cun
zeizong vialte kha an cawnpiak hna lai i kan chimhmi vialte hna kha nan
lung an pemter hna lai.
“Daihnak kan chiahtak hna, keimah daihnak cu kan pek hna. Vawlei nih an
pek hna bantukin kan pe hna lo. Lungrethei le vansang au in um hlah u: nan thin
zong phang hlah u. (Johan 14:2&) Cu bantuk in a nung mi hna cu van
thluachuah a hmuhmi a sii arawk kho lo mi a si I vawlei in van ah an i kal pi
ding mi van thluachuah asi. lungthin thar kan pek hna lai i thlarau thar
nan chungah ka khumh lai. Nan pum chungin lung bantukin a hakmi nan lung kha ka
lak lai i titsa bantukin a nemmi lung kha kan pek hna lai. Ka
thlarau cu nan chungah ka khumh lai i ka nawlbia he aa tlak in kan umter hna
lai i ka phunglam zulh in nan nung lai. Nan pupa ka pekmi hna ram chungah
nan um lai i nannih cu ka mi ah nan i cang lai i kei cu nan Pathian ah ka cang
lai (Ezakiel 36:26).
Cu bantukin thiangthlarau nih an lungthin a ukmi hna cu van thluachuah a
hmumi an si vawlei in van tiang tiang an i kalpi dingmi thluachuah a si.
Asinain Thiang Thlarau nan cung i a tlun tikah cun, thawnnak in nan khat lai i
Jerusalem khua le Judea ram vialte le Samaria ram ah le vawlei cung khuazakip
ah ka tehte nan si lai (lamkaltu 1:8).
Ni hin thim ding pahninh kan ngei Pathian sin in a ra ve vemi Vawlei
thluachuah le Van thluachuah ah hin zei dah na thim lai. Atu hi fiang can a si
i thiangthlarau nih i fianter hram hna seh. Amen
Comments
Post a Comment