Taksa nih a sermi nun le Thiangthlarau nih a chuahpimi nun
1.Thiangthlarau nih a chuahpimi nun vialte hi taksa
zong nih a tuah khawh ve. Tahchunnak ah dawt nak, lawmhnak, hnangamnak
zawnruahnak hna hi an si. Asinain tak sa chung in a chuakpimi nunnak vialte hi
Pathian hmai ah an thi i Thiangthlarau nih a chuahpimi vialte cu Pathian hmai
ah an nun bantukin zungzal in a hmun fawn. Paul nun kan zoh tikah taksa nun in
Thiangthlarau nun ah Jesuh thihnak le thawhthannak zumhnak thawng in taksa nun
ah, Thiangthlarau thawng in serthan nun a ngeimi pa a si. Taksa nunnak sining in
Pathian fa sinak nun a kengtu Thiangthlarau nun lei ah serthanmi pa a si.
Cu tikah a hlan i taksa a nun tawnnak nih a hmuhtermi thil vialte le
nunnak vialte cu ceunak le muihnak a i dan bantukin si seh, a sen le a nak ai
dang bantukin a nun chung ah amah le amah a fiantuk caah kei ka nun cu khrih a
si tiah fiang taktak in a chim khawhnak hi a si. Dawtnak kong a chim tik ah
Thiangthalarau lei dawtnak zawn ruahnak, thlacamnak, pekchanhnak, inturnak
vialte cu Thiangthlarau in a si caah an i dang tuk cang. Cu hna a fiannak aa
thawknak hi Van in a rami Ceunak ruang ah a si.
Damaskas khua a hei fuh lio, khua pawng a phak ah khin, chikkhatte
ah van in ceu pakhat nih a velchum in a run ceuh. Vawlei ah a tlu i
aw pakhat nih, “Saul, Saul, zeicahdah na ka hrem?” tiah a ti thawng kha a theih
(Lamkaltu 9:3). Cucaah Paul nun a fiantertu, a thlengtu hi van in a rami
ceunak kha a si. Hi ceunak cu a nunnak a fianter khotu ceunak a
si. Hika zawnte hi lak ko u sih law, Saul saul zei cahdah na ka hrem tiah biahalnak
pakhat in Jesuh nih a bia a thawk. Paul nih Jesuh hi a hrem bal lo. Asinain
Steven cu a hrem. A hung i fiangmi cu Steven chungah a nungmi Jesuh kha a si i
a bia chim le dawtnak a tuahmi vialte hi Jesuh Chung in a chuakmi lawngte a si
caah Khirh nunzia in a nungmi Steven doh cu Jesuh hrem a si ti kha a hung i
hngalh. Steven ka in a chuakmi Pathian bia doh le thah cu Jesuh doh le hrem a
si ti kha a hung i hgalh.
Hi a fiantertu cu van in a rami Pathian ceunak kha
a si. Pathian sin in a rami ceunak cu kanmah sualnak a kan hmuhtertu a si. Tasa
ceunak cu mi sualnak le mi tlamtling lonak hmuhtu a si. Mi zeihmanh hi Khrih he
an i pehtlaih tikah cun mithar a si; a nunning hlun kha a lo cang, nunning thar
kha aa thawk cang. Hi thil vialte a tuahtu cu Pathian a si (2
Kor 5:17-18).
Cu lawng cu an si lo, a dang vialte zong kha sungh
cikcek ah ka rel hna, cu thil hna nakin a sung deuh tukmi ka Bawipa Khrih Jesuh
hngalhnak ruangah cun sungh cikcek ah ka rel hna. Khrih cu ka co khawh nakhnga
le Amah he cun kan i pehtlaih khawh nakhnga, Amah ruangah cun zeizong
vialte hi ka hlonh dih hna, an dihlak in hnawmtam ah ka rel hna. Keimah
dinnak timi, Nawlbia zulhnak thawngin hmuhmi phun kha, ka ngei ti lo, atu
cu Khrih zumhnak thawngin pekmi dinnak, Pathian sinin a ra i zumhnak
chungah aa bunhmi dinnak lawng kha ka ngei cang. Ka duhmi cu Amah
Khrih hngalh le a thawhthan thawnnak hmuh ve le temhinnak a inmi in ve le Amah
thih bantukin thih ve lawng hi a si cang, cun kaa ruahchanmi cu thihnak in
nunnak ah thawhter ka si lai (Filipi 3:9-10).
Nunnak cu khrih a si ti nunnak cu Pathian sinin a
rami ceunak chung ah nun in Tasa (Satan) chung in a rami Pathian duhnak hmuh
khawh lonak le mah le mah i hngalh thiam lonak muihnak chung ah um lo kha a si.
Zeicahtiah Pathian ceunak cu Chung
lei ceunak in leng lei thil kha a ser. A sinain Satan nih cun Leng lei thil
muihnak thil in Chung lei nunnak kha a hrawh. Cucaah Jesuh nih hin Muihnak
chung um hi a kan duh lo i Ceunak mi si hi a kan duh.
Jesuh nih an nih cu a thawh than hna i, “Kei cu
vawlei ceunak ka si. Keimah a ka zummi paoh cu nunnak ceunak kha an ngei
lai i mui lakah an vai lai lo,” tiah a ti (Johan 8:12). Jesuh nih cun,
“Nan sinah hin ceunak cu tlawmpal chung cu a um ko rih lai. Ceunak nan sin
i a um chung cu, muihnak nih an phanh hna nakhnga lo, hmailei ah kal lengmang
ko u; zei cahtiah mui lak i khual a tlawngmi cu khuazei i an kal kha an i
hngal tawn lo. Ceunak nan ngeih lioah cun ceunak cu i bochan ko u, ceunak mi
nan si khawh nakhnga,” tiah a leh hna. Cu bia a chim dih in Jesuh cu lodiam in
a kal i a va thup (Johan 12:35) a ti.
John Piper nih a chimmi pakhat cu Jesus speak from
God and for God as God, a ti i Jesuh ah kan um lo paoh ahcun muih lak ah kan um
tinak a si a ti.
Sukkoth khua cun an i thawh i thetse ram a ramri i a ummi Etham khua ah
khan an riak. Chun ah Bawipa cu
an hmaiah minmei tom in annih kha lam hmuhsak awkah a kal i zan ah an hmaiah
mei tom in annih kha ceunak pek awkah a kal, cucaah cun zan zongah
chun zongah an kal kho. Minmei tom cu Israel mi hna hmaiah khan chun ah a
um zungzal i mei tom cu zan ah a um zungzal ve (Exodus 13:20-22).
Paul nih a rak hmuh mi ceunak hi Pathian a si Jesuh a si. Mei kong ka
chim tikah hin paul bantukin mei ceunak nih an kah lo ahcun ka ti duhnak a si
lo. Ka chim duhmi cu Pathian ceunak cu na chung ah Thiangthalarau in a um cang
caah na kalnak le na nun chung ah laklawh nak na ngei lo i cu ceunak nih cun an
hruai lai ka ti duhnak kha a si.
Pathian sin ah a rami ceu nak in nun i fian cu Pathian hruainak lam ah
kal peng khawhnak a si. Zei ruangah dah ceunak a ser ciami cung ah ceunak cu a
pek chap hna aa timhnak hmun an phak khawh nakhnga thleidan in a pekmi hnanak a
si. Isreal mi a si lomi hna sin zong ah cu ceunak cu a um ko. Asinain cu ceunak
cu Pathian kamhmi ram kal pi khi tu ceunak a si lo. Chun ah minmei cu naidem
tha damnak a pek khotu a si. Pathian ceunak nih cun na re a theih tuk lio
hlinglak so lak le ral lak ah na um lio can ah nan nunnak a daihtertu le ral
thatnak an pek chintu ah si lai.
Puan Biakinn kong kan chimmi ah khan Isreal mi hna cu, cu Puan Biakinn
velchum ah an um hna. Zan ah mercury mei hau loin Pathian nih mei
cio a pek hna. Tetse ram a si caah mi thih lak in a seh khotu kingmekauh bantuk
a tam tuk. Cu vialte kha an hmuh khawh i an hrial khawh hna ding ah le a that
zong an thah khawh nakhnga caah a si. Kan caah har kan ti tawnmi thangchiat nak
le a kan thangthat tik ah a kan thangthatnak hi a hman dih lai lo
bantukin a kan thangchiat vialte hi a hman dih lai lo. Minung lei hmuhnak lawng
a si i zumh sual ah cun tluknak rilh nak lawng te an si. Asinain Pathian bia in
nangmah le nangmah na fian i na thelidan khawh ding cu a biapi tuk. Fiannak an
pe khotu cu Pathian ceunak kha a si.
Pathian sin in a rami ceu kha kan caah kan hman i lam a
kan hruai tik ah muih lak ah a ummi bantuk si loin Amah duhnak lam ah a kan
hruaitu a si i kan ral a kan fianter khotu zong a si. Muih lak ah kan um tik ah
cun kan ral le ka hawikom kan thlei dang thiam lo caah kan ral a simi hna hi
hawikom ah kan ruah sual caah a donghnak ah pumsa thlarau a kan thahtu an si ko
lo maw? Paul nih nun cu khrih si ko tiah a fian bikmi cu Thiangthlarau ah
sertharmi a si Taksa nun hlun vialte an lo i Thiangthlarau mei ceu nih Pathian
duhmi lam ah hruaimi nun thar aa thawk tik ah kei ka nun cu khrih a
si a ti khawhnak a si.
Cucaah (Isaih 2:5) chung ah Jacob tefa hna, Bawipa nih a kan pekmi
ceunak chung ah cun i chawk cang u sih. Jesuh nih a chim rihmi mei an van tik
ah aho hmanh kho an khuh bal lo a timi hi Khrih Amah ceunak in nun kha a chim
duh mi a si i Paul nih kei ka nun cu khrih a si timi nun cu a ceunak chung ah
nun kha a si.
Pathian nih thluachuah pek chin ko seh. Amen
Comments
Post a Comment