Keren Peck le Newriver sakmi Four days late (Ni li
a luan cang) “My God is great, when He’s four days late, He still on time!”
1. Lazaruh
thih nak
Pumsa thihnak hi Jesuh ah cun nunnak le thawh
thannak le khuaruah harnak in a khat (Johan 11:28-44). Mary cu Jesuh sin ah a
vatli i Bawi pa hi ka hmun ah hin nangmah rak um law atu tiang a dam ko hnga.
Asinain ni li na luan cang. Ruah channak vialte an lo dih cang. Zei ruangah dah
hi tluk in a rauh ti mi hi May caah cun a ruat kho lo. Dawt lo le zawnruah lo
ah a ruah. A mawh lo. Zei cahtiah a tta pa cu a zaw hmanh a si lo a thi. A thih
hmamh a si lo. A thi i an vui i ni li a si cang. Asinain hi lam hi Pathian lam
a si. Nangmah le kei mah ta an si lo. Zohmanh u zei tluk in dah khuaruah har a
si. Ni li a luan cang nain a can khel te in a phan ko.
Jesuh nih Mary kha thlan hmun khua zei ah dah a si.
Asinain Bawipa na thei thiam lo Ni li a si cang a ti minung leikap i Mary
ruahnak le hngalhnak kha Jesuh nih a theih ko. Asinain Pathian hmuh ning le
minung theihhngalh khawhnak aa dannak kha Mary nih a hngal lo. Jesuh a hnawh
hlei lo. A ruah ciami kha a si ning tein a tuan ko. Thlan lung vialte cu an
thial dih Lazaruh hung chuak tuah a ti, mi cheuh khat nih a nung a nung an ti.
Tihnak le phannak ah na um sual maw. Pathian auh
tuah, Kan herh tuk Bawipa na ti lioah asinain a mui a dei lo can a
um lai. Nangmah nih hnawh na duh a sin a in Pathian cu Amah programme ning tein
kan caah a tuan tik ah hin a a tlai bal lo. Cucaah na thin phang hlah a rauh
hlan ah na sin ah a phan lai. Na caah a khar mi lung pher kha an thialpiak lai,
Na min an auh lai Ni li a luan hnu le na ruah channak an um ti lo hnu ah khan.
2. David fa pa Beshber he an ngeihmi a thihnak ah
cawn dingmi Pathian sunparnak (2 Samuel 12:15). Cun Bawipa nih, Uriah
nupi nih David a hrinpiakmi fa cu a tuk i a zaw. Cucaah David
nih Bawipa kha ngakchia caah cun a nawl; cun David cu rawl a ul i a
lut i vawlei ah zan khuadei a ril ko. Cun inn chung i upa hna nih khan
amah cu vawlei khan thawhter awkah a pawngin an dirhnawh; sihmanhsehlaw a tho
duh lo, anmah sinah rawl zong a ei duh lo. A ni sarihnak ah ngakchia cu a
thi
Hi ka zawn ah Pathian bia ah kan cawn ding mi
pakhat cu a duhmi a pek lo nain a fiang tukmi a phi a pek. Fa pa damnak ding ah
thla a cam asinain a thi. Kan halmi si loin kan caah a tha bik dingmi a kan pek
tawn caah cu a kan pekmi zong cu kan fian a hau. Kan fian lo tawn tik ah
pingpang ah kan kal i kan pum le kan ruahnak a hrawh tawn. Cu bantuk fian
khawhnak ding caah cun harnak kan tawn tik ah thlacam a herh tuknak, lawmhnak
kan tawn tik zongah thlacam kan herh tuknak a si. Thlacamnak nih kanmah ruah
nak in biakhiahnak kan tuah sualnak hnga lo a kan cawnpiak Pathian nih kan
tawnmi chungah fiannak a kan pek caah hngangamnak le lungsi hnangamnak a kan
pek. A fa thihnak chung ah lungawtawmnak a ngei ti lo.
Cun David cu a sinum hna nih khan ngakchia a thih
kha a chimh an tih, Zei cahtiah ahcun ngakchia pawng ah a thumi an si a
thlopbultu an si. A nunnak ding caah an i zuam a si na a thi. A tih tukmi an
duh lo tukmi thihnak kha an a tawn. Zei hmanh nih pah kho lomi ngeihchiatnak a
si. Asinain David cu harnak chung ah a um lo, zawtnak chung ah a um lo. zawtnak
le harnak chung in luatter khotu Pathian sin ah a nunnak dih lak pek in bawmh a
hal. David a phi a hmuh. Thih an duh ve velo nain a thihnak ah i khat hna hmanh
seh law thihnak a pin lei ah an hmuhmi a phi a khat lo. Daid cu a kholh i
sathau a thuh rawl a ei. A kholhnak nih a langhtermi cu khuaruah har lung
reitheihnak vialte Pathian nih a phorhpiak dih ti a fiang zangkhai
tein a nunnak chung ah thil rit a ngei lo. Sathau aa thuh timi nih a langhtermi
cu Thiangthlarua tu in a khat deuh in Thlarau thazang tu a thawng deuh leh lam.
Rawl a ei. Rawl cu thaazang a si. Thathawn deuhnak tu a si.
Harnak kan tawn tikah Pathian sin kal loin kan
chimh lo i thla kan cam lo tik ah a donghnak ah depresssure, stress, suicide
tiang phak khawh a si. Kan thil a rit peng. Cucaah thlacamnak hi Kan herh tak
takmi cu a si.
Bawipa inn chung ah a lut. Pathian kha a biak, a
har tukmi thihnak kan tuar can ah Pathian thangthat nun a kan pek khotu cu i
fian nak a si. Zeicahtiah David nih a chimmi cu Keimah cu a sinah ka kal te
lai. Amah cu ka sinah a rak kir than ti lai lo.
David nih hin khua zei ah dah ka thih hnu ah ka kal
lai ti a fiang pin ah a fa pa hi khua zei ah dah a um ti zong a fian tuk caah
thihnak cu a caah fak bik rak si loin a nun a fiantertu leh lam a si.
Comments
Post a Comment