Baibal cherchanh: Filip 1:16
Pathian nih Thawngtha tanh awk rian cu a ka thiah
kha an hngalh caah, cu bantuk lungthin thiangte he a chimmi hna nih cun, keimah
an ka dawtnak lungthin chung khan an chimmi bia cu an chim.
1.Thawngtha(1:16a) kong ka chim cang.
Thawngtha kong hi fian kan hau. Thawngtha kan timi
cu kan i ruahchan ngam lomi leng ah kan caah a thatuk mi, kan tuah khawh lomi
kan co ti kan i theih tik ah thawngtha tiah kan ti. Kan phulo kan tawk lo khrih
ruang ah khamh kan si nak thawngtha,khrih dawtnak thawngtha, nun nak in thih
nak ka hmuh mi thawng tha a ho ca hmanh si loin ka caah, mi kong a
si lomi khrih nih keimah a ka dawtnak kha mi vialte sin
ah chimphuang le hngalhter kha a si.
An hngalh ca ah (Filipi 1:16c)
Paul nih an hngalhnak cu, Pathian nih voi dang i a um tawn lomi
khuaruahharnak kha Paul hmang in a tuah. A pavuah le a hngawngngerh hna
hmanh kha mizaw sin i an hei kalpi hna tikah an zawtnak kha a dam i an chungin
khuachia kha an chuak. Judah mi a cheu khuachia thawl i aa chawk
lengmangmi hna nih khan cu khuachia thawlnak ah cun Bawipa Jesuh min kha an
hman ve. Khuachia cu an thawh hna i, “Paul nih a chimmi Jesuh min in chuak kaan
ti,” an ti hna. Cu bantukin a tuahmi cu, Judah mi Tlangbawi Ngan Skeva
fapa pasarih an si. Sihmanhsehlaw khuachia nih cun a thawh hna i, “Jesuh cu ka
hngalh i Paul zong cu ka hngalh, sihmanhsehlaw nannih cu ahodah nan si?” tiah a
ti hna. Khuachia a ngeimipa nih cun a thuat ciammam hna i a tei hna i hmapu le
an puan tlek dihlak in a inn cun an zaam. (Lamkaltu 19:11-16) Cu ca ah
Paul cu Pathian nih a hngalh lawng si lo in minung cu chim lo khua chia hmanh
nih Pathian hman mi a si kha an hngalh.
2.Thawngtha Tanh awk rian (Filipi 1:16 b).
Pual nih hin thawngtha a tanhtu a si hi tanh timi cu zei
dah a si kha fiangte in a hngalh hnu ah mi nih an fiannak hi a si. Khua zei ah
dah kan hmuh khawh ti ah cun kan tan tuknak ah khrifabu hmanh kha ka hrem
hna. Asinain khirh khamhnak ka co hnu ahcun kha vialte kha palh tanh ah a si
kha ka fian tuk cang.
Cucaah khrifa dih lak hna nih hin tanhmi palh in nun chung palh peng
ding hi tih a nung tukmi a si. Joshua nih a hmai ah ral bawipa a hmuh tik aho
lei tan dah na si tiah a hal bantukin na tanhmi zei dah a si ti kan i fiang a
hau ve. Paul nih ka bochanmi cu aho a si ka hngalh a ti. (2
Timote 1:12)
Jesuh nih “Keimah a ka tanh lomi cu a ka ralmi an si; pumhkhawmh a ka
bawm lomi cu thektu an si. Cucaah hihi kan chimh hna: minung hi sualnak
zeipaoh an tuahmi le thil thalo a chimmi cu ngaihthiam khawh an si ko lai;
sihmanhsehlaw Thiang Thlarau ralchanh in bia thalo a chimmi cu tu chan ah siseh,
hmailei chan ah siseh, ngaihthiam khawh an si lai lo. Mi Fapa ralchanh in
bia thalo a chimmi cu ngaihthiam khawh an si ko lai; (Mathai 12:32).
Pathian bia lo ning in an chimmi na theih tik na thin a hung maw. Na
thin a hung ahcun Pathian na tanh a langhtertu a si lai. Thlarau rian tuannak
an doh tik ah siaherhnak na ngei maw. Pathian bia tak a chim lomi na thei kho
kho maw. Aho hmanh kan tlam a tling lo asinain tlamtling lo i hngal i khri panh
i fiang hi biatak tanh a si. Thawngtha tanh cu a si.
3.Thawngtha ngaihtu dir hmun le chimtu dirhmun
Paul hi Khamh a fiang bakmi a si ti cu kan phlh lo ding a si. Asinain mi
tawn ciomi kha a tawn ve. Cu lak ah Khrih thanwgtha tanh cu a si ruangah Rom
thawng ah thawng an thlak lio ah a dawt tukmi Filipi khrifabu ah a um lo kar
thawng tha chimtu le tam pi nih Paul zong kha sual a phawt i khrifa bu an lung
an i let nakhnga a lemmi an um bantuk in Paul le tanh in thawngtha lei tanh in
thawngtha a chimmi an um ve. Cu bantuk dir hmun ah khrih nih a ukmi Paul nun nih
chimtu le ngaitu dir hmun a langhter mi kan hmuh hna.
Pathian nih Thawngtha tanh awk rian cu a ka thiah kha an hngalh caah, cu
bantuk lungthin thiangte he a chimmi hna nih cun, keimah an ka dawtnak lungthin
chung khan an chimmi bia cu an chim. Sihmanhsehlaw a dang hna nih khan
cun, keimah entai ruangah lungthin thianglo in Khrih kong kha an chim i thong i
a um chungah hin harnak nih chuahhnawh chin lengmang seh ti duhnak in an chim.
Zeihmanh a poi lo! Khrih kong chim a si paoh ahcun kaa lawm ko tinhmi
tha in a si zongah, tinhmi chia in a si zongah kaa lawm lengmang ko
lai. Zeicah ti ahcun, nan thlacamnak thawng le Jesuh Khrih sinin a rami
thlarau bawmhnak thawngin luatter ka si lai, ti kha ka hngalh. Ka duhnak
ngan bik le si kho seh ti ka duh bikmi cu, ka rian hi a tlam tlinh kho ning ti
hi a si i a zungzal in, cun atu thengte chinchin ah hin, ka nun zongah ka thih
zongah, ralòhatnak in khah i ka pum hrimhrim in Khrih cu upatnak pek kha a
si. Nunnak hi ka caah zeidah a si?
Paul Hi Pathian bia a ngaih tik ah a mah lei i Pathian a fian nak le a
lawmh pinak tha zang he thawng tha a ngai ti hi a fiang. Cucaah Thawngtha a
chimtu a biapi bantukin a ngaitu zong hi kan bia tuk ve. A ngaitu a biapinak cu
Pathian bia hi nangmah le keimah duhnak lawng hi a si lo i a kan sertu ding ah
Pathian nih a hman mi Pathian bia a si ti hi kan philh lo ding a si. Vawleihi a
bia pi tuk. Cu tik ah a ngaitu hna nih kan herhmi cu zei bantuk hi dah ka
nunnak a si ti kha duhnak nganpi le i sersiam duhnak lungput in a ngaitu tu kan
si hi a biapi tuk.
Cu he peh tlai in Jesuh nih nu pahnih thawngtha a chimh hna i an i lakmi
dirhmun hi kan zoh tuah lai. Nikodemu nih cun, “Zeitindah cucu a si
khawh lai?” tiah a ti.
Jesuh nih cun a thawh i, “Nang cu Israel mi cawnpiaktu saya ngan na si i
hi hmanh na hngal lo maw? Biatak tein kan chimh: kannih cu kan hngalhmi
kha kan chim i kan hmuhmi kha tehte kan khan (Johan 3:9-16). Jesuh nih Nikodimu
a timi bia hi a fak ngai ngaimi a si. Taksa lei ruah ah cun nehsawh a si ti
khawh a si. Asinain Nicodimu nih cun theih chin chinnak le nun sernak tu ah a
hman khawh ca ah a caah a herhmi a hmuh. A herhmi a hmuh ti a fianter tu cu a
bia chimmi ah hin a lang. Jesuh a tanh. Nikadimu nih cu “Kan phungning ah
cun, ahohmanh a bia kan theih hlan le a tuahmi kan hmuh hlanah cun sual kan
phaw kho hna lo,” tiah a ti. Nikodemu cu voi khat Jesuh a va lengtu kha a
si. (Johan 3:51).
Jesuh ton awkah zan i a rak kalmipa Nikodemu zong kha Josef sinah cun a
kal i zihmui pawng za khat tluk, mura le aloes cawhmi kha aa ken. (Johan
19:31).
A pahnih nak ah Jesuh cu khual tlawn ah aa thawh than i cu lioah cun
mipa pakhat a hung tli i a hmaiah a khuk aa bil i, “Saya, nangmah cu mi tha na
si. Zungzal nunnak hmuh awkah zeidah ka tuah lai?” tiah a hal. Jesuh nih
cun, “Zeicahdah, saya tha, na ka ti? Pathian dah ti lo cu ahohmanh a thami an
um tung lo. Nawlbia kha na hngalh ko tung hna: ‘Lai va nawng hlah; nupi
cung le va cungin midang cungah sual hlah, fir hlah, lih chim hlah, mi va hleng
hna hlah, na nu le na pa va upat hna!’ ti pei an si kha,” tiah a
ti. Cu pa nih cun, “Saya, hi nawlbia vialte hi cu ka ngakchiat lio
in ka zulh lengmang ko cang hna,” tiah a ti. Dawtnak lungthin he Jesuh nih
dengteo in a vun zoh i, “Pakhat lawnglawng na bau, va kal law na ngeihmi thil
vialte kha va zuar law tangka cu sifakmi kha va then hna, cun vancung ah rothil
na ngei lai; cun ra law ka zul,” tiah a ti. Cu bia cu mipa nih khan a
theih tikah a hmai a chia i ngaihchia ngaiin a kir; zeicahtiah a rum ngaingaimi
a si. Jesuh bia ngaitu mirum tlangval pa Jesuh nih a si nak tak tak a chim tik
a duh ti lo Zungzal hmuh cu chimhlah Jesuh zulh hmanh a duh ti lo kir. A mah
duhmi kha Jesuh nih ka chim she law ka thangthat she ti a duh, Cucaah Pathian
bia kan ngaih tik ah lungput a biatuk nak hi a si.
Cun Thawngtha chimtu zong kan nun ah Thiangthlau nih a kan fiantermi
Pathian bia hi mi nung mit hmaizoh in si lo Pathian bia tanh in le biatak na
chim kan chim tik ah Thiangthlarau nih a kan bawmh i a kan tanhpi ti kan mahte
in kan i hngalh khawh bantukin Mi ti duhnak in baibal kan lak i kan chim tik ah
keimah pumpak ka tawnmi ah cun ka rei a thei tukmi a si caah Thanwgtha ka chim
hlan zong ah Thla ka cam hma sa lengmang cu hmanh cu ka ti khawh lo can a tam
tuk thiam thiam.
Bawipa nih thluachuah pek ko seh.
Comments
Post a Comment