Nawlngaihnak.
Nawlngaihnak timi hi keimah caah sullam ka harh
lawng siloin laiholh bia fang hrim hrim aw cawi hrim hrim nih hin harnak a ka
pek. NAWL NGAIH le NAWLNGEIH aw chuah ka harh tluk in a sullam i lak sualnak
nih lam hlatpi a kan pialpi. Nawlngaihnak i thim ding ko ah hin nawlngeih
duhnak ka thim tawn tik ah Pathian duhnak kan khen khawh tawn lo bantukin chung
khar le bu chungah buainak a chuahpi tawn. Zeitik hmanh ah a palh kho lomi le a
si ding tak tak cu Pathian lawng lawng hi nawlngeitu a si i mi vialte hi nawl
ngaitu kan si zungzal.
Pathian he kan i pehtalih nak hrimhrim ah hin kan
chambaunak ngan bik cu nawlngaih tim loin kanmah nawltu hi Pathian ngaihter kan
duh. Pathian bia hi a fiang ngai ko.
“Bawipa nih hin Bawipa aw zulhnak i
lawmhnak ngan a ngeih tluk hin maw,Khangh thawinak le raithawinak ah hin
lawmhnak a ngeih ve? Zohhmanh, nawlngaihnak hiraithawinak nakina òha deuh i
Amah bia ngaih hi tuukawng hna thaunakin a òha deuh. Zeitintiah ralchanh hman
hi litin bantukin sual a si ve i,Lungkhon hi that lo le siasal biak hean i tluk
(1 samuel 15:22-23).
Raithawinak nih hin zitik hmanh ah nawlngaihnak a
ai awh kho lo ti a si. Soul nih hin thil tha tak tak a tuah asinain Pathian
nawl a ngai lo. Zei bantuk thiltha a tuah zongah Pathian nih a chimh bantukin a
tuah lonak nih khan thil tha a tuahmi kha a ai awh kho lo.
Chim duhmi cu thiltha tuah nak nih Bawipa a lawmh
ter lo. A duh nak tuah nak nih a lawmh ter. Cucaah Jesuh nih: ka nawlbia kha a
cohlang i zulmi cu keimah a kadawmi an si. A ka dawmi poh nih cun ka bia kha an
ngaih lai (Johan 14:21).
1 Peter 3:1 nu nih nan va le kha a nawl nan ngaih
awk a si. Nawlngaih awk a si ti mi lawng kan lak tik poh ah hin hi nawlngaihnak
hi mi a kan buaitertu a si tawn, Mi tampi kan caah nawlngaih kan i harhnak
a chan hi nawlngaih timi sullam kan theih ning a dang caah a si bik rua ka ti.
Nawlngaih cu a mah nakin ka niam deuh tinak a si, a si lo ah cun a nawl ka
ngaih ahcun zei hmanh a ka rel lai lo ti in kan ruah. Asi lo Pathian bia ah pei
cu ti nan tuah ahcun nan va le lak i Pathian bia a zum lomi hna nih nan ziaza a
tha mi thawng cun.Pathian bia cu an zumh lai.An va le nawl an ngaih nak ah khan
an i dawhnak cu a si. Sarah kha cu bantuk cu a si. Abraham
kha a nawl a ngaih i ka bawipa tiah a auh. Thatnak nan tuah i zei hmanh tihnak
nan ngeih lo ahcun a fanu le cu nanmah hi nan si.
Sarah hi a dermi a si lo, a ral a chiami zong a si
lo, zeizong kong kau ah bochanmi a si lo. Zeitik can paoh ah mi hmai ah a lu a
khunmi a si lo, a nu le a pa nih Sarai tiah an auh. Siangphrang nu tinak a si.
A mui a dawh tuk. Abramham hmai ah hi a pamtuk ti awk hmanh khi a si kho men.
Asinain Pathian nih Sarah in a min a thlen “Mivialte nu” tinak a si.
An pa nawl a ngaih ruangah Sarah a sinak vialte
lakpiak tinak a si lo. Asinak vialte chung khan amah Pathian duhnak kha a
chappiak. Asinak vialte hmang in Pathian duhnak tlamtlingter kha asi.
Nawlngaihnak kan timi hi zumhnak chung in a chuakmi a si. Pathian nawl kan
ngaihnak cu kan zumhnak cungah khan a si. Pathian kan zumh i tuah a kan timi
tuah tung lo ahcun a nawl kan ngaih lo a si. A nawl kan ngaih lo ahcun zumh lo
kha a si. Sarah nih an pa a zumh, Pathian a zumh cu an pa hmang in Pathian
duhnak tlingter kha a si. An pa nawl a ngaihnak chung in an pa lila hmang in
Pathian duhnak tlingter kha a timhmi a si. Luke 23:28 Jerusalem mi nu hna
keimah caah tap hlah u nanmah le nan fale catu ah tap deuh u. Zei caahtiah mi
nih fa a ngei bal lo i fa a hring bal lo i fa hnuk a din bal lomi hna cu an van
a va tha dah nan ti can a phan te lai (Luke 23:28-29). Cu bantukin Mivialte he
a peh tlaimi fale caah nu nan si i Pathian khrifa bu caah
hin nu nan si hi i philh hrim hrim hlah u. Vawlei hi nan kut chung ah a um i
van hi nan kut chung ah um caah nan biapi tuk.
Kan baibal cauk chung nu lak-ah an minbak in baibal
ah kan hmuhmi cu Ruth le Esther hi an si.
Esther hi zumhtu a si i an pa Ahasurus (Persia) hi
zumlotu a si. Ruth Cu (Moab) mi zumlotu a si. An pa cu Khilion Nomifa hniang
Judah mi a si. Hi hna pahnih hi an sining aa khat. Pakhat cu zumlo tu a vat i
pakhat cu a mah kha zumlo tu a si. Ruth nih a chimmi bia cu "na miphun cu
ka miphun a si lai i na Pathian cu ka Pathian a si lai" a ti. An Zumhnak a
thawng in zei zong vialte tihnak ngei lo ngamhnak a ngeimi an si. Pathian
nawlngaihnak cu a pasal nu Nomi nawl ngaihnak ah a tlingter ve bantukin Esther
zong nih Pathian nawl a ngaihnak cu a pu Modikai nawlngaihnak ah a tlingter.
Ruth cu Miphun vialte Nu ah aa chuah i Esther cu Judah mi thihnak chung in
luattertu lawng hmanh si lo in sal sinak chung in luatnak a hmuh ter. Haman hi
reng sang tak tak a si second person bak a si. A doghnak ah Modikai thlainak
ding ah khan amah cu an thlai. Haman inn umnak maktara ah cun Modikai an umter.
Judah mi vialte an umnak kip ah an i nuam puai an tuah, a luan hmanh an luan.
Hi vialte hi Esther ngahtah nu Pathian nawl a ngaih i apu Modikai nawlngaih a
zuamnak chung in a chuakmi a si.
Ahasurus nupi hmasa Vasti singpahrang nu kong hi
vun tenh ta duak ka duh. Ahasuraus hi ram 127 a uk tu a si. Amen lo. Cu hna ram
lak ah nu pi dawh dawh tak a thit Vasti hi a dawh tak takmi a si. Puai ngan pi
a tuah. A nupi dawh cu siangpahrang luchin he mi pi hmai ah hung chuak ve seh
law ka lawmhnak a tling hnga tiah a ruah caah a nupi cu leng ah rak chuah ding
ah nawl a pek. Asinain a chuak lo. A chuah lonak a ruanghi a um hrim hrim lai.
A thin hunnak a um kho men. Asinain a hung chuah lonak nih siang pahrang nu
sinak a sunghter. Amah lawng a sung lai lo. A chung khar sahlawh miphun vialte
a sunghpi hna. Nawl kha rak ngai seh law kha vialte kha a sung hnga lo.
Voitampi cu kanhngalh ve ko tiah kan i ruah i nawl kan ngaih lonak nih hin
thiltha tampi a kan sunghter. Kan chungkhar fanu fa pa ngeih chiah, nuamhnak
daih vialte a sunghter dih tawn. Khrifabu zongah hin nawlngeih lonak te te nih
kan mah lila tampi a kan sunghter ve. Esther cu Pathian nawl a ngai. Modikai
nawl a ngai. Siangpahrang pa nawl a ngai. Cu vialte nih a min a langhter chin i
a phun luatnak a pek.
Cucaah nawlngaihnak cu raithawinak nakin a tha deuh
ti in kan hmuh bantuk mi lak ah rai thawinak va tuah lennak cun inn chungkhar
ah va le nawlngaih i pathian duhnak tlinter hi luatnak tak tak hmuhnak lam a
si.
Comments
Post a Comment