KHRIH LO NUN CU THIHNAK A SI

1. Mi nih hin vawlei pumpi hi co hmanh seh law, a nunnak a sungh tung ahcun zeital a miak hnga maw? A miak lai lo. A nunnak kha zeihmanh in a caw than kho lai lo (Mathai 16:26)

2. Minung cu a nunnak hi ram bantuk men a si ko; a hung thang i ramlak pangpar bangin a hung par. Cun thli a hung hrang ciammam a lo ai, Ahohmanh nih an hmu than ti lo (Psalm 103:15)

Sihmanhsehlaw hihi kan chimh hna: Siangpahrang Solomon hmanh kha, kha tluk khan a rum ko nain hi pangpar hna lak i pakhat tluk hmanh hin aa dawhmi hnipuan a ngei lo. (Mathai 6:29)

3. Kan dihlak in misual kan si, kan thil tuahmi tha bik kan timi hna hmanh hi puanchia fihnung an si. Kan sualnak ruangah cun hnahchawl thli nih a choihmi bantuk khi kan si. (Isaiah 64:6)

4. Mi vialte hi thaw bantuk menmenan si,a thi khomi minung hi zeihmanh an man lo. Cuaithlainak cungah chia hna u law zeihmanh an tlai lai lo,thaw nak hmanh in an zaang deuh (Paslm 62:9-10)

5. Ka chungah a um lomi cu mitsur nge car bantukin lengah hlonh an si ko. Cu bantuk nge cu an pumh hna i mei ah an paih hna i cuka ah cun an kang dih (John 15:6)

6. Cu ni cu a phak tikah, mi tampi nih keimah cu, ‘Bawipa, Bawipa! Na min in Pathian bia kha kan chim i na min in khuachia kha tampi kan thawl hna i khuaruahharnak tampi kan tuah hna,’ an ti lai. Khi tikah annih cu ka thawh hna lai i, ‘Nannih cu aho nan si kha kan hngal bal hna lo. Kal ko u, that lonak a tuahtu hna,’ tiah ka ti hna lai. I hngalhnak ti mi hi a bia tuk keimah tawnmi ka chim ahcun Khrihfa nun kan tah ning hi kan palh. Misual le miding ka i tah ning hi kan palh. Minung nih ziatha le miding kan sinak in kan i tah. Pathian nih cun misual ka si ti i hngalhnak chung in a kan tah. Khrihfa nun kan thawknak ah kan i palh colh. Zu a dinmi pa cu kan kaltak colh, mifim mithiam miding mi hna kha khrifa tha ah kan ruah colh.

Pathian nih a kan tahnak le a kan cohlannak Misual kan si i theih i sualman thihnak dantatnak in tuar ding hi ka ta a si ti theih hnu ah Jesuh nih ka caah sualman thih dantatnak hmun ah a kan thihpiaknak kha zumh bak. Sualman thihnak chung ah Jesuh he thih tih cang kan sinak kha mahte in i hngal cikcek hnu ah a thawhthannak ka hrawm ve ti zong mah nun hrim hrim nih theih hngalhnak ngeih bak in khrih thawng in Pathian nih miding ah a kan cohlan bak khan a Thiang thlarau kan sin pek kan si hnu lawng ah khan Amah he pehtalihnak hram ai thawk. Khrifa nun aa thawk. Cucaah Paul nih “Mi zeihmanh hi Khrih he an i pehtlaih tikah cun mi thar a si; a nunning hlun kha a lo cang, nunning thar kha aa thawk cang” (2 Kor 5:17).  

A dawtnak cung ah kan i pehtlaih a si lo. Na thatnak le nan dinnak cung ah a si lo. Zu a din ruangah a si lo a din lo ruangah a si lo. Misual a sinak ruangah thihnak chung ah an i peh i a thawh thannak chung a hung thawhnak lam lawng in peh khawh a si, Cucaah Jesuh nih “Pumsa lei in ti ahcun mi cu a nu le a pa chungin a chuakmi a si, sihmanhsehlaw thlarau hrin si awkah cun Thlarau in a chuakmi a si awk a si. Hrin than nan si hrimhrim awk a si” (Johan 3:6-7)

Belh biana bia

Jesuh nih tahchunhnak bia dang pakhat a chimh than hna. “Vancung Pennak cu a lo chung i thlaici tha a tuhmipa bantuk a si. Zan khat cu ral pakhat kha a ra i mi an i hngilh karah rawl ci lakah cun belh ci a vorh i lo diam in a kal. Rawl kung cu an hung òhang i rawl cu an hung vuih tikah belh zong cu an hung lang. Cu pa salle hna cu an ra i, ‘Bawipa, na lo chung i na tuhmi kha thlaici tha an si tung, khuazei in dah belh hi an rat kun?’ an ti. Hi a tuahtu cu kan ral kha a si,’ tiah a leh hna. Annih nih, ‘Belh cu kan va bawt hna lai maw?’ tiah an hal. Anih nih, ‘Bot hlah, zeicahtiah belh nan bawhpah ah khan rawl kung zong kha nan bawh chih sual hna lai. Rawl kung le belh cu hmunkhat ah rawl tuan caan tiang thang ti ko hna seh. Cun khi tikah rawl tuantu pawl cu ka thawh hna lai i: Belh kha bawt hmasa hna u law mei chung i paih awkah tom hna u; cun rawl kha tuan hna (Mathai 13:1-30). Zeitintiah Bawipa nih cun mi i an zohning in a zoh lo; mi nih cun lenglei langh ning kha an zoh, sihmanhsehlaw Bawipa nih cun lungthin kha a zoh,” tiah a ti (1 Sameul 16:7)

 

Mi nih hin vawlei pumpi hi co hmanh seh law, a nunnak a sungh tung ahcun zeital a miak hnga maw? A miak lai lo. A nunnak kha zeihmanh in a caw than kho lai lo. (Mathai 16:26). Samaria minu he bia an i ruahnak kong.