Kan nunzia nih maw khrih a kan tawnter a siloah Nunnak a thawktu hi khrih dah a si. Timi hi an i lo ngaimi khi an lo nain van le vawlei an i hlat tluk in an i hlat pin ah pakhat cu thihnak hram a si i pakhat cu nunnak hram a si.
Paul nih cu kei kan nun cu khrih a si a ti bantuk
in,
- Nunnak cu khrih in kan hmuhmi a si (Johan 14:6. Johan 11:25).
- Khrih he kan nun awk a si (kalati 2:20, John 14:19).
- Khrih bantukin kan nun awk a s (1John 4:17b, John 17:14, 1Peter
2:21-22).
- Nunnak hi khrih caah a si Phi 1:21. John 15:8,16).
Filipi cakuat ah khrifanun kong he pehtlai in
Pual nih a langhtermi hna kan zoh tuah lai.
1. Rian
tha
“Cucaah cun, nan chungah hi rian tha a thawktu
Pathian nih, Khrih Jesuh Ni ah hi rian cu a lim tiangin, a tuan zungzal lai”
(Filipi 1:6).
Hi rian a thawktu cu Pathian a si. Cu rian a tlingtertu cu Jesuh a si.
Zei in dah a tlinter Nun pek in mi vialte khamhnak kan hmuh khawhnak caah
riantha a tuan.
“Ka nunnak cu aho nih an ka chuh a si lo, keimah lungtho tein pek ka
sianmi a si ko” (Johan 10:18).
Khrih thawng in Thiangthlarau cu Kan nunnak chung rian atuan tikah kan
sualnak a kan hgalhter. Lawmhnak a kan pek. Hnangamnak a kan pek. Kan nun a kan
hruainak cu zeitin hmanh ah a dongh lai lo. A pa Pathian sin kan phak tiang a
kan um pi lai.
Cu bantuk nun a ngei i a tep cangmi Paul nih a duh bi mi a thim riantha
cu khrih dawtnak kong chim kha a si. “Ka duhnak ngan bik le si kho seh ti ka
duh bikmi cu, ka rian hi a tlam tlinh kho ning ti hi a si i a zungzal in, cun
atu thengte chinchin ah hin, ka nun zongah ka thih zongah, ralthatnak in khah i
ka pum hrimhrim in Khrih cu upatnak pek kha a si” (Filipi 1:20). Cu bantuk nun
cu Paul caah a duh bikmi riantha a si.
Kan Bawipa Jesuh zong nih zumtu hna tuan ding rian a kan fialmi le nawl
a kan pekmi rian tha bik cu mi vialte zultu tha ser kha a si. Cucaah khuazakip
ah va kal u law miphun vialte kha ka zultu ah va ser hna u” (Mathai 28:19).
“Asinain Thiang Thlarau nan cung i a tlun tikah cun, thawnnak in nan
khat lai i Jerusalem khua le Judea ram vialte le Samaria ram ah le vawlei cung
khuazakip ah ka tehte nan si lai,” tiah a ti hna” (lamkaltu 1:8).
Cucaah kan caah rian tha kan i thim dingmi cu kan mah ca tuan a si lo. A
rian tuan hi a si. Mi nih a hawile caah dawtnak ngan bik a ngeih khawhmi cu an
ca i a nunnak pek hi a si (Johan 15:13).
2. Riantha
bik i thim khawh nak
Paul nih filipi khrifabu hi a dirhmi a si i
cawnpiak ak hman lo a um caah a tha bikmi Pathian duhmi an theih lai lo i
a thim an i palh sual lai ti hi a phan tukmi a si. Hi bantukin kanmah
zongah rian tha kan i thim thiam lo kan fawite ve.
Kan Baibal nih riantha kan i thim thiamnak dingah a kan chimh mi cu “Nan
ca i thla ka cam tawnmi cu, nan dawtnak ngeihmi cu hngalhnak ahmaanmi le a chia
a tha thleidan khawhnak fimnak he thang seh law, cuticun a tha bik i thim
awk kha nan hngalh lai, ti hi a si (Filipi 1:9.) Jesuh nih Cathiang chung khan
tha tein nan kawl, cu nan kawl cu, Cathiang chungah cun zungzal nunnak kan hmuh
hmanh hnga maw tiah ruahnak nan ngeih caah a si; asinain Cathiang nih an dihlak
in an chimmi cu, keimah kong a si ko. Sihmanhsehlaw nunnak ngeih awkah
keimah sin rat tu cu nan duh lo (Johan 5:39).
Mit caw pa nih Jesuh David fapa kan damh tuah tiah zangfah a nawl. Au
hlah an ti hna na chet an ti. Ngakchiah hna an hnawh an ti. Asinain Jesuh nih
ka sin ra hna she. Van cung pennak cu anmah bantuk hi a si. Mi thongnga rawl
danghnak a tuah lioah khua tampi an khan a sin a in aho khua khannak hmanh lak
loin nga pahnih chang panga a karhter. Peter le Johna nih Kut ka dawh chungah
kutdawh mi pa an hmuh. Thil an pek lo. Khrih Jesuh min in an damter.
Zakia misual ah an ruah a sin a in a chung leh lam ah khamhnak a
tlung.“Hi vialte hi nan sin ka um lioah hin kan chimh hna, sihmanhsehlaw
ka Pa nih ka min in a run thlah laimi Bawmtu, Thiang Thlarau nih cun zeizong
vialte kha an cawnpiak hna lai i kan chimhmi vialte hna kha nan lung an pemter
hna lai (Johan 15:25:26).
Cun Pathian daihnak, minung hngalhnak a lonhtu nih cun, Khrih Jesuh
chungah nan lungthin le nan ruahnak cu him tein a chiah lai (Filip 4:5). Mi
nung hngalh nak a longh tu hi a ho dah a si hnga. Daneil
Ram ngeitu pa 12 lak ah pahnih lawng Farasi phungbia cawnpiak tu vailte
amah Paul lawng a donghnak a ho dah a tei.
Sihmanhsehlaw Pathian nih cun kannih cu Khrih Jesuh he a kan pehtlaihter
cang i Pathian nih Khrih cu kannih fimnak caah a ser cang. Nan ca i thla ka cam
tawnmi cu, nan dawtnak ngeihmi cu hngalhnak ahmaanmi le a chia a tha thleidan
khawhnak fimnak he thang seh law, cuticun a tha bik i thim awk kha nan hngalh
lai, ti hi a si (Filipi 1:9). Khirih nih a nunnak a thawngh mi hna cu
hngalhnak in an khat tawn i a nunnak caah a tha bik i thim thiamnak kha
Thiangthlarau bawmhnak thawng in kan hmugh tawn. Jesuh nih kan hngalh bal hna
lo that lonak a tuahtu hna va kal ko ka ti hna lai.
Pathian nih thluachuah kan pek piak ko seh.
27.1.2021 sermon.
Comments
Post a Comment