søndag 5. mars 2017

Harnak caan thlacam

Harnak caan thlacam nak SALM 6:1 Bawipa, na thinhung hlah law, ka si hlah! Na thinhun in dan ka tat hlah.SALM 6:2 ka baat cang caah ka cungah zaangfahnak ngei ko, ka tha a dih cang caah thazang thar ka pe ko sawh,SALM 6:3 ka nunnak hi a ning piin a fak, zei can dah hitihin ka um lai, maw BawipaSALM 6:4 Maw Bawipa, ka khamh tuah; na ka dawt caah thihnak chungin ka khamh tuah.SALM 6:5 Mithi khua ah ahohmanh nih an in hngal lo, Sheol ah ahohmanh nih an in thangṭhat kho lo.SALM 6:6 Lungfahnak in ka baa tuk hringhran cang; zanfate ka ṭahnak ah ka ihkhun cu a cin dih i ka chantling cu ka mitthli nih a ciah. SALM 6:7 ka ṭah tuk caah ka mit an phing dih i khua hmanh ṭha tein ka hmu kho ti lo — hi ti i ka umnak cu ka ral hna ruangah a si. SALM 6:8 Nannih ṭhat lonak a tuahmi hna, ka kaltak ko u, Bawipa nih ka ṭahnak kha a theih cang;SALM 6:9 bawmh hal in ka aunak kha a theih i ka thlacamnak kha a ka leh.SALM 6:10 Ka ral cu an sung lai i vansang au in an um lai, lungmit in chikkhatte ah an zam lai.

Harnak caan thlacam nak

SALM 6:1 Bawipa, na thinhung hlah law, ka si hlah! Na thinhun in dan ka tat hlah.SALM 6:2 ka baat cang caah ka cungah zaangfahnak ngei ko, ka tha a dih cang caah thazang thar ka pe ko sawh,SALM 6:3 ka nunnak hi a ning piin a fak, zei can dah hitihin ka um lai, maw BawipaSALM 6:4 Maw Bawipa, ka khamh tuah; na ka dawt caah thihnak chungin ka khamh tuah.SALM 6:5 Mithi khua ah ahohmanh nih an in hngal lo, Sheol ah ahohmanh nih an in thangṭhat kho lo.SALM 6:6 Lungfahnak in ka baa tuk hringhran cang; zanfate ka ṭahnak ah ka ihkhun cu a cin dih i ka chantling cu ka mitthli nih a ciah. SALM 6:7 ka ṭah tuk caah ka mit an phing dih i khua hmanh ṭha tein ka hmu kho ti lo — hi ti i ka umnak cu ka ral hna ruangah a si. SALM 6:8 Nannih ṭhat lonak a tuahmi hna, ka kaltak ko u, Bawipa nih ka ṭahnak kha a theih cang;SALM 6:9 bawmh hal in ka aunak kha a theih i ka thlacamnak kha a ka leh.SALM 6:10 Ka ral cu an sung lai i vansang au in an um lai, lungmit in chikkhatte ah an zam lai.

Huphennak ca thlacam

Huphennak ca Thlacam SALM 5:4 Nang cu ṭhat lonak tuahnak ah aa lawmmi Pathian na si lo i na hmaika ah ṭhat lonak umter kha na duh lo. SALM 5:5 Miporhlaw cu na ing kho hna lo i miṭhalo cu na huat hna. SALM 5:6 Lihchim mi cu na hrawh dih hna i mipuarhrang le mihlenhmang cu na nautat hna. SALM 5:7 Sihmanhsehlaw kei cu na dawtnak a nganmi thawngin na inn chungah ka ra lut kho; a thiangmi na biakinn chungah nangmah kan bia kho i na hmaiah ka kun kho. SALM 5:8 Bawipa, ral tampi ka ngei, na duhnak tuah awkah ka hruai law na lam cu ka zulh khawh nakhnga ka hmaiah na lam cu pheiter ko. SALM 5:9 Ka ral nih an chimmi bia cu zeitikhmanh ah zumh khawhmi bia an si lo, Zeicahtiah annih cu mi hrawh lawnglawng kha an duh; an kaa cu chilh lomi thlan bantuk a si i an bia cu hlennak bia le nal bia lawnglawng an si. SALM 5:10 Maw Pathian, annih cu sual phaw hna law dantat hna, an i timhmi thil ṭhalo cu tlinter hlah. An sualnak a tam ca le nangmah an in doh caah annih cu na hmaika in ṭhawl hna. SALM 5:11 Nangmah ah himnak a hmumi cu an i lawm lai i lawmhnak in hla an sa zungzal lai. Nangmah an dawmi cu na huhphenh hna, nangmah thawngin lawmhnak taktak an hmu. SALM 5:12 Bawipa, na nawl a ngaimi cu thluachuah na pek hna, na zaangfahnak nih phaw bantukin a huhphenh hna.

Huphennak ca Thlacam

SALM 5:4 Nang cu ṭhat lonak tuahnak ah aa lawmmi Pathian na si lo i na hmaika ah ṭhat lonak umter kha na duh lo. SALM 5:5 Miporhlaw cu na ing kho hna lo i miṭhalo cu na huat hna. SALM 5:6 Lihchim mi cu na hrawh dih hna i mipuarhrang le mihlenhmang cu na nautat hna. SALM 5:7 Sihmanhsehlaw kei cu na dawtnak a nganmi thawngin na inn chungah ka ra lut kho; a thiangmi na biakinn chungah nangmah kan bia kho i na hmaiah ka kun kho. SALM 5:8 Bawipa, ral tampi ka ngei, na duhnak tuah awkah ka hruai law na lam cu ka zulh khawh nakhnga ka hmaiah na lam cu pheiter ko. SALM 5:9 Ka ral nih an chimmi bia cu zeitikhmanh ah zumh khawhmi bia an si lo, Zeicahtiah annih cu mi hrawh lawnglawng kha an duh; an kaa cu chilh lomi thlan bantuk a si i an bia cu hlennak bia le nal bia lawnglawng an si. SALM 5:10 Maw Pathian, annih cu sual phaw hna law dantat hna, an i timhmi thil ṭhalo cu tlinter hlah. An sualnak a tam ca le nangmah an in doh caah annih cu na hmaika in ṭhawl hna. SALM 5:11 Nangmah ah himnak a hmumi cu an i lawm lai i lawmhnak in hla an sa zungzal lai. Nangmah an dawmi cu na huhphenh hna, nangmah thawngin lawmhnak taktak an hmu. SALM 5:12 Bawipa, na nawl a ngaimi cu thluachuah na pek hna, na zaangfahnak nih phaw bantukin a huhphenh hna.

torsdag 2. mars 2017

Zaanlei Thlacam Nak

SALM 4:1 Ka au tikah ka let tuah, maw Pathian a ka chanhtu, Harnak chung i ka um tikah nangmah nih na ka bawmh tawn. Atu zong ka zaangfah law ka thlacamnak hi ka theihpiak tuah.SALM 4:2 Nannih minung hna, zei can dah na ka serhsat lai? Zei can dah santlailo thil kha nan duh lai i lihbia kha nan dawi lai? SelahSALM 4:3 Bawipa nih amah ta si awkah a ka thim i ka auh tikah a ka theih ti kha philh hlah u.SALM 4:4 Ṭihnak ngei u law nan sualnak kha ngol hna u; hi thil hi nanmah lawng tein nan inn khaan chungah thuk piin ruat tuah u. SelahSALM 4:5 Bawipa cu a hmaanmi raithawinak kha pe u law amah cu i bochan tuah u. SALM 4:6 "Thluachuahnak hmu u si law kan hei duh hringhran dah," a timi tampi an um. Maw Bawipa, kan cungah zaangfahnak run ngei ko.SALM 4:7 Nangmah nih lawmhnak na ka pekmi cu, din awk zu tampi a ngeimi le ei awk rawl tampi a ngeimi hna an i lawmhnak nakin a ngan deuh. SALM 4:8 Hnangam tein ka it lai i kaa hngilh fawn lai, Bawipa, nangmah lawnglawng nih him tein na ka umter.

David thlacam nak afapa absalon sin in Adam lio Hla

SALM 3:1 Maw Bawipa, ka ral an tam tuk hringhran, a ka dohtu an tam tuk hringhran.SALM 3:2 An ka thangchiat i, "Pathian nih a bawm lai lo," an ka ti. SALM 3:3 Sihmanhsehlaw Bawipa, nangmah nih phaw bantukin na ka huhphenh zungzal i teinak kha na ka pek i ka lung na ka ṭhawnter ṭhan. SALM 3:4 Bawipa kha ka auh i a tlang thiang cungin a ka leh.SALM 3:5 Bawipa nih a ka thlim i kaa hngilh, Bawipa nih a ka ven caah him tein kaa hlau ṭhan.SALM 3:6 A ka kulhtu ka ral thong tampi hi ka ṭih hna lo.SALM 3:8 Khamhnak cu Bawipa sinin a rami a si, Bawipa nih a mi cu thluachuah pe ko hna seh."

onsdag 1. mars 2017

Bawipa Thimmi siangpahrang

SALM 2:1 Zeicahdah miphun hna nih ral thawhnak khua an khan i An mi hna nih thil ṭhahnem lo dohnak khua an ruah? SALM 2:2 An siangpahrang hna le an uktu bawi hna nih Bawipa le Bawipa nih a thimmi siangpahrang doh awk khua an khan. SALM 2:7 "Bawipa nih a chimmi cu ka thanh lai," tiah siangpahrang nih a ti. Cu a chimmi cu hihi a si: "Bawipa nih a ka thawh i, 'Nangmah cu ka fapa na si, nihin ni ah hin kan hrin. SALM 2:8 Ka hal law, miphun vialte hi nangmah kan pek dih lai; vawlei hi a dihlak in nangmah ta a si lai. SALM 2:9 Thirfung in na uk hna lai i tlak um bangin na khuai dih hna lai," a ti. SALM 2:10 Cucaah siangpahrang hna, ka bia ngai tuah u, uktu bawi hna, hngal cang tuah u. SALM 2:11 Bawipa cu ṭih bu tein a rian ṭuan tuah u, therphang in um u law SALM 2:12 a hmaiah kun tuah u. Cu ti a si lo ahcun, a thinhunnak kha khulrang in a alhmi a si caah, a thin a hung lai i nan thi sual lai. Amah chungah aa dormi cu thluachuakmi an si. 2 Rak Thatnak cash Thla an cam) LAMKALTU 4:23 An thlah cangka hna in Peter le Johan cu an bu sinah khan an va kir i tlangbawi upa pawl le upa hna nih an chimmi kha an va chimh hna. LAMKALTU 4:24 Annih nih an theih tikah hmunkhatte ah Pathian sinah thla an cam i, "Bawipa, van le vawlei le rili le an chung i a ummi thil vialte a Sertu, LAMKALTU 4:25 na Thiang Thlarau in kan pu David na sal sinah bia na rak chim i, 'Zeicahdah Jentail mi hna cu an thin a hun i miphun dang hna nih cun pakpalawng khua an khan? LAMKALTU 4:26 Bawipa le a Messiah cu doh awkah vawleicung siangpahrang hna cu an i tim i uktu hna cu an i pum,' na rak ti. LAMKALTU 4:27 Cuticun Herod le Pontius Pilat cu hi khua chungah hin Jentail mi hna le Israel mi hna he khan, a thiangmi na sal Jesuh, Messiah i na sermi cu doh awkah an i pum taktak. LAMKALTU 4:28 Nangmah nih a hung um te lai ding na rak ruah ciami le na rak khah ciami vialte kha tlinter awkah an i pum. LAMKALTU 4:29 Cucaah atu cu Bawipa, an kan hronak hi kan hngalhpiak law kannih na sal rual nih hin na bia cu ralṭha chinchin in kan chim nakhnga a nawl kan pe ko. LAMKALTU 4:30 Mi nih damnak an hmuh nakhnga na kut cu samh law a thiangmi na Sal Jesuh min in khuaruahharnak le hmelchunhnak cu umter ko hna," tiah an ti. LAMKALTU 4:31 Annih nih thla an cam dih tikah an i pumhnak hmun cu aa hnin. Thiang Thlarau in an khat i Pathian bia cu ralṭha ngaiin an chim.

Lawmhnak Taktak

SALM 1:1 Miṭhalo hna khuakhannak ah aa tel lo i Misual hna lam zong a zul lo i Pathian a nihsawhmi hna sinah a ṭhu lomi cu Thluachuakmi an si. An i lawmhnak cu Bawipa nawlbia tu ah khan a si i cu nawlbia cu chunzan in an ruat. Tiva kamah a khomi thingkung, a caan hmaan tein a thei a tlai i a hnah a uai bal lomi bantuk an si. An tuahmi thil kip ah khua awng an tong. SALM 1:4 Sihmanhsehlaw miṭhalo cu hi bangin an si lo, Thli nih a chawihmi favai bantuk an si. SALM 1:5 Cucaah miṭhalo hna cu Pathian nih sual a phawt hna lai, misual mi cu miding mi bu chungah an i tel kho lai lo. SALM 1:6 Bawipa nih miding cu an lam kha a hngalh, Sihmanhsehlaw miṭhalo cu an lam kha a rawk lai.

Na mitthil Thla ti Hla- Rev-Evan. Robert Thawngzam

Unau, Bawipa nih hi bangin an ti, "na tonmi thil ruangah fak piin na ttah lengmang nak kha ngol cang hna law, na mitthli kha thla ti hlah. Zeicahtiah na riantuan (na thlacamnak) man ah laksawng kan pek cang lai" an ti(Jere.31:16). Na halmi thil vialte cu an ra lio cang (Isaiah 43:18-19), Bawipa nih a fa le kan mitthli aluanmi le kan ttahmi hi a kan zoh kho lo (Ex.3:7-11). Cucaah na tonmi lungretheihnak le harnak vialte cu amah bochan na thiamnak ding caah le na thluachuah karh ternak caah Bawipa nih thlenpiak an duh hna. Mitthli he thlaici a tuhmi nih lunglawmhnak he a teipar an zun ton (Psalms 126:5). Bawipa nih an dawt. God bless you today! 2Minung Hawi nih an in dawt lo ruang, an in sawi ruang le an in ngaihthiam lo ruangah Bawipa nih an daw ti lo i an ngaithiam ti lo tinak sullam asi lo, an ser i nihin tiang nunnak an petu Pathian nih an dawtnak le an ngaithiamnak cu a hrawk khotu ding le a tlau ter khotu ding vawleicung thil ah zei hmanh an um lo (Rom.8:31-39; Heb. 9:12-15, 1Pet. 1:18-19). Bawipa dawtnak le khamhnak cu zungzal ca asi. God bless you today! 3 PATHIAN nih An Philh Lo:- ------------------------- Unau, Nangmah nih na philh i na kal tak zongah an ser i an dawtu Pathian nih zeitik hmanh ah an philh lo i an kal tak lo (Isaiah.43:1-7). Emanuel Pathian, zeizong vialte cungah nawlngeitu le daihnak Pathian nih na theih zong theih lo zongah thlahthlam lo tein nu nih a fa a umpi bantukin an umpi peng ko (Mtt.1:21-23). Cucaah nitin na nunnak ah na ralchia in maw harnak ruang le bia tha lo na theihmi ruangah na lungdong lai cih. Nangmah lawng na si lo. Teinak an petu ding le cu teinak a ngeitu cu an dawtu Pathian asi (Fil.1:28). A fapa Krih Jesuh hmanh a kan pek siang ahcun thil dang vialte zong a kan pek hnga lo ma? Pek tuk hen ta (Rom. 8:32). Cucaah pei hal u law kan pek hna tiah Bia a kan Kamh cu (Mt. 7:7). Kan halmi cu chim lo hal lomi tiang hmanh in kan herhmi vialte nifatin a kan petu Pathian kan ngei. Pa, Fapa le Thiang Thlarau sinin a rami daihnak na cungah um ko seh. Amen! God bless you today! =>> Share ve.... 4 Na Lung dong Hlah, Bawipa Tinhpiakmi Asi:- --------------------- Unau, Nangmah nihcun na nunnak kong na hngal dih lo cucaah na lungre a thei, asinain an sertu Pathian nihcun tling tein an hngalh dih cucaah na caah Bawipa a lungre a thei bal lo. Zeicahtiah, na caah a thabikmi thluachuahnak kha an tinhpiak peng (Jer.29:11). Thaizing kongah lungrethei in um hlah ka fa, Keimah nih na caah tuanvo ka lak dih ko lai ati (Mt.6:25-34). Ti kha mitsurzuu ah a thlengtu Bawipa, Krih Jesuh nih khan zeihmanh a si ti rua lo tiah na ruah i a sung na pek cangmi na nunnak hmanh kha khuaruahhar in teinak nganpi le sunparnak nganpi ah thlen a duh caah na ruahning le na timhmi ningin thil an kal lomi kha asi i na sungh dihnak caah an si lo (John.2:7-9). Zoh hmanh, na caah a thabikmi Bawipa thluachuahnak kha an ra lio cang hna (Isaiah.43:18-19). Tlawmte asi lo, a liam in a liammi thluachuahnak an si (John.1:16; 2Kor.8:9). God bless you today! =>> Share ve....

Ahodah bochan ding si Evan. sang Nawl

Hodah Bochan Ding A Si?

Zumtu tampi hna cu harsatnak le ngaihchihnak kan ton caan siseh, sungh zatlaknak le zawtfah kan ton caan zongah siseh kan i bochanmi hna cu thil ti kho deuh le mirum thawng hna le kan chungkhar hna an si tawn. 

Bible sianginn kan kai lio ah thla thum thla li tiang hna sianginn kai man pek awk ngei loin kan um. Cu tikah cun minung leiin cun a har tuk caah a ho dah tangka kan cawi lai timi rumro kha kan ruat. A ho hlei cawi awk le fuh panh awk kan hngal fawn lo. Asinain midang do cawi kha Bawipa nih a kan tinhpiakmi a si lo. Bawipa nih amah sinah thlacam ding le amah bochan ding kha a rak kan cawnpiakmi le a kan duh piakmi kha a si.

Isaiah 2:22 ahcun "Thih thiammi minung cu i bochan hna hlah u. Zeihmanh an thahnem tung lo" tiah a ti.

Mi sin do kan cawi hna ahcun cham than a herh. Pathian sinah kan cawi ahcun cham than a herh ti lo. Mi nih a kan bawmh ahcun bawmh than ve an hau. Mi lawng kan i bochan ahcun a kan zam tak maw, a kan tlau tak maw, a kan thih tak sual ahcun bochan ding an um ti lo. 

Cucaah zumtu hna nih Nifa kan nunnak ah a biapi cemmi cu Pathian i bochan zungzal ding kha a si. Bawipa kan i bochan ahcun zeitik hmanh ah a kan zamtak lai lo i a kan kal tak lai lo. 

JEREMIAH 17:5-8
Bawipa nih hi bangin a ti: "Minung kha a bochan i minung kha aa hngatchanmi ah aa serh i Bawipa kha a mertakmi cu a cungah chiat tlung ko seh! 
Amah cu thetse ram i a ummi burbuk bantuk a si, Ṭhat lonak a rat tikah zeihmanh a hmu lai lo. Ramlak i lungtamnak hmun ah cun khua a sa lai, ahohmanh an um khawh lonak cite ram ah cun, a um lai.

Sihmanhsehlaw keimah kha a ka bochan i a ka hngatchanmi cu thluachuahnak ka pek lai.
Amah cu tikam phunmi thingkung bantuk, tiva kam i hram a zammi bantuk a si. Vaupi ni a chuah tikah, ṭih awk zeihmanh a ngei lo, A hnah cu hring dildel in an um zungzal ko. Khuakhen kum a tlun tikah a zei a poi lo i a thei zong a dong lo.

Bawipa nih thluachuahnak pe ko seh!Amen.(Even. Sang Nawl