tirsdag 14. februar 2017

Sisal Idol Billy Grahamå

tirsdag 14. februar 2017 Siasial (Idol A CUAN TLAANG ▼ Feb 12, 2017 Siasial (Idol) Timi Hi Zeidah A Si? Billy Graham Bialehnak Biahaltu: Kan Pastor nih 'Idol' kong phung a kan chimh. Tangka zong nan pathian a si kho, nan rian zong nan pathian a si kho, zei thil paoh kha nan pathian an si kho tiah a kan chimh. 'Idol' timi cu milem in an sermi khi a si lo maw? Hi vialte a chimmi hna hi 'Idol' cu an si ko tiah na ruat ve maw? Rev. Billy Graham: Siasal (Idol) timi cu minung nih an biakmi thil a si. Nan Pastor nih a chimmi vialte zong kha chanthar holh in cun idol lawng te an si ko. Hlan chan i siasal (idol -sui in sermi milem, lung in sakmi milem le thing in sermi milem) an rak biak tluk tein tu chun minung zong nih an chawva, an tangka le an an suingun an biak hna. A kun i an biak ti si loin Pathian taktak naak hmanh in an thilri ah an lungthin le ruahnak an chiah. Cheukhat cu an thilri kongah thih hmanh an ngam. Cu tiangtiang cu a luan cang. A lungthin le ruahnak ah Pathian um loin an chawva le thilri ah a um caah a si. Cu bantuk cu Pathian biak loin an chawva le thilri an biak caah a si. Cheukhat nih cun siasal (idol) biak ah an rel lai lo. A ngaingai ti ahcun an rak biak a si ko. Midang nih siasal an biak tluk tein anmah zong an cawhva le thilri an biak a si ko. An tangka, chawve le thilri kha an bawipa ah a cang i, anmah tu kha an sal ah an cang. An tangka le chawva le thilri nih a uk cang hna. Anmah nih an um kho ti lo. Cucu chanthar holh in cun siasal biak a si. Jesuh nih fiang tuk in 'ahohmanh nih bawi pahnih riantuanpiak khawh a si lo ... Pathian le tangka rian nan tuan ti kho lai lo' tiah fiang tein a kan thenpiakmi kha a si (Matt 6: 24). Bible nih siasal (idol) kongah ralrinnak pahnih a kan pek: 1) Siasal cu an hmaan lomi an si i, minung nih kan herhmi ziaza thatnak le thlarau nun a kan pe kho lo; Pathian lawnglawng nih a kan pek khawh; 2) Kan nunnak i Pathian hmun hi zeihmanh nih a lak i, a rolh ding a si lo. 'Bible nih 'nanmah caah zei bantuk muisam hmanh in sialsal (idol) nan i ser lai lo' a ka ti (Exodus 20:4). Na nunnak ah sialsal biaknak zeital an um maw? Na nunnak ah Pathian nih hmun a lak ding a simi tangka le thil dangdang hna nih an la maw? An lak ahcun na sualnak i ngaichih law Jesuh Khrih lawng hi na nunnak laicer ah chiah lengmang i zuam tiah forhfial kan duh. Na Pastor Soisel Hrim Hlah: Billy Graham Share No comments: Post a Comment ‹ › Home View web version Powered by Blogger.

Ingen kommentarer:

Legg inn en kommentar