lørdag 11. februar 2017

Billy graham nun cawn awk

A CUAN TLAANG ▼ Feb 11, 2017 Billy Graham Bia An Hal I A Lehmi Hna: Kan Cawn Cio Ding Hrim A Si Biahaltu: 'Khrihfami hna kan tuanbia ah ahodah a minthang bik tiah na ruahmi hna an si? Ahodah an si timi theih ka duh sawhsawh lawng si loin keimah hrimhrim nih an nun cawn ve ka duh. Zaangfahnak tein na ka chim kho hnga maw?' Billy Graham: Pathian lawng nih kan lungthin le kan ruahnak a theih i, ahodah zumh awktlak tein Jesuh Khrih a zulmi a si ti zong a theih. Nangmah le keimah nih kan theih lomi minung zong kha zumh awktlak tein Jesuh Khrih a zulmi an um kho men. Minthang ngai le zumh ngaimi minung zong kan theih loin a rak chambau ziar kho i, kan theih lomi nu/pa te zong kha zumh awktlak tein Jesuh a rak zul i, a nunnak dih-heu tiang in a rak i tlaihmi a um kho men ko. 'Thih tiang zumh awktlak tein um peng u law nunnak suiluchin kan pek hna lai' tiah Jesuh nih a kan ti (Biathlam 2: 10). Thil pahnih in kan chimh hmanh lai. Pakhatnak ah, minthang ngai timi le zumh tlak ngai timi Khrihfami zong an rak tling lo. Asinain an nunnak ah cawn ding a ummi hna cu cawng hna law, an cungah i lawm u, asinain an hnu cun zul hna hlah u. Lamkaltu Paul nih a timi hna cu 'Jesuh Khrih nawl ka cawn bantukin nan nih zong ka nawl cawng ve u' a ti hna (1 Korin 11:1). A pahnihnak ah, Jesuh Khrih lawng hi a nawl kan cawn ding a si. Khrih cu taksa in aa langhmi kan Pathian a si. Khrih lawng a tling i, sualnak ngei lo a si. A dawtnak zong a tling; a thiannak zong a tling; Pathian duhnak zong tling tein a zulh. A tlin ruangah na sualnak le ka sualnak zong a kan lakpiak khawhnak a si. A nunnak raithawinak in nangmah le keimah a kan khamh. Jesuh Khrih ah feh tein um lengmang. A duh ning tein ni fatin in na um lengmang khawh nakhnga bawmhnak hal lengmang. Nan sualnak an ngaihthiamnak cungah lunglawmhnak zong chim lengmang law ni fatin in Amah ah um lengmang. Jesuh Khrih nun lawng hi na cawn lengmang dingmi cu a si. TCP. Thih Hnuah Sualngaihchihnak Caan A Um Ti Lai Maw? Billy Graham Lehnak ----------------------------------- Hnabeidong Hna Billy Graham Nih Thazaang Pek An Duh Hna Share No comments: Post a CommentP

Ingen kommentarer:

Legg inn en kommentar